Glatt (Rhii)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel handlet vo de Glatt im Kanton Züri; für anderi Bedüütige lueg bi Glatt (Begriffsklärig).
Glatt
d Glatt

d GlattVorlage:Infobox Fluss/KARTE_fehlt

Date
Gwässerkennzaal CH: 690
Laag Kanton Züri, Schwiiz
Flusssystem RhiiVorlage:Infobox Fluss/FLUSSSYSTEM_falsch
Abfluss über Rhii → Nordsee
Quelle im Griifesee
47° 22′ 21,7″ N, 8° 39′ 20,1″ O47.37278.65559434
Quellhöchi 434 m ü. M.Vorlage:Infobox Fluss/NACHWEISE_fehlen
Mündig bi Riinsfälde in Rhii47.573978.47082335Koordinate 47° 34′ 26″ N, 8° 28′ 15″ O; CH1903: 677663 / 269762
47° 34′ 26″ N, 8° 28′ 15″ O47.573978.47082335
Mündigshöchi 335 m ü. M.Vorlage:Infobox Fluss/NACHWEISE_fehlen
Höchiunterschiid 99 m
Lengi 38,5 km, mit em Chämptnerbach 67 km
Iizugsgebiet 417 km²Vorlage:Infobox Fluss/NACHWEISE_fehlen

Rächti Nääbeflüss Chimlibach, Chriesbach, Himmelbach, Furtbach
Linggi Nääbeflüss Breitibach, Sagetobelbach, Leutschebach, Fischbach

D Glatt isch e Fluss im Kanton Züri, wo für sich eläi gnoo 38,5 Kilometer – oder wän me d Flüss vom Oberlauf dezue rächnet 67 Kilometer – lang isch.

Lauf[ändere | Quälltäxt bearbeite]

s Weer am Uuslauf vom Griifesee

D Glatt faat am Griifesee im wiite Rietgebiet aa und isch däm sin Abfluss. Vom See aa bildet si d Gmeindgränze vo Fällande und Schwerzebach. Dr Fluss lauft durs Glatttaal abe bis zum Rhii. Zum ganze Flusssyschteem ghöred au de Chämtnerbach, wo d Kwelle ganz im Südoschte vo Bäretswiil bi de Täuferhööli hät und in Pfäffikersee mündet, und d Uschtermer Aa (oder Aabach), wo der Zwüschedeil isch vom Pfäffikersee bis zum Griifesee und durs Aataal flüsst, und den no d Mönchaltdorfer Aa, wo z Buebike afaat.

Im middlere Deil flüsst d Glatt dur Dübedorf und im Nordoschte dur d Stadt Züri mid em junge Kwartier Glattpark, wo deils zu Opfike ghört. Z Opfike unterkweert d Glatt d Autobaanverzwiigig Züri-Nord. Wo di alti Kantonsstroos vo Züri uf Eglisau über d Glatt gaat, liit hüt s Opfiker Kwartier Glattbrugg. Denn lauft der Fluss weschtlich am Flughafe vo Chloote verbii und gaat dur d Dörfer Oberglatt und Niiderglatt und flüsst im Weschte vo Büüli dure und em Glatthalderai noo uf Glattfälde.

D Mündig in Rhii bi Rhiinsfälde isch sid ane 1822 im ene Stolle gsi, wo 90 Meter lang isch. Bim Bau vom Chraftwärch vo Eglisau isch de Fluss in e neue Stolle gleit worde, wo e Lengi vo 261 Meter hät und unden am Chraftwärch usechunt.

Fauna[ändere | Quälltäxt bearbeite]

I dr Glatt läbe Alet, Barbe, Rotauge, Aal, Charpfe, Schleie, Schniider, Gründling, Forälle, Barsch und Hecht. Bi Dübedorf sind sid churzem Biber am Wärch.

Weblink[ändere | Quälltäxt bearbeite]

 Commons: Glatt – Sammlig vo Multimediadateie