Riete AG
| S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Rietheim vermyde, wo öppis anders meined. |
| Riete | |
|---|---|
 | |
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Zurzibiet |
| BFS-Nr.: | 4316 |
| Poschtleitzahl: | 5323 |
| Koordinate: | 663121 / 272589 |
| Höchi: | 329 m ü. M. |
| Flächi: | 3.92 km² |
| Iiwohner: | Expression-Fähler: Nit erwartete Operator: <Ungültiger Metadaten-Schlüssel 4316 (31. Dezämber 2022)[1]
|
| Website: | www.rietheim.ch |
| Charte | |
 | |
Riete (amtlich Rietheim) isch en Gmeind im Bezirk Zurzi vom Kanton Aargau.
Geografii[ändere | Quälltäxt bearbeite]
Dr Gmeindbann vo Riete liit am Hochrhy und a dr Landesgränze vo der Schwiiz zu Dütschland. D Hügel im südleche Deil vom Gmeindbann ghöre zum Dafelejura. Es isch der breit Achebärg zwüschem Taal vom Hochrhy und der Aare bi Chlingnau.
S Dorf sälber isch öppe anderthalb Kilometer vom Rhy wäg, am Rand vo der Ebeni, wo i däm Gebiet wäge n ere grosse Schlaufe vom Fluss entstanden isch. Das Landstück heisst Rietefäld.
Noch bim Schwiizer Ufer vom Rhy hed s oberhalb vom Mittlere Lauffe en Insle, wo Grien heisst. Früener isch do en zwöite, schmale Flusslauf duregange, wo spöter wäge de Uferverbauige abgschnitte und für langi Zyt nume no es Altwasser gsi isch. Jetz het der Kanton Aargau zäme mit der Pro Natura füre Fluss dä Wäg wider uftoo und i dere Gäged ss wyts Naturschutzpiet ygrichtet, wo «Chly Rhy» heisst. Das isch en Deil vom Aueschutzpark Aargau.
D Nochbergmeinde vo Riete sind Küssaberg ännet em Rhy im Baadische und Zurzi, Chlingnau und Choblez im Aargau.
Gschicht[ändere | Quälltäxt bearbeite]
Der Name vom Dorf chunnt vo der althochdütsche Form Hriotheim, was so viel bedütet wie s Dorf am Ried, gmeint isch do dermit die füechti Landschaft am Rhy. Im Middelalter hed der Bann vo Riete zerscht em Chloschter Riichenau ghört und schpöter em Bischof vo Choschdez.
Sid 1415 isch s Zurzibiet en Deil vo der Grafschaft Bade vo de Äidgnosse gsi, und sid 1803 ghört s zum Kanton Aargau.
Ane 1912 het di Schwiizerische Sodafabrik agfange, im Bode under am Rietefäld Salz abzbaue. Füfzg Joor lang hed das aduuret.
Weblink[ändere | Quälltäxt bearbeite]
Commons: Riete – Sammlig vo Multimediadateie- Website vo der Gmeind Riete
- Christoph Herzig: Rietheim. In: Historisches Lexikon vo dr Schwiiz.
Fuessnoote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
