Burgdorf
| Wappe | |
|---|---|
 |
|
| Basisdate | |
| Kanton: | Bärn |
| Bezirk: | Burdlef |
| BFS-Nr.: | 0404 |
| PLZ: | 3400-3402 |
| Koordinate: | 47° 06' n. Br. 7° 62' ö. L. |
| Höchi: | 533 m ü. M. |
| Flächi: | 15.60 km² |
| Iwohner: | 15.374 (31. Dezämber 2010) [1] |
| Website: | www.burgdorf.ch |
| Karte | |
 |
|
D Stadt Burdlef (amtlech Burgdorf), s sogenannte „Tor zum Ämmitau“, isch e Stadt mit hystorische Muure, ca. 20 Kilometer vo Bärn. D Iwonerzau belouft sech uf ungfähr 15'000 Iwoner (Stand April 2007). [1]
Inhaltsverzeichnis |
[ändere] Schloss
Ds Schloss Burgdorf isch ds Wahrzeichä vo Burdlef, ou der Name chunnt vo dem Schloss. Genauer gnoh isch es ender e Burg, aber es isch zu Zähringerszyte vor auem aus Schloss brucht wordä. Im Schloss obä si drü verschidäni Musee, ds Goldmuseum, ds Vöukerchundemuseum, und ds Schlossmuseum. Ou ds Gricht und d Ungärsuechigshaft si im Schloss obä. Vom Schloss us chame e Grossteil vo Burdlef überblickä.
[ändere] Oberstadt
D Oberstadt (oder Altstadt) isch ufeme Hogär obe und het no richtig hystorischi Hüsär. Ir Oberstadt si di meiste traditionelle Läde vo Burgdorf, wi unger angerem ds Chino Chrone, de Spilwarehändler Buchmann, de Mässermacher Chlötzli, ds Teegärtli und anderi. Ou di rächt moderni Stadtbibliothek, e Postfiliale, d UBS, d Polizei, und d Stadt- und Iwohnerkontrolle si hie. I de letschte Johr isch d Oberstadt allerdings immer wie weniger beläbt, ds Zentrum vo Burgdorf het sech immer meh richtig Ungerstadt verschobe. Di wirtschaftlechi Situation isch rächt schwirig, einigi Läde wi z. B. de Manor hei scho müesse zuetue.
[ändere] Ungerstadt
D Ungerstadt isch inzwüsche s Zentrum vo Burdlef worde. Es git sehr vili verschideni Läde, erwähnenswärt si d Migros und de Denner im Neumarkt, und de Interdiscount, de Brodman, und ds Vögele Shoes im Mergele. D Ungerstadt het inzwüsche d Oberstadt aus Stadtzentrum abglöst, was vermuetlech vor auem em Houptbahnhof und em Fahrverbot ir Oberstadt zuezschribe isch. Zudäm hei vili Banke dört ihri Filiale, d UBS isch aus einzigi Bankfiliale vo Burgdorf ir Altstadt gläge. Ou a Kultur und Unterhaltig fäuts nid, für Kunschtinteressierti gits ds Franz-Gertsch-Museum, und im Chino Rex chöme immer die nöischtä Fiume.
[ändere] Firmenä
Es git einigi grossi Firmenä z Burgdorf, wie unger angerem Roche, YpsoMed, Aebi, Seewer Rondo Doge, oder ESA.
[ändere] Personä
Es git viu lokal und schwizwit bekannti Prominänz z Burdlef:
- D Birgit Steinegger, wo aube ir Sändig Total Birgit chunnt, het ihri Wurzlä z Burgdorf.
- Dr Willy Michu, Gründer vo Disetronic und Ypsomed sowie einä vo de richschtä Manne ir Schwiz.
[ändere] Markthalle
D Markthalle isch es Verastaltigsort, wo unter anderem Usstellige, Konzärt, Märite und angers stattfinge wie zum Bispiu ou ds Barfestival und ds Gymfest. Vor der Markthalle isch aube ou no Viehmärit.
[ändere] Solätte
D Solenität (vom latinische sollemnis: „alljährlich gefeiert“) isch es traditionells Schuelfest, wo jedes Jahr stattfingt und me nume z Burdlef und z Murtä kennt. Es git zwöi grossi Umzüg düre Tag und e Feschdetä am Obe. De Morgeumzug geit dür d Altstadt bis zur reformierte Chile ufe, wos e Gottesdienst git und wo jede Erstklässler e prägti Gedänkmünze bechunt. Dr Namitagsumzug geit vor Altstadt uf d Schützematt, wo d Schüeler jewils Tänz vorfüere, Staffete renne oder säuber ischtudierte Reige uuffüere. Wichtig bi dene Umzüg isch jewils, dass d Meitli wissi Röckli und Bluemechränz träge und d Giele schwarzwiss agleit si. Agfüert wärde beidi Umzüg vo de Burdlefer Kadette. De Obe ändet mit Schüelerkonzärt und eme allgemeine Volksfest ir Oberstadt.
