Gallecherch
| Gallenkirch | |
|---|---|
 | |
| Basisdatä | |
| Staat: | Schwiiz |
| Kanton: | Aargau (AG) |
| Bezirk: | Brugg |
| Gmeind | Bözberg |
| PLZ | 5224 |
| Koordinate: | 651840 / 259092 |
| Höchi: | 565 m ü. M. |
| Flächi: | 1,37 km² |
| Iiwohner: | 133 (31. Dezämber 2011)[1] |
| Website | www.gallenkirch.ch |
| Charte | |
 | |
Gallecherch (amtl. Gallenkirch) isch en ehemoligi Iiwohnergmeind im Bezirk Brugg im Schwiizer Kanton Aargau, wo uf de 1. Jänner 2013 mit de Gmeinde Linn, Under- und Oberbözberg zu de Gmeind Bözberg fusioniirt het.[2] S Dorf ligt vo Brugg us ännet em Bözbergpass im obere Fricktal, wo s geografisch derzu ghört, historisch aber nöd.
Geographii
[ändere | Quälltäxt bearbeite]De Gmeindsbann het e Flächi vo 137 Hektare gha, dodervo sind 26 Hektare Wald und 10 Hektare überbaut gsi. Di höchschti Stell isch uf 582 Meter, di tüfschti uf 490 Meter.
Nochbargmeinde sind Underbözbrg im Nordoschte, Linn im Süde und Efige im Nordoschte gsi.
Gschicht
[ändere | Quälltäxt bearbeite]S erschti Mol taucht Gallenkilch in ere Urkund us em Johr 1338 uf. Im Mittelalter het s Dorf zum Chloschter Säckinge ghört.
Im Johr 1460 hei d Bärner em Chloschter d Herrschaftsrächt abkauft. D Bärner hei Gallecherch em Grichtsbezirk Tale vom Schänkebärg zugordnet. So hei si sich de Pass über de Bözbärg chönne sichere, wo in de Nöchi vo de Gränze zu Vorderöschtriich gläge-n-isch. D Reformation isch, wi überall z Bärn, im 1528i iigführt worde.
Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Gallecherch ghört sither zum Kanton Aargau.
Weblink
[ändere | Quälltäxt bearbeite]
Commons: Gallecherch – Sammlig vo MultimediadateieFuessnote
[ändere | Quälltäxt bearbeite]- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
- ↑ Linn, Gallenkirch, Ober- und Unterbözberg fusionieren zur Gemeinde Bözberg Aargauer Zytig, Artikel vom 11. März 2012, abgruefe am 2. Jänner 2013
