Safietal GR
| S GR im Lemma isch s offiziell Chürzel vom Kanton Graubünde und wird bruucht, zum Verwächslige mit Yträäg vom Name Safiental vermyde, wo öppis anders meined. |
| Safiental | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Surselva |
| BFS-Nr.: | 3672 |
| Poschtleitzahl: | 7104 Versam 7106 Tenna 7107 Safien Platz 7109 Thalkirch 7122 Valendas |
| Koordinate: | 743604 / 171858 |
| Höchi: | 1'315 m ü. M. |
| Flächi: | 151,43 km² |
| Iiwohner: | 952 (31. Dezämber 2022)[1] |
| Website: | gemeinde.safiental.ch |
 d Walsersidlig Safie Platz | |
| Charte | |
 | |
Safietal (hochdütsch Safiental, rätoromanisch ) isch e politeschi Gmaind i de Region Surselva im Kanton Graubünde.
Geografii
[ändere | Quälltäxt bearbeite]Zur Gmaind Safietal ghöred d Dörfer Safie, Tenna, Valendas, Versam und d Wiiler Thalkirch, Gamanaboda, Neukirch, Arezen und Sculms. D Dörfer Safie und Tenna ligend im namesgäbende Safietal, Versam isch über der grosse Schlucht vom Vorderrhii, dr Ruinaulta, am Iigang zum Safietal, und Valendas ligt zwüsche Versam und Ilanz, riiufwärts i de Surselva.
S gliichnamige Tal erstreckt sich vo Versam gäge Süüde bis uf Thalkirch, wo da Safierberg, en Saumpfad-Übergang uf Splüge is Gebiet vom Hinderrii füert. Vo Safie-Platz us goot dr Glaspass uf Tschappina und Thusis, und vo Thalkirch us dr Tomülpass uf Vals.
Dur s Tal flüüsst d Rabiusa, wo noch em Versamertobel und nördlich vo Versam i da Rhiischlucht in Vorderrhii münded. Im Oschte isch da Hainzebärg und s Domleschg, im Weschte ligt s Valsertal.
Gschicht
[ändere | Quälltäxt bearbeite]S Taal, wo früener scho en Bevölkerig mit romanischer Sprooch gläbt het, isch sid em Ändi vom 13. Joorhundert vo de Walser besidlet worde.
D Gmaind Safietal isch uf de 1. Jänner 2013 us de eltere Gmainde Safie, Tenna, Valendas und Versam entstande. Safie und Tenna sind scho im Krais Safie gsi, wo de Sitz z Safie ka hät. Versam und Valendas sind us em Krais Ilanz dezue koo.
Politik
[ändere | Quälltäxt bearbeite]Als erschta Gmaindspräsident amtiert da Thomas Buchli us Tenna.
Verkehr
[ändere | Quälltäxt bearbeite]Uf em Gebiet vo da Gmaind Safietal gits zwai Linie vo da Postauto und da Bahnhof Versam-Safien vo da Rhätische Bahn.
Weblink
[ändere | Quälltäxt bearbeite]
Commons: Safiental GR – Sammlig vo Multimediadateie- Offizielli Website vo de Gmaind Safiental
- Jürg Simonett: Safien. In: Historisches Lexikon vo dr Schwiiz.
- Jürg Simonett: Tenna. In: Historisches Lexikon vo dr Schwiiz.
- Jürg Simonett: Valendas. In: Historisches Lexikon vo dr Schwiiz.
- Jürg Simonett: Versam. In: Historisches Lexikon vo dr Schwiiz.
- Jürg Simonett: Sculms. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
