Murtensee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Murtesee (Lac de Morat)
Murtesee
Datä
Laag: Seeland
BFS-Nr.: 9294
Flächi 22.8 km²
maximali Tüüfi: 45 m
Zueflüss: Broye
Abfluss: Canal de la Broye
Höchi über Meer: 429 m
Grösseri Ortschafte am Ufer: Murte
Charte
Murtesee
Dialäkt: Züridütsch (See)

Dr Murtesee oder Lac de Morat isch mit ere Flächi vo 22.8 km² dr chliinschti vo de drei grosse Schwiizer Jurarandseeä. Er liit i de Schwiizer Kantön Friburg und Waadt.

Dr Hauptzuefluss isch d Broye, wo 63% vom Iizugsgebiet entwässeret. De Abfluss isch de Broyekanal, wo in Nöiäburgersee füehrt. Zäme mit em Nöiäburgersee dient dr Murtesee als Uusgliichsbecki für die in Bielersee mündendi Aare. Wenn dr Bielersee uufgschtaut isch, chunnt dr Abfluss zum Schtillschtand und flüüsst ziitwiis sogar rückwärts.

Dr See isch 8.2 km lang und maximal 2.8 km breit. Di maximali Tüüfi isch 45 m. Dr Inhalt isch rund 0.55 km3. S Iizugsgebiet isch 693 km2 gross. Di theoretischi Uufenthaltsziit vom Wasser im See (Füllziit) beträit 1.6 Jahr.

A siim südliche Ufer liit di namegebendi Schtadt Murte.

Während dr Expo.02 hät sich uf em Murtesee, 200 m vom Hafe in Murte entfernt, en roschtige, begehbare Monolith vom Architekt Jean Nouvel vo 34 Metern Siitelängi befunde, in dem siim Innere sind zwei Panoramabilder z gseh gsii (vgl. Bild). Nach dr Landesuusschtellig isch er wider demontiert worde.

Dr Murtesee büütet verschiedeni Freiziit- und Wasserschportmöglichkeite aa. Es git under Anderem e Segelschuel, e Surfschuel und zwei Wakeboardschuele.

Lueg au[ändere | Quälltäxt bearbeite]

Weblinks[ändere | Quälltäxt bearbeite]