Gurmels

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Gurmus
Wappe vo Gurmus
Basisdate
Staat: Schwiiz
Kanton: Friburg (FR)
Bezirk: See/Lacw
BFS-Nr.: 2262i1f3f4
Poschtleitzahl: 3212
Koordinate: 579676 / 19352246.8924997.17195542Koordinaten: 46° 53′ 33″ N, 7° 10′ 19″ O; CH1903: 579676 / 193522
Höchi: 542 m ü. M.
Flächi: 17,21 km²
Iiwohner: 3927 (31. Dezämber 2012)[1]
Website: www.gurmels.ch
Karte
Karte von Gurmus
www

Gurmus oder Gurmuz (französisch Cormondes, Patois Kormondè?/i, amtl. Gurmels) isch a Teil vam Schwyzer Kanton Fryburg, genau gsiit isch Gurmus a politischi Gmiin im Seebezirk (franzöösisch District du Lac), im Gebiet va Dütschfryburg.

Gschicht[ändere | Quälltäxt bearbeite]

Gurmus ( Pfarri ) het mengs hundert Jahr zu de Alti Landschaft va Fryburg kört. 1848 na de nü Organisation va de Schwyz, het o de Staat Fryburg sich nui Strukture gä. I däm Zämehang isch di Alti Landschaft ufglöst cho u demit isch Gurmus im nüe Bezirk See zue töut cho.

D Bevöukerung va Gurmus red Fryburgerdütsch mit era Betonig va nume z Gurmus brucht chunt. Das isch im ganze Dütschfryburg gang u gäbe, dass die verschiidene Dörfer ganz chlini Underschiide hi, so dass de Kenner sofort merkt va wölum Dorf ebber chunt. Wi witer Dischtanze zwüsche de Dörfer wi gröser de Underschiid. So isch Gmiin Gurmus gäge ire Wille im Seebezirk zuetöut cho. Di Region Gurmus het i der damalige Zyt giing umhi probiert zum Seisebezirk z cho, will ali Verbindige uber Jahunderte zu de Dörfer im Seisebezirk eng zäme gwachse u ser guet gsi si. Nume so näbebi, de gröschti Tüu va de Pfarri Gurmus het zwüsche 1803 u 1848 zum Dütsche Bezirk kört mit de Stadt Fryburg als Houptort. Gmiin Gurmus bestiid hüt (2006) us de Dörfer, Cordast, Gurmus, Guschlemuet, Chligurmus, Liebischtorf, Monterschu u Wallebuch.

Name[ändere | Quälltäxt bearbeite]

De Name Gurmus chunnt urscchprünglech usem authochdütsche Cormunt, was so vüu hisst wi "Der Hof des mundis". Mit de Zit het mu de Cormunt agfange Gurmuols u später Gurmus z säge. Mit däm Ursprung si aber nit alli Gurmuschianer zfrüde. Aune vora seit de aut-Vizeamman Odilo Bürgy Cormunt chämi usem Latinische "cors mundis" und bedütet z "Härz vo de Wäut".

Gmiinrat[ändere | Quälltäxt bearbeite]

De Gmiinrat vo Gurmus setzt sich hüt us fougende Lüüt zäme: Daniel Riedo (Amman), Heinz Schneider, Pascal Aebi, Thomas Fontana, Monika Haueter, Jean-Marc Sciboz u eme vakante Sitz.

Bilder[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): Gurmels – Sammlig vo witere Multimediadateie

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)