Huuse am Albis
| Huuse am Albis | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Affoltere |
| BFS-Nr.: | 0004 |
| Poschtleitzahl: | 8915 |
| Koordinate: | 682961 / 233254 |
| Höchi: | 611 m ü. M. |
| Flächi: | 13,64 km² |
| Iiwohner: | 3879 (31. Dezämber 2022)[1] |
| Website: | www.hausen.ch |
 Blick vo Chappel Richtig Huse | |
| Charte | |
 | |
Huuse am Albis (offiziell: Hausen am Albis) isch e Gmeind im Säuliamt im Kanton Züri, wo bis ins 1911i offiziell numme Hausen gheisse het. Wils aber in de Schwiiz noch en anderi Gmeind mit em Näme Huuse git, het d Gmeind de Zusatz am Albis übercho.
Geographii
[ändere | Quälltäxt bearbeite]Huse ligt uf de Süüdsite vom Albis im Jonetal. Zu de Gmeind ghöre näbem Dorf Huuse au s Dorf Ebertswil und mehreri Wiler: Türle, Volleweid, Tüfebach, Hinter-, Mittel- und Oberalbis, Heisch, Husertal und Schweikhof. De Gmeindsbann umfasst e Flächi vo 13,64 km². De höschti Punkt isch uf 916 Meter ü.M., de tüfschti bi 532 Meter ü.M.
Gschicht
[ändere | Quälltäxt bearbeite]S erschti Mol in ere Urkund erwähnt isch Huuse in de Form Huson im Johr 1242. De Wiler Heisch isch scho im 1184i s erschti Mol gnennt. De Ort hät ind ere Ziit de Freiherre vo Eschebach ghört, wo au s Chloschter Chappel gstiftet hei. Im 1309i hei si ihri Bsitzighe verlore, wil de Walther vo Eschebach beteiliget gsi isch, wo de Johann Parricida im 1308 z Windisch de König Albrecht ermordet hät. Huse isch unter d Herrschaft vo de Hallwyler cho, wo ihri Rächt im 1406i de Schtadt Züri abträte hei. In de Reformationsziit hät Huse, zäme mit em Chloschter Chappel, d Reformation aagnoh. De Adam Näf, wo bi deSchlacht bi Chappel am 11. Oktober 1531, wo sin Vater und au de Zwingli gfalle sind, s Zürcher Banner grettet hät, isch vom Huser Wiler Volleweid gsi.
Bevölkerigsentwicklig
[ändere | Quälltäxt bearbeite]Quälle: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 1450 | 1387 | 1369 | 1363 | 1335 | 1408 | 1378 | 1462 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 1557 | 1442 | 1588 | 1732 | 1844 | 2216 | 2701 | 3040 |
De Uusländeraatäil liit bi 12,5 % (Stand 2011).[3]
Religion
[ändere | Quälltäxt bearbeite]42,3 % vo de Iiwooner sind evangelisch-reformiert, 29,4 % sind römisch-katholisch (Stand 2011).[3]
Politik
[ändere | Quälltäxt bearbeite]Bi de Kantonsraatswaale 2011 hät s das Ergebnis ggee:[3] BDP 5,1 %, CVP 1,9 %, EDU 1,7 %, EVP 5,3 %, FDP 10,8 %. GLP 13,2 %, GP 13,5 %, SP 14,3 %, SVP 33,4 %, Suschtigi 0,9 %.
Gmäindspresidänt isch de René Hess (Stand 2012).
Wirtschaft
[ändere | Quälltäxt bearbeite]D Arbetslosigkäit isch im Jaar 2010 bi 2,1 % gläge.[3]
Tieläkt
[ändere | Quälltäxt bearbeite]De züritüütsch Tieläkt vo Huuse am Albis ghört zue de Ämtler Mundarte.
Literatur
[ändere | Quälltäxt bearbeite]- Hermann Fietz: Die Kunstdenkmäler des Kantons Zürich, Band I: Die Bezirke Affoltern und Andelfingen. (= Kunstdenkmäler der Schweiz. Band 7). Hrsg. von der Gesellschaft für Schweizerische Kunstgeschichte GSK. Bern 1938.
Weblink
[ändere | Quälltäxt bearbeite]
Commons: Huuse am Albis – Sammlig vo Multimediadateie- Di offizielli Website vo de Gmeind Huuse am Albis
- Martin Illi: Hausen am Albis. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 3,2 3,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
