Murten
| Wappe | |
|---|---|
 |
|
| Basisdate | |
| Kanton: | Fryburg |
| Bezirk: | Seebezirk |
| BFS-Nr.: | 2275 |
| PLZ: | 3280 |
| Koordinate: | 46.928061 n. Br. 7.116954 ö. L. |
| Höchi: | 453 m ü. M. |
| Flächi: | 12.02 km² |
| Iwohner: | 6.125 (31. Dezember 2010) [1] |
| Website: | www.murten.ch |
| Karte | |
 |
|
Murte (dütsch: Murten, frz. Morat) isch e Schtadt im Schwiizer Kanton Fryburg. S isch de Hauptort vom Seebezirk un het e wünderschöni Altschtadt. Es historischs Ereignis, d Schlacht bi Murte, isch für d Gschicht vo de Eidgnosseschaft wichtig gsi. Doderbi hei d Eidgenosse de Burgunderkönig Karl bsiegt un de Machtglüscht vo de Burgunder in de Region es End gsetzt.
[ändere] Geographii
Zu Murte ghöre d Dörfer Burg un Altavilla, d Wiiler Prehl, Leuebärg un Erli. Nachbargmeinde sin Greng, Merlach, Gurwolf, Salvenach, Lurtige, Büchsle, Galmiz, Muntelier, Ried un Unterwistenlach im Kanton Fryburg un Münchewiler un Müntschemier im Kanton Bärn.
[ändere] Gschicht
S erschti Mol isch Murte in ere Urkund im Johr 515 gnennt. Derte isch vo eme Hof mim Näme Muratum d Red, wo em Chloschter vo Saint-Maurice gschenkt worde-n-isch. Us em Johr 1228 isch d Bezeichnig Murat überlifert.
Nach de Völkerwanderig het Murte zum Königriich Burgund ghört, 1127 sin d Rächt i de Region bi de Zähringer gläge. De Berthold IV. het d Schtadt zwüsche 1157 un 1177 in de typische zähringische Rechteckform ufbaue laa. Wo d Zähringer 1218 usgschtorbe sin, isch d Ziit für Murte nöd eifach gsi. D Schtadt isch zwar riichsfrei worde, aber uf em Gränzgebiet zwüsche de Savoyer un de Kyburger isch d Herrschaft über d Schtadt immer umschtritte gsi. Zur Sicherig vo de Schtadt het Murte ab em Johr 1238 e Ringmuur übercho.
Vo 1255 bis 1475 isch Murte mit wenige Usnahme unter de Schutzherschaft vo de Savoyer gsi, het sich aber es Schtück Selbschtändigkeit könne erhalte. Ei Grund defür isch sis Bündnis mit de Schtadt Bärn im 1351 gsi. So het Murte sit 1353 als Zugwandter Ort vo de Eidgenossenschaft ghört. Mit dr Mediationsakte isch d Schtadt 1803 gege de Wille vo de meiste Schtadtbewohner zum Kanton Fryburg cho.
[ändere] Webgleicher
Allmänd (Commons): Murten — Witeri Mulitimediadateie zum Artikel
