Jahr des Drachen

Us der alemannische Wikipedia, der freie Dialäkt-Enzyklopedy

Dr "Drache" als Tierchreiszeiche im Kowloon Walled City Park z Kowloon City, Hong Kong

Drache (龍 lóng) isch eis vo de zwöuf Tier im chinesische Kaländer und in China s populärschte vo de Zeiche. Im Drachejohr gsehtme – vor auem sitd Ei-Ching-Politik - ä ghörige Astieg vor Geburterate, wöu viu Eutere äs Dracheching möchte. Drachejohr (辰 chén) si gsi:

• 16. Februar 1904 bis 3. Februar 1905 - Holz
• 3. Februar 1916 bis 22. Jänner 1917 - Füür
• 23. Jänner 1928 bis 9. Februar 1929 - Erde
• 8. Februar 1940 bis 26. Jänner 1941 - Metall
• 27. Jänner 1952 bis 13. Februar 1953 - Wasser
• 13. Februar 1964 bis 1. Februar 1965 - Holz
• 31. Jänner 1976 bis 17. Februar 1977 - Füür
• 17. Februar 1988 bis 5. Februar 1989 - Erde
• 5. Februar 2000 bis 23. Jänner 2001 - Metall
• 23. Jänner 2012 bis 9. Februar 2013 - Wasser

chinesische Drache

[ändere] Ds Charakterbiud

Ihr Läbenswärch isch wesentlich viufäutiger aus das vode angere Tier. Sie sträbe nach Macht, wärde jedoch numme fin usküglet und üsserst origineui Wäge beschrite, um sie ds erlange, mitem Resutat, dass sich ihri Liste mängisch ou gäg sie säuber richte.
Über Drachejohr ligt ä ganz bsungere Glanz vo Magi, Erfindigsgeist, Begabig und Talänt und sie, wo i däm Johr gebore worde si, wärde mit drvo überstraut. Sie hei öppis vomene Zouberer a sich: ä Mönsch mitemne Gheimnis, für ihri Fründ und ou für sich säuber. Sie haute zwar viu vo Vernunft und Logik, aber nüt macht ihne grössers Vergnüege, aus beidi mitemne Sprung ihrer Intuition ds überhole.
Sie wärde unwiderstehlich vo grosse Gheimnise und vode unglöste froge vom Läbe azoge: Warum läbe mir? Wohäre gäh mir? Was bedütet das überhoupt, läbe? D Drache heinä brilliante Verstang, si neugirig, konzentrationsfähig, doch flink und wändig gnue, um jedem neue Gedanke fouge ds chönne.
Sie si zu grosser Lideschaft fähig, haute jedoch immer ä chli Distanz, aus ob sie nie genau wüsste, öb sie nid im nöchste Momänt ihri Guffere packe und witerwandere söue. Geistigi Partnerschaft bedüted ihne viu und sie liebe dr gschliffnig Witz i ihrne Gspräch.
Treui isch nid ihri Stärchi. Wes ihne ifaut, de ändere sie ihri Asichte über Nacht, aber we sie würklich ir Chlemmi stecke, entwickle sie ä beachtliche Muet. Ihri angere Fähler und Schwächine si: äs tüflischs Vergnüege a bizarre Ereignisse, Ideeä uns Mönsche, numme um uf ihri Umgäbig ä Schockwürkig usdsübe chönne.

[ändere] Ds Drache-Ching

Dr chli Drache gratet vor einte Chlemmi i di angeri und cha sini ganzi Umgäbig alleini dadüre a Rand vor Verzwiflig bringe, dass är ständig frogt: 'Warum?' Är muess sini Unabhänigkeit immer wieder betone und wird früeh gäge sini Eutere rebelliere, bsungers wen sie sehr sträng si. Sire Erziehig sötme bsungeri Ufmerksamkeit schänke und söt ihm, faus notwändig, i bestimmte usserschuelische Fächer Äxtra-Ungerricht gäh.

[ändere] Dr extrovertiert Drache

Aus Drache isch meh entweder extrovertiert oder introvertiert oder het vo beidne Extreme öppis, wobi die einti Site stercher usprägt wird si. Ä extrovertierte Drache wird überneh sprüehende Geist verfüege, mit Witze und unvergässliche Sätze numme so um sich wärfe und grosse Wärt druf lege, ds angere Gschlächt dür Geistesblitze und dür si Charme ds beidrucke. Är wird aui praktische Arbeite schätze, wo är si Verstang bruche cha, wird auso gärn Ingenieur si, mit Compiuter schaffe oder sich dr Psychoanalysä zuewände.

[ändere] Dr introvertiert Drache

Dir wärdet ä töifer Dänker si, wibi dir eui Ergabnisse lieber uf Papier schribet, wie dass dir sie mündlich verchündet. Angerne gägeüber verhautet dir euch relativ fründlich, aber Verbündeti und Fründe suechet dir euch sehr genau us.

[ändere] Was Drache gärn mache

Typischi Drache-Sportarte: Mittustreckelouf, Witsprung, Ishockey, und Outorenne. Sie si kes guets Team-Mitglid, wöu sie dr individuell Isatz höcher schätze.
Drache-Hobbys: aues wo mit dr Elektronik und dr Bastelei vomene Radio-Amateurs zämmehängt, Stritgspräch, Archäologie und angeri ussergwöhnliche Sache wie Astrologie und Zouberei. Imene Orchester füeut sich dr Drache vo elektronische Instrumänt, vor Pouke und villech no vor Harfe azoge.
D Eigeschafte, d Mönsche usemne Drachejohr im Bruef erfougrich wärde dsloh, si Erfingigsgeist, umfassende Überblick und d Fähigkeit, elleini und ohni frömdi Ungerstützig ds dänke. Ire Gruppe chöi sie numme uf freiwiuiger Basis guet mitschaffe, während säubst dr schlaust und brilliantischt Chef vor Wäut sie nid drzue cha zwinge, gäge ihre Wiue amene no so reizvoue Projekt mitdsschaffe.

[ändere] Was zu de Drache passt

Länder wo ä Verbingig mit de Johr vom Drache ha söue, si Spanie, Ceylon (Sri Lanka), Kuba, Nepal, Finnland, Bolivie und Kenia. D Drachejohr zeichne sich meistens dürne Aflug vo Radikauismus us, bsungers wens um d Usbreitig demokratischer Besträbige geit.
Ide nächschte Drachejohr sötte einigi wüsseschaftlechi Fortschritt ds erwarte si, bsungers im Bezug uf neui Energiequene.
D Edustei und d Haubedustei, wo mitde Drachejohr zämmehänge, si Saphir, Opal, Chalcedon und Bärnstei. Synthetischi Stei chöi ou drzue ghöre.
Ds Rampeliecht, wo dür konzentrierti Heuigkeit d dramatische Vorgäng uf dr Bühni bsungers betont, isch imene Drachejohr erfunge worde.

[ändere] Zämeläbe mit angerne

So guet oder so schlächt chömme Drache mit Verträter vode angere Tierjohre zrächt:

• Mit angerne Drachene: Das cha ä bewunderigswürdigs Zämeträffe vo grosse Geister si, wobi dr eint äs Genie und dr anger ä Exzentriker si cha.
  
• Mit Rattene: Ä rächt gueti Kombination, bsungers uf geistigem Gebiet. D Bindig wird nie sehr töif si, dafür frei vo Wiedersprüch blibe.
  
• Mit Büffle: Sie wärde vo ihne azoge, während d Büffle bsungers ihre praktisch gsung Mönscheverstang bewundere. Unger Druck chöi sie aui beidi sehr hausstarrig wärde.
  
• Mit Tigere: Sie neige drzue itler und agäberischer wie d Drachene ds si. Drfür überträffe sie d Tigere a Eigesinn und Einzugängertum.
  
• Mit Hase: Sie verachte d Hase, wöu ihne dr Sinn für Abentür fäut. Aber im töifste Härze wüsse sie, dass d Hase immer wider füre Fride sorge, wo sie sich drnach sehne.
  
• Mit Schlangene: Das cha ä vorzüglechi Kombination ergäh, aber ihri gmeinsame Verschlageheit bringt hüfig ihri beste Plän ds Fau.
  
• Mit Röss: Im Bruef und ir Öffentlichkeit schaffe sie guet zäme. Ir Ehe geits so lang guet, wie eine vo ihne dr Boss isch.
  
• Mit Geisse: Sie finge d Geisse ds unzuverlässig und chli ds eigebrötlerisch, aber sie chömme guet mitenang us, wen sich jede vornimmt, vor auem ad Tugende und guete Fähigkeite vom angere ds dänke.
  
• Mit Affe: Ä glänzendi Partnerschaft, solang sie sich nid gägesitig uf d Närve faue. Sie si aui beidi ruehlos und darum bruche sie hüfig ä Wächsu - und ou Trennig vonenang.
  
• Mit Güggle: Sie wei mitem Chopf dürd Wang, während sie ihre Chopf zum dänke bruche, was de Güggle nid redlich aus gnue erschient. Äs cha jedoch ä sehr ungerhautsami Verbingig si, wo uf jede Fau nie Längwili dine ufchunnt.
  
• Mit Hüng: Das isch ihres Gägebiud, sie hei viu ds biete, was ihne fäut, und umgekehrt, so dass dr eint tatsächlich wie füre anger gschaffe dssi schint.
  
• Mit Söi: Ihri gsunge Chräft zieh sie ah, genauso ihri geistigi Beweglichkeit. Bsungers ideau, wens zure künstlerische Partnerschaft chunnt.
  

[ändere] Bekannti Drache

• Immanuel Kant (*1724-†1804) dütscha Philisoph (Allgemeine Naturgeschichte und Theorie des Himmels)
• Abraham Lincoln (*1809-†1865) 19. Presidänt vor USA
• Charles Darwin (*1809-†1882) Britische Naturforscher (Evolutionstheorie)
• Lewis Carroll (*1832-†1898) britische Schriftsteuer, Fotograf, Mathematiker und Diakon (Alice im Wunderland)
• Friedrich Nietzsche (*1844-†1900) dütscha Philosoph und klassischa Philologe (Der Antichrist)
• Oscar Wilde (*1854-†1900) gebr. Oscar Fingal O' Flahertie Wills Wilde, irische Schriftsteuer (The Sphinx, Das Gespenst von Canterville, Ein idealer Gatte)
• Sigmund Freud (*1856-†1939) öschtrichischa Neurologe und Begründa vo da Psychoanalyse
• George Bernard Shaw (*1856-†1950) irische Dramatiker (Helden, Man kann nie wissen, Die goldenen Tages des guten Königs Karl)
• Martin Luther King (*1929-†1968) US-amerikanischa Prediga (Baptischt) und Bürgarechtla (i have a dream)
• John Lennon (*1940) britischa Musika, Komponischt und Autor, Sänga vo da Beatles
• Pelé (*1940) gebr. Edson Arantes do Nascimento brasilianischa Fuaßballschpiila
• Liam Neeson (*1952) britischa Schauschpiila
• Tracy Chapman (*1964) US-amerikanische Sängerin und Songwriterin (Crossroads, Tracy Chapman (Aubum))
• Reese Witherspoon (*1976) US-amerikanische Schauschpielerin (Pleasantville – Zu schön, um wahr zu sein, American Psycho, Natürlich blond 1+2, Mein Schatz, unsere Familie und ich)

[ändere] Was isch in Drachajohr passiert

• Da Mao Zedong schtirbt (1976)
• Ende vo da chinesischa Kulturrevolution (1976)
• Verhaftung vo da Viererbande (1976)
• Flugzügunglück vo Ramstein (1988)

[ändere] Literaturnachwis

• Die chinesische Astologie, Roger Elliot, Wilhelm Heyne Verlag München, 1998, ISBN 3-453-03419-8