Inderlache

Interlaken
Wappe vo Interlaken
Basisdate
Staat:	Schwiiz
Kanton:	Bärn (BE)
Verwautigschreis:	Inderlache-Oberhasliw
BFS-Nr.:	0581i1f3f4
Poschtleitzahl:	3800
UN/LOCODE:	CH INT
Koordinate:	632746 / 17032346.6833317.86666568
Höchi:	568 m ü. M.
Flächi:	4,4 km²
Iiwohner:	5926 (31. Dezämber 2022)
Website:	www.interlaken-gemeinde.ch
us 4000 m Höchi us 4000 m Höchi
Charte
Charte vo Interlaken w

Inderlache (amtlech Interlaken, bis 1891 Aarmühle) isch e politischi Gmeind im Verwautigschreis Inderlache-Oberhasli im Kanton Bärn, Schwyz. Bis zum 31. Dezämber 2009 het d Gmeind zum Bezirk Inderlache ghört.

Geografi

Inderlache ligt uf em Bödeli zwüschet em Thunersee und em Brienzersee. Es isch sozsäge z Tor zur Jungfrauregion, da me, wemme Richtig Grindelwald oder Luuterbrunne wot reise, dert dire mues.

D Gmeinde Inderlache, Maate un Unterseen si baulech zämmegwachse. D Gmeindsflächi vo Inderlache bsteit us 26,4 % langwirtschaftlecher Flächi, 21,6 % Waud, 45,2 % Sidligsflächi u 6,9 % süschtigi Flächi. D Nachburgmeinde si Matten, Unterseen, Ringgenberg u Bönige.

Name

De Name Interlake (1133: Interlacus) chunt vo sinnere Lag zwüsche de Seä (lat. inter lacis). De Name isch au i sinnere gallische Form erhalte im Flurname Interlappe (1228: Inderlappa) und de Name vode Gmaind Unterseeä (1281: Undersewen) isch e germanischi Öbersetzig vo dem.

Gschicht

• 1130 - Gründig vom Chloster Interlache.
• 1257 - s Chloster Interlache wird under de Schutz vo Bärn gstöut.
• 1798 - Nach em Imarsch vom Napoleon kört Interlache zum Kanton Oberland.
• 1803 - De Kanton Oberland wird am Kanton Bärn iverleibt.

Ywohner

Quäuue: Bundesamt für Statistik 2005

Jahr	1850	1860	1870	1880	1888	1900	1910	1920
Ywohner	1054	1364	1899	2085	2014	2962	3765	3621
Jahr	1930	1941	1950	1960	1970	1980	1990	2000
Ywohner	3771	4059	4368	4738	4735	4852	5176	5119

Dr Uusländeraateil isch 2010 bi 26,4 % gläge.

Religion

59,7 % vo de Ywohner si evangelisch-reformiert, 22,3 % si römisch-katholisch (Stang 2000).

Politik

Bi de Nationauraatswahle 2011 het s das Ergebnis ggää: BDP 16,4 %, CVP 1,9 %, EVP 4,7 %, FDP 11,9 %. GLP 4,8 %, GP 7,8 %, SP 20,6 %, SVP 25,8 %, Suschtigi 6,1 %.

Gmeindspresidänt vo Inderlache isch dr Urs Graf (Stang 2013).

Wirtschaft

D Interlakener Wirtschaft isch starch vom Turismus abhängig. Im Jahr 2024 het d Turismusregion vo Interlakä u Umgäbig über 3'551'135 Loschiärnächt chönne verzeichne.

Im Februar 2026 het dr Pharmakonzärn Galenica bekannt gä, dass si d Produkzionsteu vor Tochter Bichsel z Interlakä wärde schliässe. Dadrbi si über 170 Steuene betroffe.

D Arbetslosigkeit isch im Jahr 2011 bi 3,4 % gläge.

Sprach u Dialäkt

Bir Vouchszeuuig 2000 hei vo de 5119 Ywohner 83,4 % Dütsch aus Houptsprach aaggää, 1,3 % Französisch u 2,8 % Italienisch.

Dr Dialäkt vo Inderlache ghört zum Höchstalemannisch.

Lüt

• Stephan Gutzwiller (1802 - 1875), Politiker, gstorbe z Inderlache
• Polo Hofer, Rockmusiker, uf d Wäut cho z Inderlache
• Hans Schaffner, Politiker (FDP) und Bundesrat, uf d Wäut cho z Inderlache

Biuder

• 
  Schloss Interlache (s früener Chloschter)
• 
  Katholischi (links) und reformierti (rächts) Chiuchene vo Interlache
• 
  Aareweer zwüschet Untärseen un Interlache
• 
  Hotel Victoria-Jungfrau mit em Harder im Hintergrund

Literatur

• Rudolf Gallati: Aarmuehle Interlaken 1838-1988. Eine Ortsgeschichte. Schlaefli Interlaken 1991
• Ernst Schläppi: Unterseen. 2 Bände. Schlaefli Interlaken 2008

Weblink

 Commons: Interlaken – Sammlig vo Multimediadateie

• Offizielle Website der Gemeinde Interlaken
• Anne-Marie Dubler: Interlaken. In: Historisches Lexikon vo dr Schwiiz.
• Anne-Marie Dubler: Aarmühle.. In: Historisches Lexikon vo dr Schwiiz.