Nummere vo de Gwässer

Us der alemannische Wikipedia, der freie Dialäkt-Enzyklopedy
(Witergleitet vun Fließgewässerkennziffer)
Zur Navigation springen Zur Suche springen

Es Syschteem vo Gwässernummere isch für d Geografii, für d Politik und für d Wirtschaft nötig. Das betrifft vor allem di flüssende Gwässer, also Bech, Flüss und Strööm.

Zum d Gwässer z beschrybe, wärde vil verschidnegi Zaalesyschteem bruucht. Do derby spiile d Mängi vom Wasser und au d Laag i dr Landschaft und i de Yzugsgebiet und de Flusssyschteem e Rolle. D Nummere sind meischtens hierarchisch glideret und zeige so diräkt d Bedütig vo de Gwässer. Derzue chöme no d Bezeichnige vo de Wasserwääg für d Schifffaart, also befaarbari Flüss und Kanääl.

Für e Afang und s Ändi vomene Fluss wärde d Koordinate und d Höchi überem Meer bestimmt. Wichtegi Grössine sind d Lengi vom Fluss, d Flechi vo sym Yzugsgebiet, s Volume vom Abfluss a gwüsse Mässstelle, wo me derfür Pegel ygrichtet het.

D Klassifizierig gitt vor allem d Posizion vomene Gwässer im Flusssystem aa, also ob es dr Hauptstrang oder en Näbefluss isch. Me cha aber au einzelne Abschnitt vom Flusslauf separati Nummere ggä oder d Lengi nur vo Deil vo Flussabschnitt mässe wie bim Rhy, wo die offizielle Distanzdafele nid der ganz Flusslauf vo dr Kwelle im Bündnerland meine, sondern erscht d Flusstreki vom Bodesee a gmässe.

Es git keis allgemeins Modäll für en eidüütegi Nummerierig vo de Flüss uf der Wält. Füd jedes Land gälte anderi Syschteem, wie me d Flüss bezeichnet. Drum hend internazionali Gwässer glychzytig verschideni geografeschi Definizione.

  • I dr Schwiiz bruucht me d «GEWISS-Nummere» ( vo «Gwässerinformazionssyschteem Schwiiz») und anderi Syschteem
  • Z Tütschland gälte «Gwässerkennzaale» (GKZ) und regionalo Nummeresyschteem
  • Z Frankriich gits Gwässerkennzaale nach em «Code SANDRE»
  • Z Öschtriich het me Wasserkörpernummere, Wasserlaufnummere und Syschteem vo de einzelne Bundesländer.
  • Z Italie kennt me Nummerierige vo Gwässer i de Provinze und Regione, es git aber schynts no kei nazionali Gsamtklassifizierig

Weblink[ändere | Quälltäxt bearbeite]