Houderbank
| Holderbank | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Länzbig |
| BFS-Nr.: | 4199 |
| Poschtleitzahl: | 5113 |
| Koordinate: | 654938 / 253652 |
| Höchi: | 365 m ü. M. |
| Flächi: | 2.33 km² |
| Iiwohner: | 1487 (31. Dezämber 2022)[1] |
| Website: | www.holderbank.ch |
 d Chile vo Houderbank | |
| Charte | |
 | |
Houderbank (offiziell Holderbank) isch e Gmeind ganz im Norde vom Bezirk Länzbig im Kanton Aargau.
Wappe
[ändere | Quälltäxt bearbeite]S Gmeindwappe zeigt e Holderbusch mit wysse Blüete über ere wysse runde Bank. Das Wappebild isch erscht im 19. Joorhundert mit ere falsche Erklärig vom Name für s Gmeindsigel gmacht worde. Dr Ortsname, wo s erschte Mol ane 1259 in ere Urkunde vo de Grafe vo Habsburg gnännt wird, isch zämegsetzt us de althochdütsche Wörter holuntar und wang. wang bedütet es abheltigs Gländ, also en Hang. Us de alte Namensforme wie Halderwange (1259) und Halderwanch (1273) isch vil spöter im Sproochgebruuch ebe Holderbank und Houderbank worde.
Geografii
[ändere | Quälltäxt bearbeite]D Gmeind liit uf dr rächte Syte vo dr Aare am westleche Abhang vom Cheschtebärg, em ene Hügel vom Jura, underhalb vo Wildegg. Di andere Nochbergmeinde sind Schinznach, Brugg, Lupfig und Välte.
Der Aare noo goot dur s Dorf Houderbank d Strooss vo Aarau und Länzbrg uf Brugg, und grad näbedra isch d Ysebaan vo Bärn über Aarau und Brugg uf Bade und Züri.
Oben em Dorf liit d Siidlig Chärnebärg. Dr südlechscht Punkt vom Gmeinbann isch a dr Muur vom Schloss Wildegg.
Wirtschaft
[ändere | Quälltäxt bearbeite]Ane 1912 isch im Schache a dr Aare d Zimäntfabrigg vo Houderbank gründet worde, wo hüt zu dr Wältfirma LafargeHolcim ghört. Im Biet Weid und under em Meieriisligroot het d Fabrigg grossi Schteibrüch gha, zum Chalch und Mergel z gwünne. D Produkzion het z Houderbank ab 1975 ufghört, wo d Holcim z Räkige und z Würelinge neui Fabrigge bout het. Über d Brugg, wo für s lange Förderband vo de Schteibrüüch z Välte über d Aare bout worden isch, goot e Fuessstäg, wo noch politische Diskussione und mit Gäld vom ene crowdfunding-Projäkt wider gflickt wird.[2]
Weblink
[ändere | Quälltäxt bearbeite]
Commons: Holderbank AG – Sammlig vo Multimediadateie- Website vo dr Gmeind Houderbank
- Felix Müller: Holderbank (AG). In: Historisches Lexikon vo dr Schwiiz.
- d Dorfgschicht
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Erfolgreiche Sammlung: Wiedereröffnung des Aarestegs gesichert. uf aargauerzeitung.ch
