Buebike

Dialäkt: Züritütsch

Bubikon
Wappe vo Bubikon
Basisdate
Staat:	Schwiiz
Kanton:	Züri (ZH)
Bezirk:	Hiwiilw
BFS-Nr.:	0112i1f3f4
Poschtleitzahl:	8608
Koordinate:	704550 / 23634447.2697148.820278509
Höchi:	509 m ü. M.
Flächi:	11,58 km²
Iiwohner:	7496 (31. Dezämber 2022)
Website:	www.bubikon.ch
Charte
Charte vo Bubikon www

Buebike isch e politischi Gmeind im Bezirk Hiwiil im Kanton Züri i de Schwiiz.

Wappe

Blasonierig (Wappebeschriibig)

Gviertlet: 1 es durchgehends silberigs Chrüüz (Balkechrüüz) uf rotem Grund 2 und 3 es schwarzes latiinisches B uf goldigem Grund 4 es silberigs Gabelchrüüz uf schwarzem Grund

S Wappe vo de Gmeind Buebike wird scho i de Chronick der Eydgnosschaft vom Johannes Stumpf usem Jaar 1547 als Zeie für s Dorf Buebike uufgfüehrt und isch bi de Wappebereinigung i de 1930-er Jaar als offiziells Gmeindswappe übernah worde.

S wiissi Balkechrüüz uf rotem Grund staht für d Johanniterritter. Uf de Chrüüzzüüg isch das Zeiche als Symbol für de Kampf für Christus uf em Wafferock treit worde. S wiissi Schwalbeschwanzchrüüz uf schwarzem Grund bedüütet de Kampf vo de Ritter gäge d Chranket. Es symbolisiert d Barmhärzigkeit und mer seit au, di acht Spitz vom Chrüüz symbolisierid di acht Seeligpriisige und di vier Bälke vom Chrüüz di vier Evangelie.

Di erschte Sidler, d Sippe vom Alemann Buobo, d Buobinger, wärded dur di beide schwarze B uf goldigem Grund dargstellt.

Buebike

Geographii

Zur Gmeind Buebike ghört au der Ortsteil Wolfhuuse.

Wolfhuuse

D Laag vo Buebike wiist en uusgsprochni Passlaag uuf. S Wasser vo Buebike lauft i d Jona und schliesslich in Obersee, em östliche Tail vom Zürisee. S Wasser vom Dorfteil Wolfhuuse lauft in eigentliche Zürisee und das vo de nördliche Wiilere sammlet sich zur Aalau und wirt schliessli zur Glatt.

S Piet vo de Gmäind umfasst 60,5 % landwirtschaftlichi Flèchi, 12,4 % Wald, 13,4 % Sidligsflechi, 7,6 % Vercheersflechi und 1 % Gwässerflechi.

Gschicht

Buebike isch zum eschte Mal gnamset worde im Jaar 811 als Puapinchova.

S Ritterhuus vo Buebike

Sehenswürdigkeite

Uf emene Nagelfluespore im Südoste vo de Gmeind staht s Ritterhuus Buebike. S isch 1192 vom Diethelm V. vo Toggeburg em Johanniterorde gschänkt worde und aaschlüüssend zur Kommände uuspoue worde. 1570 isch s Huus s letscht Mal erwiiteret worde und isch hüt di am beste erhalteni Johanniterkomturei vo Europa. S Huus isch im Psitz vo de Ritterhusgsellschaft Buebike, wo 1936 ggründet worde isch und wo deet es Museum über d Gschicht vo de Chrüüzzüüg und de Ritterorde betriibt.

Bevölkerig

Bevölkerigsentwicklig

Johr	1634	1850	1870	1900	1920	1950	1970	2000	2010
Iiwohner	262	1591	1489	1555	1809	2265	3244	5424	6573

De Uusländeraatäil liit bi 10 % (Stand 2011).

Religion

45,0 % vo de Iiwooner sind evangelisch-reformiert, 26,2 % sind römisch-katholisch (Stand 2011).

Politik

Bi de Kantonsraatswaale 2011 hät s das Ergebnis ggee: BDP 3,6 %, CVP 4,6 %, EDU 9,7 %, EVP 4,9 %, FDP 7,3 %. GLP 12,5 %, GP 9,1 %, SP 16,0 %, SVP 31,7 %, Suschtigi 0,5 %.

Gmeindspresidäntin isch d Andrea Keller (sit Juni 2018).

Wirtschaft

D Arbetslosigkäit isch im Jaar 2010 bi 2,2 % gläge.

Dialäkt

De züritüütsch Dialäkt vo Buebike ghört zue de Seemundarte.

• 
  Vihmarkt z Buebike
• 
  Vihmarkt z Buebike

Literatur

• Max Bührer, Kurt Schmid, Jakob Zollinger: Bubikon-Wolfhausen im Wandel der Zeit. Druckerei Wetzikon AG, 1981–83. ISBN 3-85981-118-5.
• Hermann Fietz: Die Kunstdenkmäler des Kantons Zürich, Band II: Die Bezirke Bülach, Dielsdorf, Hinwil, Horgen und Meilen. (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943. DNB 365803049.

Weblink

 Commons: Buebike – Sammlig vo Multimediadateie

• Offizielli Website vo de Gmeind Buebike
• Kurt Schmid: Bubikon In: Historisches Lexikon vo dr Schwiiz.
• Gmeind Buebike im GIS vom Kanton Züri
• Offizielli Website vo de Ritterhuusgsellschaft Buebike