Jahr des Hasen

Us der alemannische Wikipedia, der freie Dialäkt-Enzyklopedy

Hops zue: Navigation, Suech
Dr "Has" als Tierchreiszeiche im Kowloon Walled City Park z Kowloon City, Hong Kong

Hasa 兔 tù gälten noch m chinesischen Kalender als guatmüatig. Hasajohr (卯 mǎo) sin gsi:

  • 29. Jänner 1903 bis 15. Februar 1904 - Wasser
  • 14. Februar 1915 bis 2. Februar 1916 - Holz
  • 2. Februar 1927 bis 22. Jänner 1928 - Füür
  • 19. Februar 1939 bis 7. Februar 1940 - Erde
  • 6. Februar 1951 bis 26. Jänner 1952 - Metall
  • 25. Jänner 1963 bis 12. Februar 1964 - Wasser
  • 11. Februar 1975 bis 30. Jänner 1976 - Holz
  • 29. Jänner 1987 bis 16. Februar 1988 - Füür
  • 16. Februar 1999 bis 4. Februar 2000 - Erde
  • 3. Februar 2011 bis 22. Jänner 2012 - Metall

Inhaltsverzeichnis

[ändere] Ds Charakterbiud

Sie hei äs grosses Talänt drzue, aui und aues i ihrer Umgäbig ds nähre, ds hüete und ds beschütze. Äs ligt ihne, Lebändigs ds bemuettere und zum wachse ds bringe, sie leiste dahär Herdvorragends im Garte, im ganze Huus, am Herd, sie sorge sich um chranki und unglücklechi Mönsche und sie schütte jedem ihres Härz us, wo barat isch, ihnen zudslose. Säubst männlechi Hase zeige öppis vo dene wibleche Eigeschafte. Viu hei äs weichs Härz, so hert und küehn sie ou gäge usse erschiene. Sie hei ä sentmentaui Adere oder ä töifi Liebi zur Natur oder ä Vorliebi fürd Gseuschaft vo Froue, wo gar nüt wiblechs a sich het. Mängisch prägt sech die Weichheit i bestimmte künstlerische Begabige us, was auerdings jeglichs revolutionäre Füür usschliesst. Dr Hase-Schriftsteuer besitzt ä starch usprägti Sehnsucht nach dr Vergangeheit, so wie viu Auttagshase vomene aborene emotionale Konservatismus beherrscht wärde, wo im Auter immer dütlicher ds gspüre si wird. D Hase haute nid viu vo veränderige, sie rette sich immer lieber ine woubekannti Vergangeheit, säubst wen sie scho öppis verstoubt und zerschlisse isch. Euch aus Has wirds immer relativ liecht faue, mit Euesgliche rasch und schnäu Fründschafte ds schliesse, wo benidenwärt lang duure chöi. Sie verhaute sich jedoch im negative Fau aui Mönsche gägeüber voukomme glichgüeutig, wo nid zu ihrer Familie, zu ihrer Klass ghöre. Die Ängstirnigkeit bedütet, dass ihne ä chline, wouvertroute und sichere Chreis vo Busefründe lieber isch aus ä grösseri und wäutoffeneri Gruppe vo Bekannte. Ihri Fähler und Schwächene lige ir Neigig, aus ds persönlich ds näh, ihri Phantasie hüfig ä chli ds sehr usde Zügle schiesse ds loh und diejenige, wo sie liebe, aus ihre persönlich Besitz ds betrachte. Hase si meistens vomene starch usprägte Familiesinn erfüeut und näh die damit verbungene Stritereie und Enttüschige i Chouf. Hase chöi lunischer aus die angere Johrestier si, im beste Fu si sie immer barat, sich öpper angers a ihrer Schueutere usgräne ds loh. Im schlimmste Fau si sie mängisch öppis verschrobe, nörgle desumme, grate wäge jeder Chlinigkeit usem Hüüsli, neige zur Chlikrämerei. Ds Läbenszieu, für das sie sich nach langem Kämpfe entscheide: dsmits im Ufruhr die eigeni Härzens Rueh finge.

[ändere] Ds Hase-Ching

Dr chli Hase ungerwirft sich vor auem am Ifluss vor Muetter. Bsungers die Junge göh im positive und negative Sinn ä bsungers feschti Muetterbingig i, öppis spöter, we dr Maa sich zur Säubstständigkeit düredringe muess, zu Komplikatione füehre cha. Aui Hase-Ching boue ä Schutzmuur um sich uf, ä Fassade, wo auerdings nüt mit ihrem wahre, innere verletzliche Ig ds tüe ha muess. Eutere söte immer drmit rächne, dass bide Hase-Ching mitunger ä Huch vo Tücki oder Fauschheit und übersteigerti Vorsteuigschraft uftouche chönnt.

[ändere] Dr extrovertiert Has

Meh isch entweder ä extrovertierte oder ä introvertierte oder vo beidem öppis, wobi die einti Eigeschaft meistens stercher usprägt isch. Aus extrovertierte Has verhautet meh sich am angere gägeüber höfflich, aber doch distanziert und besitzt d Fähigkeit, ufrichtig ds würke, ohni öpperem i Verlägeheit ds bringe. Sie hei ihri eigete Gfüeu guet im Zuum und wei das am angere immer so läbhaft und idringlich wie müglich vorfüehre.

[ändere] Dr introvertiert Has

Hase neige drzue, sich uf sich säuber zrügdszieh. Sie si wahrschinlich schüchtener, aus das sie si wei, meh drmit beschäftigt, mit ihrne eigete Gfüeu und Empfinige zrächtdscho. Sie hei numme weni Fründe, vo dene erwarte sie aber überus viu.

[ändere] Was Hase gärn mache

Typeschi Hase-Sportarte: Hockey, Ringkampf, Gouf, Ruedere und Velofahre. D Hase-Hobbys umfasse bi Manne und Froue aui Fähigkeite und Gschicklichkeite, wo meh brucht, um sich ds eigete Heim gmüetlich ds mache. Sie flicke Sache, schnitze, bezieh säuber d Möbu, sie spile Gseuschaftsspiu und si a aune soziale Aktivitäte i Klubs und Vereine intressiert. Die guete Eigeschafte, wo Hase im Bruefsläbe entwickle: Äs starch usprägts Verantwortigsgfüeu im bezug ufene Gruppe, Gmeind oder Gseuschaft. Das bedütet inere egosistische Form: ä starche Drang, ds Familieungernähme zum Blühe ds bringe oder im Glanz ds erhaute. Insgesamt d Fähigkeit, sich uf angeri Mönsche ds isteue, für ihre Fortschritt und ihr Glück ds schaffe und ä Füehrigsposition ds übernäh, wen ihri Ungergäbene zur Zämmearbeit barat si. I kristische Situatione si sie uf jede Fau besser, aus sie säuber und ou angeri Lüt dänke.

[ändere] Was zude Hase passt

Länder, wo mitem Johr vom Has öppis ds tüe ha söue, si Wales, Beugie und d Niederlande, d Schwiz, Kanada und wahrschinlech ou Singapur. Ide Hasejohr isch d Roue vor Frou im öffentliche Läbe betont worde; äs si Fortschrittä ufem Gebiet vode Frouerächt und de Chinderschutzgsetz gmacht worde, grossi Bouprojekt entwicklet und internationali Abcho wie z.B. d Entente cordiale twüsche Ängland und Frankrich troffe worde. D Edusteine und d Haubedusteine, wo zude Hasejohr passe, si Smaragd, schwarze Onyx, Selenit, Perle und Bärgchristau.

[ändere] Zämeläbe mit angerne

So chömme Hase mit Verträter angerne Tierzeiche zrächt:

  • Mit angerne Hase: Vorzüglich, sofärn äs sich aufenes gmüetlechs und behaglechs Frünschaftsverhäutnis bezieht; si jedoch Gschäft im Spiu, chöi Empfindlichkeite uftouche.
  • Mit Rattene: Gueti Chancene, wobi d Ratte auerdings mängisch ds schlitzohrig für sie si chöi und ihre Mangu a Prinzipie cha ihr Moraugfüeu verletze.
  • Mit Büffle: Äbefaus ä gueti Verbinig, bsungers für fridlechi Familiebeziehige. Uf emotionalem Gebiet chöi beidi chli besitzergriefend si, dsgunste oder dsungunste vom angere.
  • Mit Tigere: Sie wärde vom Schwung vom Tiger und vo ihrne positive Eigeschafte starch azoge. D Tiger liebe drgäge ihres fridliche Gmüet. So verschiede, dass sie guet zämmepasse.
  • Mit Drachene: Ihri Machtgier verwirrt d Hase, drgäge wärde d Drache vo ihrer Kontaktfreudigkeit beidruckt. Das cha sogar Schueudgfüeu i ihne wecke.
  • Mit Schlangene: Sie zieh sich gägesitig ufe erst Blick ah, aber wen nid jede vo ihne sini Gfüeu unger Kontroue het, cha die spontani Zueneigig i Hass umschloh.
  • Mit Röss: Ä ganzi Azahu vo Ähnlichkeite, aber si chöi sich gägesitig ufd Närve goh, wobis zu verbale Usenangersetzige cho cha. Dr töifer Grund: d Röss si männlicher aus sie.
  • Mit Geisse: Besti Chance für Vertraglechkeit und Überistimmig, aber sie si beidi nid sehr energisch und schwungvou. Äs besteit Gfahr zu pingeligr Umstangskrämerei.
  • Mit Affe: Sie betrachte ds Läbe und d Wäut mit vouchomme angerne Ouge, dahär hei sie mit ihne wenig gmeinsam. Sie chöi für sie sorge, drfür chöi d Affe sie ufheitere.
  • Mit Güggle: Ihr Gägebiud im guete und im schlächte. Vo Güggle chöi sie meh aus vo jedem angere Tier lehre, aber die Lektione chöi für sie schmärzlech si.
  • Mit Hüng: Ä schwäfäuigi, fründlechi Form vor Partnerschaft. Sie chöi mängisch nach ihne schnappe, während sie sich vo Zit zu Zit i Schmouwinku verzieh.
  • Mit Söi: Zaurichi Gmeinsamkeite, so dass sie ohni Konflikte und Komplikationä bis as Läbensändi zämmeblibe chöi. Ds einzige, wo ihne beidne fähle würd, wär chli Abentürlust.


[ändere] Bekannti Hase

  • Albert Einstein (18789-†1955), Physika
  • Albrecht Dürer (1471-†1528), dütscha Moler
  • Walt Withman (*1819-†1892) US-Amerikanische Dichter (Grashalme, Children of Adam)
  • Königin Victoria I. (1819-†1901), Königin vo Grossbritannie, Kaiserin vo Indie
  • John Galsworthy (*1867-†1933) Änglische Schriftsteuer und Dramatiker (Der reiche Mann, Der weiße Affe, Blühende Wildnis)
  • Joseph Stalin (*1878 nach gregorianischem Kaländer-†1953) Geburtsname: Iosseb Bessarionis dse Dschughaschwili, Sowjetische Presidänt/Diktator
  • Evelyn Waugh (*1903-†1966) gebr. Arthur Evelyn St.John Waugh, Britische Schriftsteuer (Auf der schiefen Ebene, Wiedersehen mit Brideshead, Tod in Hollywood)
  • Cary Grant (*1904-†1986) Britisch-US-Amerikanische Schouspiler (Ein Hauch von Nerz, Hausboot, Liebling, ich werde jünger)
  • Arthur Miller (*1915-†2005) gebr. Arthur Asher Miller, US-Amerikanische Schriftsteuer (Alle meine Söhne, Hexenjagd, Spiel um Zeit)
  • Benedikt XVI. (*1927) bürgerlich Josef Alois Ratzinger, Papst
  • Hans-Dietrich Genscher (* 1927), dütscha Politika
  • Anne-Sophie Mutter (* 1963), dütschi Musikerin

[ändere] Was isch in Hasajohr passiert


[ändere] Literaturnachwis

  • Die chinesische Astologie, Roger Elliot, Wilhelm Heyne Verlag München, 1998, ISBN 3-453-03419-8


Vun "http://als.wikipedia.org/wiki/Jahr_des_Hasen"
Persönlichi Wärkzüg
Buech aalege