Monaco
Us der alemannische Wikipedia, der freie Dialäkt-Enzyklopedy
|
|||||
| Amtsschproch | Französisch | ||||
| Houptschtadt | Monaco | ||||
| Staatsform | konstitutionelli Erbmonarchi | ||||
| Staatsoberhoupt | Fürst Albert II. | ||||
| Regierigschef | Jean-Paul Proust | ||||
| Flächi | 1.97 km² | ||||
| Iiwohnerzahl | 32.000 (Schtand Jan. 2006) | ||||
| Bevölkerigsdichti | 16.966 Iiwohner pro km² | ||||
| BIP/Iiwohner | Euro (2004) | ||||
| Währig | Euro | ||||
| Ziitzone | UTC+1 | ||||
| Nationalhymne | Hymne monégasque | ||||
| Autonummere-Kennzeiche | MC | ||||
| Internet-Ändig | .mc | ||||
| Vorwahl | +377 | ||||
S Fürschtetum Monaco isch e Schtadstaat z Weschteuropa. S lit vo Frankriich umschlosse a dr Mittelmeerküste i dr Nächi vo dr italienische Gränze.
Hüt isch Monaco vor allem bi de Riiche als Wohnsitz begehrt, da weder Iikomme- no Erbschaftstüüre erhobe wärde.
Inhaltsverzeichnis |
[ändere] Geografi
S Fürschtetum lit a dr französische Mittelmeerküste, zwüsche dr französische Schtadt Nizza im Weschte und dr französisch-italienische Gränze im Oschte. D Küstenlängi vom Fürschtetum betreit 4,1 km. I de letschte Johrzähnte het mer s Staatsgebiet dur Landgwinnig um 40 ha uf 197 ha vergröschert. Mit siner sech gringe Flächi isch Monaco nach dr Vatikanschtadt dr zwöitchliinschti Staat vo dr Wält, het abr d höchschti Bevölkerigsdichti vo allne Staate.
[ändere] Verwaltigsgliderig
D Ungerschiid zwüsche däm Staat und dr Schtadt Monaco isch rein theoretisch, dr Staat bestoht de facto nur us dr Schtadt (Gmeind).
[ändere] Chlima
Z Monaco härrscht e Mittelmeerchlima mit milde nasse Winter und warme abr nid z heisse Sümmer. D durschnittlichi Tämperatur vo de letschte 60 Johre lit öppe bi 16°C und variiert vo 11°C im Winter bis 26,5°C im Summer. D durschnittlichi jöhrlichi Sunneschiiduur betrait 2.583 Stunde und s rägnet nie meh als a 62 Dag im Johr.
[ändere] Bevölkerig
Mit öppe 17.000 Iiwohner pro km² isch Monaco dr am dichteschti besidlti unabhängigi Schtaat uf dr Wält. Är ghört abr au zu de sicherschte. Mer bezeichnet d Iiwohner vo Monaco ass Monegasse. D iiheimischi Bevölkerig bildet abr e Minderheit in irem Land. 47 % vo dr Iiwohner sin Franzose während je 16 % Monegasse oder Italiener sin. D reschtliche 21% verteile sich uf 125 verschideni Nationalitäte.
[ändere] Schproch
D monegassischi Schproch isch e romanische Dialäkt, wo mit däm ligurische Dialäkt vom Italienische verwandt isch. Alleinigi Amtsschproch isch aber s Französische. Im Fürschtetum wärde au vil Italienisch und Änglisch gredt.
[ändere] Religion
D römisch-katholischi Chile isch d offizielli Schtaatschile. D monegassischi Verfassig garantiert jedoch d Freiheit vo anderne Religione und Konfessione. 90% vo de Monegasse sin Katholike, 6% Protestante, danäbe git s orthodoxi und jüdischi Minderheite.
 Wenn dr meh züe dem Thema weisch, no schrib s dezüe und entfern nochher d Markierig {{Stumpen|1}}.Wenn de no nie e Stumpe erwitert häsch, no findsch do Hilf dezüe. |
