Versam

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Versam
S Wappe vo Versam
Basisdatä
Staat: Schwiiz
Kanton: Graubünde (GR)
Region: Surselvaw
Kreis: Safie
Gmeind Safietaal
PLZ 7104
Koordinate: 745155 / 18418446.7939.34909Koordinaten: 46° 47′ 35″ N, 9° 20′ 24″ O; CH1903: 745155 / 184184
Höchi: 909 m ü. M.
Flächi: 16.79 km²
Iiwohner: 237 (31. Dezember 2012)[1]
Charte
Charte vo Versam
ww

Versam (im yheimische Walsertieläkt Frsam [frˈsam]; rätoromanisch Versomi [vəʁˈsɔmi]?/i) isch es Dorf i dr politische Gmeind Safietaal im Kanton Graubünde.

Bis ane 2012 isch Versam en eigeti Gmeind gsi. Den het sech s Dorf mid de domolige Nochbergmeinde Valendas, Safie und Tenna zämetoo zum die neui grossi Gmeind z bilde.

S Dorf Versam, wo vo Walser bewoont worden isch, liit uf ere Gländterrasse rächts vom Vorderrhy 300 Meter über dr grosse Rhyschlucht Ruinaulta. Näbem Dorf lauft der Fluss Rabiusa us em Safietaal dur ne töifi Schlucht, s Versamertobel, zum Rhy abe. Der Bärghang oben am Rhy heisst Islaplangge. Vo Bonaduz us chunt e Strooss zu dr Rabiusa und bi de beide Brugge vom Versamertobel uf Versam übere. Do verzweigt si sech i d Safietaalstroos und d Ruute uf Ilanz. Uf Safie-Platz ine sinds öpe 15 Kilometer.

Zu Versam ghöre d Wiiler Areze, Egga, Calörtsch, Hüschera, Bandur und Sculms, wo früener e Deil vo dr Nochbergmeind Bonaduz gsi isch. Zum vo Versam uf Sculms z goo muess me uf dr Tobelbrugg über d Rabiusa und dur s Gmeindgebiet vo Bonaduz s Taal y.

Versam het e refermierti Dorfchilche, wo ane 1710 uf em Hübel am Ruinaulta-Tobel bout worden isch und under Dänkmolschutz stoot, und ganz i dr Schlucht unde a dr Linie vo dr Räätische Baan dr abglägnig Baanhof Versam-Safie. Me chunt mid ere schmale Strooss, wo drüehalb Kilometer lang isch, dure Bannwald abe ufe Zug.

Weblink[ändere | Quälltäxt bearbeite]

 Commons: Versam – Sammlig vo Multimediadateie


  1. Bundesamt för Statistik uf bfs.admin.ch