Näftebach
| Neftenbach | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Wintertuur |
| BFS-Nr.: | 0223 |
| Poschtleitzahl: | 8413 |
| Koordinate: | 692602 / 264934 |
| Höchi: | 415 m ü. M. |
| Flächi: | 14.95 km² |
| Iiwohner: | 5761 (31. Dezämber 2022)[1] |
| Website: | www.neftenbach.ch |
| Charte | |
 | |
Näftebach (salopp au Näfti, amtlich Neftenbach) isch e politischi Gmäind im Bezirk Wintertuur im Kanton Züri, Schwiiz.
Wappe
[ändere | Quälltäxt bearbeite]Blasonierig:
- Schräg gviert vo Silber und Blau
S Wappe gaht uf d Freiherre vo Wart zrugg und isch sit 1921 s Gmeindswappe.
Geografii
[ändere | Quälltäxt bearbeite]Näftebach isch es Dorf diräkt bi Winti im undere Tösstal, 19 km Luftlinie vo Züri ewägg. S liit uf ere Schotterterrasse am Südhang vom Irchel. Vo de Gmeindflächi – 1495 ha – tiened 55 % de Landwirtschaft, 30 % isch Wald, 10 % isch Sidligsgebiet und 4 % tiened em Verchehr.[2]
Uf de 1. Jänner 2013 isch de Wiiler Oberhueb (au Obere Hueb) vo de Gmeind Buech abtrännt und Näftebach aagschlosse worde.
Gschicht
[ändere | Quälltäxt bearbeite]
In de römische Ziit isch i de Steimöri (underhalb vom Fridhof) en römische Guetshof gsi, wo hüt überbout isch (Sattleracherstrass und Aspacherstrass). Bi den Uusgrabige hät mer da 1986 imene Bronzegfäss e Münzhort gfunde mit 1'243 römische Silbermünze us de Jahre 197–265 n. Chr. Di erscht urchundlich Erwähnig stammt us em Jahr 1209, wo en Lütpriester vo „Neftinbach“ bimene Rächtsgschäft mitgwürkt hät. D Gäget hät de Freiherre vo Wart ghört. Dene ires Wappe isch au sit 1921 s offiziell Gmeindswappe. Im Mai 1799 isch es im Dorf zumene Gfächt zwüschet de Franzose und den Österriicher cho, wo no e verirrti Chugle im Chor vo de Chile dra erinneret.
Iiwoner
[ändere | Quälltäxt bearbeite]| Bevölcherigsentwicklig | |
|---|---|
| Jahr | Iiwohner |
| 1836 | 1452 |
| 1850 | 1490 |
| 1880 | 1421 |
| 1900 | 1608 |
| 1941 | 706 |
| 1950 | 1853 |
| 1970 | 2180 |
| 1990 | 3731 |
| 2005 | 4549 |
| 2010 | 5224 |
| 2013 | 5438 |
| 2015 | 5564 |
| 2018 | 5692 |
| 2021 | 5797 |
| 2023 | 5758 |
De Uusländeraatäil liit bi 10,4 % (Stand 2011).[2]
Politik
[ändere | Quälltäxt bearbeite]Im 7-chöpfige Gmeindrat sitzed vier Mane und drei Fraue, mit dere Parteizämesetzig: 2 Freii Wähler, 2 SVP, 2 Parteilosi und 1 GLP. Aktuelli Gmeindspresidäntin isch d Maja Reding Vestner vo de Freie Wähler (Stand 2025).
Bi de Kantonsraatswaale 2011 hät s das Ergebnis ggää:[2] BDP 3,6 %, CVP 2,7 %, EDU 4,4 %, EVP 3,6 %, FDP 13,8 %. GLP 10,7 %, GP 9,0 %, SP 11,9 %, SVP 38,8 %, Suschtigi 1,6 %.
Wirtschaft
[ändere | Quälltäxt bearbeite]D Arbetslosigkäit isch im Jaar 2010 bi 2,3 % gläge.[2]
Tieläkt
[ändere | Quälltäxt bearbeite]De züritüütsch Tieläkt vo Näftebach ghört zu de Winterthurer Mundarte.
Literatur
[ändere | Quälltäxt bearbeite]- Eugen Ott: Neftenbach.. In: Historisches Lexikon vo dr Schwiiz.
- Eugen Ott, Hans Kläui, Otto Sigg: Geschichte der Gemeinde Neftenbach. Neftenbach 1979.
- Hans Martin Gubler: Die Kunstdenkmäler des Kantons Zürich – Der Bezirk Winterthur, Nördlicher Teil. Gesellschaft für Schweizerische Kunstgeschichte GSK, Bern 1986, ISBN 3-7643-1812-0. S. 31–87 (= Kunstdenkmäler der Schweiz, Band 79.)
- Jürg Rychener: Der römische Gutshof in Neftenbach. 2 Bde. Zürich/Egg 1999 (= Monographien der Kantonsarchäologie Zürich, 31/1-2).
Weblink
[ändere | Quälltäxt bearbeite]
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- 1 2 3 4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
 |
Dä Artikel basiert uff ere fräie Übersetzig vum Artikel „Neftenbach“ vu de dütsche Wikipedia. E Liste vu de Autore un Versione isch do z finde. |