Kosovo

Us der alemannische Wikipedia, der freie Dialäkt-Enzyklopedy

Republika e Kosovës Република Косово/Republika Kosovo Republic of Kosovo
Amtsschpraach(e)	Albanisch, Serbisch. Örtlicher Dialäkt vum Albanische isch Gegisch, vum Serbische Torlakisch, wytri Sprooche sin Romani un Türkisch.
Hauptschtadt	Prischtina
Schtaatsform	Parlamentarischi Demokrati
Schtaatsoberhaupt	Präsident Fatmir Sejdiu
Regierigschef	Minischterpräsident Hashim Thaçi
Flächi	10,912 km² km²
Iiwohnerzahl	2.126.708
Bevölkerigsdichti	220 Iiwohner pro km²
Währig	Uniliteral de Euro übernoo; i Serbische Enklave wird au de Dinar bruucht
Unabhängigkeit	Löslösig vo Sebie am 17. Februar 2008 eisytig dur dr Kosovo erklärt; zum Deil annerkannt
Ziitzone	MEZ (UTC+1)
Vorwahl	+381

Kosovo (Albanisch: Kosova, Serbisch: Косово и Метохија) isch a Region uffem Balkan, wo nach serbischer Ahsicht offiziell als autonoms Territorium zue Serbie ghört, aber am 17. Februar 2008 eisytig sini Unabhängigkeiterchlärig verchündet hett. S kosovarische Parlament gseht z Kosovo also als Republik Kosovo ah, wobii Serbie und Russland – wo am gliche Taag d Unabhängigkeitserchlärig abglehnt hend – es als Autonomi Provinz Kosovo und Metochien ahluegt.

S Kosovo gränzt im Südweschte a Albanie, im Nordweschte a Montenegro un im Südoschte a d Republik Mazedonie.

[ändere] Bevölcherig

S Statistikbüro vum Kosovo goot für s Joor 2000 vo 88 % Albaner, 7 % Serbe un 5 % sunschtige (slawischi Muslime, Roma, Aschkali un Türke) us [1]. Für 2006 goot s Büro vo 92 % Albaner, 5,3 % Serbe un 2,7 % sunschtigi us [2]. Die Angabe beruehe allerdings numme uf Schätzige, vorallem ufgrund vo de Chriegswirre un wyl dr albanischi Bvölcherigsaadeil syt 1989 d jugoslawische Volchzählige boykottiert het un dr serbische Aadeil synersits syt 2000 d Zählige boykottiert. D Albaner un slawische Muslime sin vorallem Sunnite, d Serbe meischt Orthodoxe.

[ändere] Unabhängigskeiterklärig

D Verhandlige zwüsche Belgrad un dr kosovo-albanische Syte sin Endi 2007 ohni Ergebniss zämmebroche. Druf het d Autonomibehörde vum Kosovo aadüdet dass si vorhen bald d Unabhängigkeit z erkläre un am 17. Februar 2008 inere Sitzig vum Parlament verabschiedet. D 109 Abgeordnete hen d Erklärig wo vum Minischterpräsident Hashim Thaçi uf Albanisch, Serbisch un Änglisch verläse worre isch eistimmig per Hand agnomme. D 10 serbische Abgeordnete sin abwesend gsi. D Unabhängigkeitserkärig bekennt sich zum Ahtisaari-Plan, wo zum Byspiil als wichtigi Provision de Aaschluss vum Kosovo aa en andres Land (also Albanie) usschliesst, un bezeichnet de neue Staat als "demokratisch, sekulär un multiethnisch". I dr glyche Sitzig sin au d neue Staatssymbole feschtgleit worre.

Serbie het d Erklärig für illegal un null un nichtig erklärt. Es vertritt d Position dass d Unabhängigkeitserklärig gäge d serbischi Verfassig un gäge internationals Rächt verstosset un het Haftbefehl gäge d drei füerendi kosovo-albanischi Politiker erlasse.

[ändere] Internationali Annerkennig

Anerkennig vor Republik Kosovo in dr Wält
    erkenne d Republik Kosovo a
    erkenne d Republik Kosovo nit a

S Kosovo wird momentan vo 60 Staate anerkannt (Stand: Juni 2009)^[1]. Dezue ghöre alli Noochbarstaate vum Kosovo (usser Serbie), bis uf Romänie un Bosnie-Herzegowina alli Noochbarstaate vo Serbie un 22 vo 27 Mitgliidstaate vo dr EU und au alli EFTA-Staate (u.a. Schwiiz, Liechtestei). D EU-Staate Spanie, Griecheland, Zypere, Rumänie und d Slowakei erkennen s Kosovo nid a. Anerkennt wird s Kosovo unter andere au vo de Vereinigte Staate, Kanada, Auschtralie und Japan. E Ufnaam in d UNO gilt im Momänt allerdings als usgschlosse wyl Russland als ständigs Mitgliid vum Sicherheitsroot d Unabhänigkeitserchlärig als illegal aasiet un d Volchsrepublik China Bedenke geüsseret het.

[ändere] Netzgleicher (Weblinks)

• Parlament vom Kosovo (englisch, albanisch und serbisch)
• Regierig vom Kosovo (englisch, albanisch und serbisch)
• Präsident vom Kosovo (englisch, albanisch und serbisch)

[ändere] Einzelnochwiis

1. ↑ Lueg dodrzue die (änglisch) Lischte uf dr Website vom Usseminischterium vom Kosovo Countries Recognitions

De Artikel Kosovo uss de Kategory Geografy isch leider no zimlig churz! Wenn dr meh züe dem Thema weisch, no schrib s dezüe und entfern nochher d Markierig {{Stumpen|1}}. Wenn de no nie e Stumpe erwitert häsch, no findsch do Hilf dezüe.