Brienzersee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Brienzersee
Brienzersee bi Brienz im Herbscht
Date
Name: Brienzersee
Lage: Bärner Oberland
BFS-Nr.: 9089
Flächi 29,8 km²
maximale Tiefi: 260 m
Zueflüss: Aare, Lütschine
Abflüss: Aare
Höchi über Meer: 564 m
Grösseri Stedt am Ufer: Interlaken, Brienz
Bsungerheite:
Charte
Brienzersee

Dr Brienzersee isch e typische Auperandsee. Är ligt im Kanton Bärn.

Dr See wird vor Aare dürflosse. Drnäbe fliessä hüüfe chlyneri Bäch i See. Witume bekannt sy d Giessbachfäu, wo s Wasser über 14 Stufe i Brienzersee abe stürzd. Dr See isch 14 km lang u 2,8 km breit. Syni Flächi betreit 29,8 km2, die maximali Tiefi isch 260 m. Dr Inhaut isch rund 5,2 km3. Bym normale Wasserstand liegt dr Seespiegu uf 564 m überem Meer. Di steile Ufer göh ou ungerem Wasserspiegu töif abe wyter, so dass dr See nume weni Flachwasserzone hed.

S Yzugsgebiet isch 1127 km2 gross.

Am nördlichen Ufer ligt ds Dorf Brienz wo em See dr Name gäh hed. A sym Süd-Weschtändi, ygbettet zwüsche Thuner- u Brienzersee, ligt ds Bödeli mit de Gmeinde Interlake, Matte u Unterseen.

Dr Brienzersee isch nährstoffarm u eine vo de süberschte See ir Schwyz. D Fischerträg sy drum nid seer gross, aber d Brienzerseefische gäute aus regionali Delikatässe. Dr Gsamtertrag hed im Jahr 2001 grad 10.078 kg Fisch gää.

Syt 1839 gits uf em See e Passagierschifffahrt. Hüt betrybt d BLS Lötschbergbahn AG e Flotti vo 5 Schiff.

Büuder[ändere | Quälltäxt bearbeite]

Wasserschi uf em Brienzersee
Brienz
Brienzersee im Winter

Websiite[ändere | Quälltäxt bearbeite]

 Commons: Brienzersee – Sammlig vo Multimediadateie