Lauffohr
Lauffohr isch es Dorf und en Ortsdeil vo dr Stadt Brugg im Aargau.
Bis anne 1970 isch es en eigeti Gmeind gsi.
S Dorf lyt uf dr lingge Syte vo dr Aare und am öschtlechen Ändi vom Bruggerbärg.
I dr Gschicht isch s Dorf s erschte Mol in ere Urkunde vom Joor 1281 gnänt. Es het dozmol em Chlooschter Murbach im Elsass ghört. D Namensforscher erkläre dr Ortsname eso, dass er von ere Fääri chunt, wo bim Lauffe vo dr Aare gsi isch.
1588 und 1599 het d Stadt Brugg e Deil vo dr Herrschaft Rein gchauft, wo Lauffohr drzue ghört het. Vo 1803 bis 1809 sind Lauffohr, Rüfenach und Rein zäme ei Gmeind gsi, drno sind si separati Gmeinde worde. D Gmeind Lauffohr het 1823 scho en Deil von irem Land verchauft. Nach zwo Abstimmige i de 1960er Joor über e Vereinigung mit Brugg isch 1970 die Gmeindfusion z stand cho.
Lauffohr ghört, was d Religion agoot, zu dr Refermierte Chilegmeind Rein.[1]
Literatur[ändere | Quälltäxt bearbeite]
- Felix Müller: Lauffohr In: Historisches Lexikon vo dr Schwiiz.
Fuessnoote[ändere | Quälltäxt bearbeite]
- ↑ Reformierte Kirchgemeinde Rein uf ref-rein.ch
