Elfingen
| Elfingen | |
|---|---|
 |
|
| Basisdate | |
| Staat: | Schwiiz |
| Kanton: | Aargau (AG) |
| Bezirk: | Brugg |
| BFS-Nr.: | 4097 |
| Poschtleitzahl: | 5077 |
| Koordinate: | 649825 / 26216447.5083348.100006457Koordinate: 47° 30′ 30″ N, 8° 6′ 0″ O; CH1903: 649825 / 262164 |
| Höchi: | 457 m ü. M. |
| Flächi: | 4.21 km² |
| Iiwohner: | 279 (31. Dezämber 2011)[1] |
| Website: | www.elfingen.ch |
| Karte | |
 |
|
Elfige isch en Iiwohnergmeind im Bezirk Brugg im Schwiizer Kanton Aargau. S Dorf isch öpper zä Kilometer weschtlich vom Bezirkshauptort im obere Fricktal, wo s geographisch dezu ghört, historisch aber nöd.
Inhaltsverzeichnis |
Geographie [ändere]
D Dorf ligt öpper drei Kilometer nordweschtlich vom Bözbergpass in eme Sitetal vo de Sissle zwüsche de Hügel vom Tafeljura. S ligt de Marchwald (607 Meter ü. M.) im Norde, d Sennhütte (634 Meter ü. M.) im Nordoschte u de Bränngarte (659 MEter ü. M.) im Oschte. Am Südhang vom Marchwald isch de Elfiger Räbbärg mit ere Aabauflächi vo 13,5 Hektare.
De Gmeindsbann het e Grössi vo 421 Hektare, dodervon sin 207 Hektare Wald u 13 Hektare überbaut. Di höchsti Schtell isch de Bränngarte, di tüfschti isch uf 430 Meter.
Nachbargemeinde sin Sulz im Norde, Müendl im Nordoschte Effige im Südoschte, Böze im Südweschte u Hornusse im Nordweschte.
Gschicht [ändere]
S Dorf isch vermutlich im 5. oder 6. Johrhundert vo de Alemanne gründt worde. Grabfund us em Johr 1978 dünt des vermuete la. S erschti mol in ere Urkund wird Eolfingen im Johr 1245 gnennt, wo de Verchauf vo Güeter a s Chloschter Wettige beschtätigt worde-n-isch. De Ortsname bedütet «bi de Höf vom Agiwolf».
Im Mittelalter isch Elfige en bedütender Ort weschtlich vom Bötzbärg gsi. S het en Dinghof vom Chloschter Murbach im Elsass im Dorf gha un Elfige isch au de Sitz vo de Pfarrei gsi, wo au Böze, Effige u Teili vo Zeihe u Linn drzue ghört hei. De Dinghof het verschidnigi Rächt i de nöchere Umgebig gha un isch im 1291i a d Habsburger verkauft worde. D Agnes von Ungarn het dann im 1322i de Bsitz em Chloschter Königsfälde gschenkt.
Im Johr 1460 hei d Bärner d Herrschaft Schänkebärg, wo au Böze derzu ghört het, übercho. So hei si sich de Pass über de Bözbärg chönne sichere, wo a de Gränze zu Vorderöschtriich gläge-n-isch. Elfige isch im Grichtsbezirk Böze vom Amt Schänkebärg gläge. Elfige het mit de Ziit me u me a Bedütig verlore. D Reformation isch, wi überall z Bärn, im 1528i iigführt worde.
Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Böze ghört sither zum Kanton Aargau.
Fuessnote [ändere]
Weblink [ändere]
Allmänd (Commons): Elfingen – Sammlig vo witere Multimediadateie
| Dä Artikel basiert uff ere fräie Übbersetzig vum Artikel „Elfingen“ vu de dütsche Wikipedia.
E Liste vu de Autore un Versione isch do z finde. |
