Jahr des Pferdes
Us der alemannische Wikipedia, der freie Dialäkt-Enzyklopedy
S Ross ( 馬 mă) isch eis vode zwöuf Tiere im chinesische Kaländer. Rossjohr (午 wǔ) si gsi:
- 25. Jänner 1906 bis 12. Februar 1907 - Füür
- 11. Februar 1918 bis 31. Jänner 1919 - Erde
- 30. Jänner 1930 bis 16. Februar 1931 - Metall
- 15. Februar 1942 bis 4. Februar 1943 - Wasser
- 3. Februar 1954 bis 23. Jänner 1955 - Holz
- 21. Jänner 1966 bis 8. Februar 1967 - Füür
- 7. Februar 1978 bis 27. Jänner 1979 - Erde
- 27. Jänner 1990 bis 14. Februar 1991 - Metall
- 12. Februar 2002 bis 31. Jänner 2003 - Wasser
- 31. Jänner 2014 bis 18. Februar 2015 - Holz
Inhaltsverzeichnis |
[ändere] Ds Charakterbiud
Ihri hervorstächendi Eigeschaft isch ihri fröhlechi Tatschaft. Mängisch dräihe sie ä chli ds fest uf und göh irer Umgäbig mit ihrem Getös ufd Närve, aber aues i auem verfüege sie überd Fähigkeit, sich beliebt ds mache und uf au ihrne Wäge Glück, Heiterkeit und Zfriedeheit ds verbereite. Sie tüe das ufene flatterhafti, oberflächlechi und ungstümi Wiis, wo numme ufd Gägewart grichtet ds si schint und sich nid umd Zuekunft chümmeret. Äs ligt nid dra, dass sie sech nid umd Gfüeu vo angere Lüt chümmere, aber ihri Begeisterig risst sie mit, flakeret wiene Flamme im Wind, hiehäre und dörthäre, ohni Haut und Heimat. Ihri Idee vom Läbe schint ä Art Herusforderig ds si, äs Abentür, ä Reis is Unbekannte. Sie mache sich vou Wonnä ufd Suechi nach neue Tatsache. Sie gniesses, öi Meinige ds entdecke und stütze sich i angeri Gfüeu, aus obs sich um die neusti Mode handlet. Sie si immer besträbt, äs vouständigs Biud vor Wäut vor sich ds ha, vo ihrer Wäut, wo us ihrer Erfahrig erwachse isch. Ihri Ungedueud wird nie gstiut wärde, aber sie ghöre zue dene Mönsche, wo immer lieber ufe Wäg zumene Zieu si, aus dass sie äs Zieu erreiche. Ihri Fähler und Schwächene si Tatelosigkeit und Scherzhaftigkeit. Sie spile gärn mit Gfüele angerer, sie spiele ihne ou gärn Streiche und lege sie inne und sie besitze ä scharfi Zunge, unger dere sie freilich nie säuber ds lide hei, wöu ihri Opfer immer die angere si. Wen sie sich elleini überloh si, so biude si sich i, dass ihne zum Glück nüt fäut, aber in Würklichkeit hange sie vor Gseuschaft vo angerne Lüt ab und bruche sie ou zur Säubstbestätigung.
[ändere] Ds Ross-Ching
Är oder sie risse früeh vo deheime us, aber zum Dsmittagässe si sie meistens wider deheime. Sie si abentürlustig, nöigierig und mi cha sie liecht erzieh, wenme ihri Würde nid verletzt. Ir Schueu si sie meistens guet i Frömdsprache, sie liebe Literatur und aui mügleche Sportarte. Sie chöi grosszügig si, chöi sich ou usnütze loh, aber me muess ihne ziemlich nachdrücklech klar mache, dass angeri Mönsche ou Gfüeu hei. Weme sich nid um sie chümmeret, chöi sie egozentrisch wärde.
[ändere] Ds extrovertierte Ross
Aus Ross ischme entweder extrovertiert oder introvertiert, cha ou ä Mischig vo beidem si, wobi ei Eigeschaft meist d Überhang gwinne cha. Die meiste Ross si jedoch extrovertiert und hei kei Schwirigkeite, Fründe ds gwünne. Die praktische Site vom Läbe wird sie immer meh azieh und äs härzhafts Lache wird ihne lieber si aus äs ungerdrückts lächle. Sie zieh d Dekoration ar Kunst vor und ä klari Antwort are no so geistriche Theorie.
[ändere] Ds introvertierte Ross
Sie si dr getröi Eckehard, dr Huusfründ, dr zueverlässig gross Brüetsch, ä Queue vo phantastische Gschichte und Informatione. Sie schine mit sich im Friede ds läbe, doch insgeheim füehle sie sich villech ä chli einsam und äs störtse, dass sie so viu Säubstgspräch füehre.
[ändere] Was Ross gärn mache
Typischi Ross-Sportarte: Aui Liechtathletikarte, bsungers Schnäu-Louf und Speer-Wärfe, Jage (Nid wäg dr Büti, sonder wägem Jagdfieber), Rugby und natürlech aui Forme vom Rossport. Rossmönsche si insgesamt bsungers sportlich. Ross-Hobbys finge meistens ou im freie statt: Sie länge vom Dracheflüge bis zum Modäubootrenne. Ross chöi nid wiederstoh, ä normali Tätigkeit ines Spiu, am liebste ines Wettspiu ds verwandle und wens numme i ihrer Phantasie stattfingt. Typischi Ross-Instrumänt imene Orchester si d Klarinettenä. D Eigeschafte, wod Mönsche usde Rossjohr im Bruef erfougrich mache: Sie hei viu Ifäu, guete Organissationssinn und d Fähigkeit, Ideä mit Schwung und Durchschlagschraft ds verfouge. Ross sötte versueche, inere grosszügige, schwungvoue und atriebsstarche Umgäbig ds schaffe, umgäh vo müglechscht viu Verträter vom angere Gschlächt.
[ändere] Was zude Ross passt
Länder, wo mitde Johre vom Ross verbunge si söue, si Rumänie, Augerie, Östrich und Lybie. Äs isch müglich, dass ou Indonesie und dr Libanon zude Rossjohr ghöre. D Edusteine und d Haubedusteine, wo öppis mitde Rossjohr ds tüe söue ha, si Rubin und Granat, Türkis, Amethyst, Topas und Hyazinth. Wichtegi Entdeckige, wo i Rossjohr gmacht worde si: Ds Blitzliecht, ds Tonbang und ds Plexiglas.
[ändere] Zämmeläbe mit angerne
Uf die Wiis läbe d Ross mit angerne Tierzeiche oder setze sich mit ihne usenang:
- Mit angerne Ross: Das geit rächt guet, obglich sie ire Eheds gägesitige Unabhänigkeitsgfüeu sehr respektiere müesse.
- Mit Rattene: Do chas Konflikte und Ribige gäh. Vode Ratte chöi sie Maniere, Läbensstiu und Charme lehre, während sie dr Ratte bibringe chöi, wieme ds Läbe gniesst.
- Mit Büffle: Ihre Ifer und d Büffubeständigkeit passe guet zämme. Ds Zämmeläbe cha auerdings chli längwilig wärde, wens ihne nid glingt, die guete aute Büffle öppis adsspornä.
- Mit Tigere: Viu Entsprächige und Ähgnlechkeite, wöu sie beidi so läbenssprüehend und chraftsprotzend und itu si. Die Kombination ergit äs wohrs Füürwärch.
- Mit Hase: Sie schine im chline, brave Has d Bestie ds wecke. D Hase troue sich plötzlich zue, mit ihne i Wettbewärb ds trätte. Und mängisch gwünne sie ihn sogar.
- Mit Drachene: Sie chöi sie ume chli Finger wickle - aber drzue müesse sie d ross zerschmau ha. Sie si gschiht und gschickt, aber d Drache si flink.
- Mit Schlangene: Gradzue lächerlich verschide, was sie nid dra hinderet, d Schlange faszinierend ds finge. Aber Achtung: I däm Fau spile sie mitem Füür.
- Mit Geisse: Das cha ä Fründschaftlechi Verbingig wärde, säubst wen sie finge, dassd Geisse zrüghautender si aus nötig, aber nid so bescheide, wie sie immer düe.
- Mit Affe: Sie schine sich genau wie d Ross immer ar Oberfläche ds bewege, aber wes druf achunnt, so zeigt sich doch, dass sie verlässlicher, stangfester und realitätsbewusster si.
- Mit Güggle: Do gits viu Ähnlechkeite, aber ei Wiue steut genau dr anger, was zu innere Spannige und üssere Stritigkeite und Usenandersetzige füehre cha.
- Mit Hüng: Ihri beide Läbensasichte gstatte ihne viu Sympathie. Das cha die tragfesti Basis fürne duurhafti Fründschaft si.
- Mit Söi: Ä ganzi Rheie vo Gmeinsamkeite, aber d Sou isch fuler aus sie, während sie flüchtiger aus d Sou si.
[ändere] Bekannti Ross
- Dschingis Khan (*1155-†1227), Führer vo da Mongolen, hots mongolische Reich bis fasch uf Europa usdehnt
- Rembrandt van Rijn (*1606-†1669), niederländischa Mola und Grafika (Die Nachtwache)
- Isaac Newton (*1643-†1727), englische Physika, Mathematika und Aschtronom, Begründa vo da klassischa Physik (Gravitationstheorie und Differentialrechnung)
- Igor Fjodorowitsch Strawinski (*1882-†1971) russisch-französich-US-Amerikanische Komponist (Le Sacre du Printemps usem Fium Fantasia (Micky Maus 1940))
- Samuel Goldwyn (*1882-†1974) US-Amerikanische Fiumemacher (Mitgründer vode United-Artists-Studios und de Metro-Goldwyn-Maier-Studios (MGM), wo unger angerem aui, bis uf eine, James-Bond-Fiume usebrunge het.)
- Nikita Sergejewitsch Chruschtschow (*1894-†1971) russische Politiker und Presidänt
- Leonard Bernstein (*1918-†1990) US-Amerikanische Komponist, Dirigänt und Pianist (Chichester Psalms, Divertimento for Symphonic Band, West Side Story)
- Billy Graham (*1918) US-Amerikanische Bapistepastor, Prediger und Erweckigsprediger
- Helmut Kohl (*1930), dütscha Politika (CSU) und Kanzla
- Neil Armstrong (*1930), US-amerikanischa Aschtronaut, erschta Mensch ufm Mond
- Sean Connery (*1930), britischa Schauschpiela (James Bond)
- George Soros (* 1930), ungarisch-amerikanischa Investmentbanker
- Boris Jelzin (*1931), russischa Pitika und Reforma
- Jimi Hendrix (*1942-†1970), US-amerikanischa Musika und Rockgitarrischt
- Alice Schwarzer (*1942), dütsche Journalischtin und Feminischtin,
[ändere] Was isch in Rossjohr passiert
- Afang vo da Kulturrevolution in der Volksrepublik China (1976)
- Laos wird unabhängig (1954)
- Iführung vom Euro-Bargeld (2002)
[ändere] Literaturnachwis
- Die chinesische Astologie, Roger Elliot, Wilhelm Heyne Verlag München, 1998, ISBN 3-453-03419-8
