Burgdorf
| Burdlef | |
|---|---|
 |
|
| Basisdate | |
| Staat: | Schwiiz |
| Kanton: | Bärn (BE) |
| Verwaltungskreis: | Emmental |
| BFS-Nr.: | 0404 |
| Poschtleitzahl: | 3400–3402 |
| UN/LOCODE: | CH BGF |
| Koordinate: | 614265 / 21178647.0569447.626393533Koordinate: 47° 3′ 25″ N, 7° 37′ 35″ O; CH1903: 614265 / 211786 |
| Höchi: | 533 m ü. M. |
| Flächi: | 15.60 km² |
| Iiwohner: | 15'584 (31. Dezämber 2011)[1] |
| Arbetslosequote: | 4,0 % (2010)[2] |
| Uusländeraateil: | 14,4 % (Dezember 2006)[3] |
| Stadtpräsidentin: | Elisabeth Zäch (SP) |
| Website: | www.burgdorf.ch |
 Schloss Burdlef |
|
| Karte | |
 |
|
D Stadt Burdlef (amtlech Burgdorf, französisch Berthoud), s sogenannte „Tor zum Ämmitau“, isch e Stadt mit hystorische Muure, ca. 20 Kilometer vo Bärn. D Iwonerzau belouft sech uf ungfähr 15'000 Iwoner (Stand April 2007). [4]
Inhaltsverzeichnis |
Gschicht [ändere]
Buurdlef isch zum erschte Mal gnennt worde im Jahr 1236 aus in oppido Burchtorff. Bis zum 31. Dezämber 2009 isch d Gmeind Houptort vom Bezirk Buurdlef ghört.
Bevöukerig [ändere]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Iiwohner | 3636 | 4199 | 5049 | 6549 | 6847 | 8404 | 9367 | 9447 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Iiwohner | 9772 | 10197 | 11586 | 13936 | 15888 | 15379 | 15373 | 14714 |
Dr Uusländeraateil isch 2010 bi 12,9 % gläge.
Religion [ändere]
67,5 % vo de Iiwohner si evangelisch-reformiert, 13,5 % si römisch-katholisch (Stang 2000).
Politik [ändere]
Bi de Nationauraatswahle 2011 het s das Ergebnis gää: BDP 14,3 %, CVP 2,0 %, EVP 6,3 %, FDP 9,6 %. GLP 5,6 %, GP 11,5 %, SP 24,0 %, SVP 19,7 %, Suschtigi 7,0 %.
Gmeindspresidäntin vo Buurdlef isch d Elisabeth Zäch (Stang 2013).
Schloss [ändere]
Ds Schloss Burgdorf isch ds Wahrzeichä vo Burdlef, ou der Name chunnt vo dem Schloss. Genauer gnoh isch es ender e Burg, aber es isch zu Zähringerszyte vor auem aus Schloss brucht wordä. Im Schloss obä si drü verschidäni Musee, ds Goldmuseum, ds Vöukerchundemuseum, und ds Schlossmuseum. Vom Schloss us chame e Grossteil vo Burdlef überblickä.
Oberstadt [ändere]
D Oberstadt (oder Altstadt) isch ufeme Hogär obe und het no richtig hystorischi Hüsär. Ir Oberstadt si di meiste traditionelle Läde vo Burgdorf, wi unger angerem ds Chino Chrone, de Spilwarehändler Buchmann, de Mässermacher Chlötzli, ds Teegärtli und anderi. Ou di rächt moderni Stadtbibliothek, e Postfiliale, d UBS, d Polizei, und d Stadt- und Iwohnerkontrolle si hie. I de letschte Johr isch d Oberstadt allerdings immer wie weniger beläbt, ds Zentrum vo Burgdorf het sech immer meh richtig Ungerstadt verschobe. Di wirtschaftlechi Situation isch rächt schwirig, einigi Läde wi z. B. de Manor hei scho müesse zuetue.
Ungerstadt [ändere]
D Ungerstadt isch inzwüsche s Zentrum vo Burdlef worde. Es git sehr vili verschideni Läde, erwähnenswärt si d Migros und de Denner im Neumarkt, und de Interdiscount, de Brodman, und ds Vögele Shoes im Mergele. D Ungerstadt het inzwüsche d Oberstadt aus Stadtzentrum abglöst, was vermuetlech vor auem em Houptbahnhof und em Fahrverbot ir Oberstadt zuezschribe isch. Zudäm hei vili Banke dört ihri Filiale, d UBS isch aus einzigi Bankfiliale vo Burgdorf ir Altstadt gläge. Ou a Kultur und Unterhaltig fäuts nid, für Kunschtinteressierti gits ds Franz-Gertsch-Museum, und im Chino Rex chöme immer die nöischtä Fiume.
Wirtschaft [ändere]
Es git einigi grossi Firmenä z Burgdorf, wie unger angerem Roche, YpsoMed, Aebi, Seewer Rondo Doge, oder ESA.
D Arbetslosigkeit isch im Jahr 2011 bi 3,3 % gläge.
Markthalle [ändere]
D Markthalle isch es Verastaltigsort, wo unter anderem Usstellige, Konzärt, Märite und angers stattfinge wie zum Bispiu ou ds Barfestival und ds Gymfest. Vor der Markthalle isch aube ou no Viehmärit.
Solätte [ändere]
D Solenität (vom latinische sollemnis: „alljährlich gefeiert“) isch es traditionells Schuelfest, wo jedes Jahr stattfingt und me nume z Burdlef und z Murtä kennt. Es git zwöi grossi Umzüg düre Tag und e Feschdetä am Obe. De Morgeumzug geit dür d Altstadt bis zur reformierte Chile ufe, wos e Gottesdienst git und wo jede Erstklässler e prägti Gedänkmünze bechunt. Dr Namitagsumzug geit vor Altstadt uf d Schützematt, wo d Schüeler jewils Tänz vorfüere, Staffete renne oder säuber ischtudierte Reige uuffüere. Wichtig bi dene Umzüg isch jewils, dass d Meitli wissi Röckli und Bluemechränz träge und d Giele schwarzwiss agleit si. Agfüert wärde beidi Umzüg vo de Burdlefer Kadette. De Obe ändet mit Schüelerkonzärt und eme allgemeine Volksfest ir Oberstadt.
Sprach u Dialäkt [ändere]
Bir Voukszeuuig 2000 hei vo de 14714 Iiwohner 88,9 % Dütsch aus Houptsprach aagää, 0,8 % Französisch u 2,7 % Italienisch.
Dr Dialäkt vo Buurdlef ghört zum Hochalemannisch.
Personä [ändere]
Es git viu lokal und schwizwit bekannti Prominänz z Burdlef:
- D Birgit Steinegger, wo aube ir Sändig Total Birgit chunnt, het ihri Wurzlä z Burgdorf.
- Dr Willy Michu, Gründer vo Disetronic und Ypsomed sowie einä vo de richschtä Manne ir Schwiz.
Fuessnote [ändere]
- ↑ www.pxweb.bfs.admin.ch
- ↑ Mitarbeiter: Gemeindesuche. In: Offizielle Webseite. Bundesamt für Statistik, 2011, S. 1. Abgrüeft am 2011-08-28. (HTML, Deutsch, Eingabe Burgdorf. Jahresdurchschnitt)
- ↑ Mitarbeiter: Entwicklung der Wohnbevölkerung in der Gemeinde Burgdorf. In: Offizielle Webseite. Stadtmarketing Burgdorf, 2011-12-31, S. 1. Abgrüeft am 2011-08-28. (HTML, Deutsch, seit 2006 nicht mehr nachgeführt)
- ↑ http://www.burgdorfer-innopreis.ch/index.php?id=18&backPID=18&tt_news=519
Weblink [ändere]
Allmänd (Commons): Burgdorf – Sammlig vo witere Multimediadateie
