Sigmund Freud
Us der alemannische Wikipedia, der freie Dialäkt-Enzyklopedy
Der Sigmund Freud (* 6. Mai 1856 z'Freibärg (Määre) (tschechisch Příbor); † 23. September 1939 z'London), eigentlech heisst är Sigismund Schlomo Freud, isch e öschtriichische Arzt u Tiefepsycholoog gsi.
Der Sigmund Freud isch berüemt worde, will är mit der Psüchoanalüse agfange het. Är het gseit, dass der Sexuautriib eigentlech aues entscheidet imne Läbe vomne Mönsch. Da isch är uf der gliiche Linie mitem Charles Darwin, wo gseit het dass der Säubschterhautigstriib, auso ässe, trinke u Chinder ha (Sexuautriib), bi Tier u ebe ou bim Mönsch aues entscheidet. D'Idee vom Freud si hüt no heftig diskutiert.
Zu siner Zit het speziell d'Chile ke Freud gha a sine Idee. Der Sigmund Freud het d'Religione uf sone Art kritisiert, wies no nie öpper gmacht het vor ihm: är het gseit, d'Religiosidät vo eim sig e infantili Nöirose.
Eine vo sinie wichtige Schüeler isch de Carl Gustav Jung gsii.
[ändere] Weblinks
- Literatuur vom und über de Sigmund Freud im Kataloog vor DNB
- Sigmund-Freud-Inschtitut, Frankfurt
- Freud Museum z'London
- Sigmund Freud Museum z'Wien
 Wenn dr meh züe dem Thema weisch, no schrib s dezüe und entfern nochher d Markierig {{Stumpen}}.Wenn de no nie e Stumpe erwitert häsch, no findsch do Hilf dezüe. |
