Jahr der Ratte

Us der alemannische Wikipedia, der freie Dialäkt-Enzyklopedy

D "Ratte" als Tierchreiszeiche im Kowloon Walled City Park z Kowloon City, Hong Kong

D Ratte 鼠 shu (oder Ratz) giut nachem chinesische Kaländer aus agriffsluschtig. Rattejohr (子 zǐ) si:

• 31. Jänner 1900 bis 18. Februar 1901 - Metall
• 8. Februar 1912 bis 5. Februar 1913 - Wasser
• 5. Februar 1924 bis 24. Jänner 1925 - Holz
• 24. Jänner 1936 bis 10. Februar 1937 - Füür
• 10. Februar 1948 bis 28. Jänner 1949 - Erde
• 28.Jänner 1960 bis 14. Februar 1961 - Metall
• 15. Februar 1972 bis 2. Februar 1973 - Wasser
• 2. Februar 1984 bis 19. Februar 1985 - Holz
• 19. Februar 1996 bis 6. Februar 1997 - Füür
• 7. Februar 2008 bis 25. Jänner 2009 - Erde

[ändere] Ds Charakterbiud:

Äs isch ihre Houptwunsch im Läbe, Erfoug ds ha, ohni dass sie ä angere drbi verletzt. Äs isch ihne wichtig, ad Spitze ds cho, aber wei sie das so elegant und gschicktwie möglich schaffe.
Jede, wo imene Rattejohr uf d Wäut cho isch, verfüegt über öppis meh ageborene Gschmack aus die angere, aber das macht ihn oder sie nid im gringste zumene ätherische Schwächling, wo sofort d Flucht ergrieft, sobaud öppis ärnst wird. D Ratte vereint Eleganz mit Chraft oder Stiu mit Stärchi.
Ihne liegt viu a Voukommeheit, sie verbohre sich drbi mängisch i lächerliche Chlinigkeite und wenn sie sich öppis i Chopf gsetzt hei, de füehre sie das ou düre. D Rattejöhr si immer dürd Gradlinigkeit und Diräktheit kennzeichent, wo d Mönsche i ihne entfautet hei. Wär i dene Zite gebore worde isch, schient mit besonderer Läbenschraft usgrüstet ds si. Säubst wenn sie chrank wärde, erkämpfe sie sich mit ihrer zäier Unnachgibigkeit d Gsundheit zrügg.
D Schwächene und Fähler vor Ratte: Sie ghjeie liecht ufe üsseri Schiin inne und mängisch si ihnen d Dekoratione wichtiger aus die gsungi Struktur. Mängisch löh sie sich vo intelligänte Schuumschleger chli ds starch beeidrucke, ou vo liebeswürdige Hüchler oder ämene Zeiche vo Klasse ire ehere durchschnittliche Umgäbig. Und sie hei drüber usse ä fatali Neigig zu Notlügene und zwar ou den, we sie kei Not zum Schwindle zwingt.

[ändere] Ds Ratte-Ching

Die chlini Ratte muess ghörig verwöhnt, gliebt und i Watte ipackt wärde- oder besser: sie schient das ds bruche, säubst wes für sie oder ihn gar nid so guet isch. Die chlini Ratte isch äs ziemlichs friedlichs Ching, we sie nid die ganz Zit mit angerne muess zäme si. De zieht sie sich i ihres Schnäggehüsli zrug, oder aues schloht is Gägeteu um und sie drangalisiert die angere King und schüchtert sie i. Sie isch intelligänt, loht sich, wen sie d Glägeheit drzue het, vo künstlerische Gägestäng und Themene sehr beeidrucke und im Louf vor Entwicklig feschtigt sich ihre Charaktar bis zur Dickköpfigkeit.

[ändere] D extrovertierti Ratte

Dir wärdet entweder ä extrovertierte oder ä introveertierte Mönsch si oder öppis vo beidem, wobii ds einte vo beidem Extreme stärcher wird usprägt si. We dir zude extrovertierte ghöhret, so wärdet dir eue Charme drfür bruche, um gseuschaftlich voradscho und wens euch i Chram passt, wärdet dir ou friedlich dr eint gäge dr anger usspiele. Äs wird ihne keinerlei Schwirigkeite bereite, sich bi eune Mitmönsche beliebt ds mache, aber äs cha sehr wou si, dass me hinger euem Rügge angers über euch redet.

[ändere] D introvertierti Ratte

Hie manifestiere sich Überempfindlichkeit und kritischs, aspruchvous Wäse houptsächlich im künstlerische Berich. I euem Fründeskreis entwicklet dir Zuvorkommeheit und Fiingfüeu, aber Bekanntschafte machet dir nid sehr viu.

[ändere] Was Ratte gärn mache

Typischi Ratte-Sportarte:
Volleybau, Chorbbau, Croquet, Kricket, auso luti Sportarte, wo Geschick, Chraft und schinbar gueti Maniere erfordere, während im Ungergrund ä ganzi Masse vo einsamer Ehrgiiz mitspiut. Äs git ou Gruppespiu, i dene sich Ratte hrvortue.
Ratte-Hobbys:
Malerei, Inneirichtig, Kunstgwärb inklusive Bastarbeite, Bastelei vo Stofftier und -puppene und Wäbe.
Äs isch fasch unmöglich, öppis Verbindlichs über Ratte-Brüef und Karrierene ds üssere, aber mi cha säge, dass die meiste Ratte guet mit angerne Mönsche zrächt chömme, zuemau sich die Extrovertiert sich gärn vo ihrer liebenswürdige Siite zige. Rattene liebe ds Gfüeu, dass sie angeri Mönsche ä chli glücklicher und damit d Wäut zumene fröhlichere, agnähmere und läbenswärtere Ufenthautsort mache.

[ändere] Was zuedr Ratte passt

Länder, wo öppis mitem Johr vor Ratte dstüe ha söue, si Südafrika, China, Japan, Tibet, d Baukanländer Aubanie, Ex-Jugoslavie und Bulgarie, sowie Griecheland und d Türkei. Äs isch möglich, dass dr Kongo ou öppis mit de Rattene dstue het.
Edusteine und Haubedusteine, wo mitdr Ratte verbunge söu si, Amethyst, Diamant, Granat, Bluetstei, Jaspis und Malachit.
Fougendi Erfingige si i Rattejohr gmacht worde:
Zellophan, rostfreie Stau, Langspiuplattene und Transistorreradios. Äs schint ou ä starchi Verbingig zur Wäutrumforschig, zur Quantetheorie, zur Strahleforschig und zur Uranspautig ds bestoh.

[ändere] Zämmeläbe mit angerne

So chömme Ratte mit Verträter usde angerne Johr us:

• Mit angerne Rattene: Ganz guet, cha aber mängisch ds Verhäutnis vo rivalisierende Gschwüster anäh (siehe Charlton Heston und Marlon Brando).
  
• Mit Büffle: Ergit äs agnähms Zämmeläbe, obglich dr Widerspruch vom Büffu de Rattenen mängisch wie Borniertheit vorchunnt. Mängisch finge sie sich ou eifach numme längwilig.
  
• Mit Tigere: Cha zumene Zsämmeprau vode Tempramänte wärde, bsungers wens darum geit, wär vode beidne die ersti Giige ds spile het. Ratte liebe d Warmhärzigkeit vode Tigere, nid ihri Heftigkeit.
  
• Mit Hase: Im augemeine ä gueti Kombination, aber mängisch chömme sie de Rattene ds brav und ds ehrpusselig vor. Sie hei kei Sinn für Abentür.
  
• Mit Drachene: Äs sehr guets Verhäutnis, bsungers uf geistiger Äbeni. Ergit ä liechti, erfreulechi Art vor Zämmearbeit.
  
• Mit Schlangene: Si de Rattene ä chli ds ufdringlich und mängisch ou ds grob. We sie jedoch äs gmeinsams Inträssegebiet entdecke, wärde sie usgezeichneti Kamerade.
  
• Mit Röss: Uf dr Rattesite eher äs Liebi-Hass-Verhüutnis, jedoch voukomme ohni Fauschheit. Röss si fürd Rattene hüfig ds prahlerisch und ds ibiudet.
  
• Mit Geisse: Hei viu mit Rattene gmeinsam, äs fäut jedoch dr gägesitig Wunsch, mitenang i Kontakt ds cho.
  
• Mit Affe: Villech ds verträglichste Johr für Rattene, wöu sie chöi im Hangumdräie ä oberflächlichi, chli theatralischi Verbingig igoh, wo bi jedermann Wohugfaue erregt.
  
• Mit Güggle: Cha Symphatie wie Geistesverwandschafte entstoh, aber sie neige drzue, d Rattene ufzfrässe- us Lideschaft, Zorn oder rücksichtlosem Ehrgiiz.
  
• Mit Hüng: Sie neige drzue, chli längwilig ds würke, aber Rattene finge bi ihne Rueh und Usglicheheit, sa dass ä friedlichi und treui Fründschaft entstoh chönnt.
  
• Mit Söi: Liebenswärti und amüsanti Partner fürne Fründschaft, aber gfährlich für die grossi Liebi. Beidi chöi usgezeichnet zämmeschaffe und drbi die geistigi Partnerschaft gniesse.

[ändere] Bekannti Ratte

• William Shakespeare (*1564-†1616), britischa Dichta (Romeo und Julia, Ein Sommernachtstraum)
• Galileo Galilei (*1564-†1642), italienischa Physika und Aschtronom (Trägheitsprinzip und heliozentrisches Weltbild)
• Joseph Haydn (*1732-†1809), öschtriichischa Komponischt und Kapellmoaschta
• Muhammad Ali Jinnah (*1876-†1948), 1. Präsidänt vode Pakistan
• Heinrich Himmler (*1900-†1945), Dütsche Politiker (NSDAP)
• Fred Astire (*1899-†1987) US-Amerikanische Tänzer, Sänger und Schouspiler (Roberta, Ich tanz mich in dein Herz hinein, Flammendes Inferno)
• Louis Armstrong (*1900-†1971), Satchmo, US-amerikanischa Jazzmusika und Sänga
• Lord Louis Mountbatten (*1900-†1979) Britische Grossadmirau, König vo Indie, Generaustabchef vom britische Königrich und Onku vom Philip Mountbatten (Herzog von Edinburgh)
• John Enoch Powell (*1912-†1998) britische Politiker
• Richard Nixon (*1913-†1994) 37. Präsidänt vode USA
• Doris Day (*1924) (Doris Mary Ann Kappelhoff) US-Amerikanischi Sängerin und Schouspilerin (Zaubernächte in Rio, Ein Pyjama für zwei, Was diese Frau so alles treibt, Qué Será, Será)
• Marlon Brando (*1924-†2004) US-Amerikanische Schouspiler (Der Pate, Schwere Jungs – leichte Mädchen, Apocalypse Now, Superman (Vater vom Superman, wo uf Krypton ums Leben chunnt.))
• Charles Mountbatten-Windsor, Prince of Wales (*1948)

[ändere] Was isch in Rattejohr passiert

• Afang vom dütscha Privatfernsee (1984)
• D Anti-Babypille kummt in da USA uf de Markt (1960)

[ändere] Literaturnachwis

• Die chinesische Astologie, Roger Elliot, Wilhelm Heyne Verlag München, 1998, ISBN 3-453-03419-8