Schärz AG

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Scherz vermyde, wo öppis anders meined.
Scherz
Wappe vo Scherz
Basisdate
Staat: Schwiiz
Kanton: Aargau (AG)
Bezirk: Bruggw
BFS-Nr.: 4113i1f3f4
Poschtleitzahl: 5246
Koordinate: 656375 / 25558247.448618.186113408Koordinaten: 47° 26′ 55″ N, 8° 11′ 10″ O; CH1903: 656375 / 255582
Höchi: 408 m ü. M.
Flächi: 3,30 km²
Iiwohner: 652 (31. Dezämber 2016)[1]
Website: www.scherz.ch
Charte
Charte vo Scherz
ww

Schärz isch es Dorf im Bezirk Brugg im Schwiizer Kanton Aargau. S ghört zu Lupfig und isch bis zum 31. Dezämber 2017 en eigeständigi Iiwohnergmeind gsii.

Geographii[ändere | Quälltäxt bearbeite]

S'Dorf liggt inere Mulde am weschtliche Rand vom flache Birrfeld. Gäge Norde i Richtig Habsburg stiigt d'Äbeni liecht aa. Die weschtlichi Gmeindsgrenze verlauft enere Gländekante entlang wo wiit überem Aaretal liggt. Im Südweschte liit de 508 Meter höchi Scherzberg, wo im Süde in Cheschteberg übergat, en Usläufer vom Faltejura. Durs Dorf verlauft de Süessbach, wo zwei ehemaligi Mühleweiher schpiist und übers Birrfeld uf Huse, Windisch und Brugg fliesst.

De Gmeindsbann het e Flächi vo 330 Hektare, dodervo sind 110 Hektare Wald und 39 Hektare überbaut. Di höchschti Stell vom ehemalige Gmeindsgebiet isch uf 541 Meter en namelose Gipfel zwüschem Cheschteberg und em Scherzberg, di tüfschti uf 387 m ü. M. bide öschtliche Gmeindsgrenze. Nachbargmeinde sind gsi Habsburg im Norde, Huse im Nordoschte, Lupfig im Oschte, Holderbank im Süde und Schinznach-Bad im Weschte.

Gschicht[ändere | Quälltäxt bearbeite]

Im Dorfzäntrum vo Schärz

S erschti Mol taucht Shernitz in ere Urkund us em Johr 1240 uf. S Dorf het im Mittelalter zum Eigeamt vo de Habsburger ghört und isch en Teil vo ihrem ältischte Bsitz gsi. Im 1397 hei d Habsburger de Bsitz em Chloschter Königsfälde gschenkt. Im Johr 1415 hei d Bärner de Aargau eroberet und s Dorf isch en Teil vom Bärner Underaargau worde. D Reformation isch, wi überall z Bärn, im 1528i iigführt worde und s Chloschter ufghobe. Zur Verwaltig vom ehemolige Chloschterbsitz het Bärn d Landvogtei Königsfälde gründt.

Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Schärz ghört sither zum Kanton Aargau.

Per 1. Jänner 2018 isch Schärz mit Lupfig fusioniert worde.

Weblink[ändere | Quälltäxt bearbeite]

 Commons: Schärz – Sammlig vo Multimediadateie

Fuessnoote[ändere | Quälltäxt bearbeite]

  1. Bevölkerungsentwicklung zweites Halbjahr 2016. Departement Finanzen und Ressourcen, Statistik Aargau, März 2017. Abgrüeft am 2017-03-04. (PDF, 779 kB)