Windisch
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Brugg |
| BFS-Nr.: | 4123 |
| PLZ: | 5210 |
| Koordinate: | 47° 29' n. Br. 8° 13' ö. L. |
| Höchi: | 357 m ü. M. |
| Flächi: | 4.91 km² |
| Iwohner: | 6.598 (31. Dezämber 2010) [1] |
| Website: | www.windisch.ch |
| Karte | |
 |
|
| Dialäkt: Aargauerdüütsch |
Windisch isch e Gmeind im Bezirk Brugg im Kanton Aargau in de Schwiiz. De Ort isch bekannt weil d Römer s gröschte Legionslager nördlich vo de Alpe dört gha hei: Vindonissa. Ausserdem isch au s Chloschter Königsfälde berüehmt.
[ändere] Geographi
De Gmeind liegt zwische de Aare im Norde un de Rüüs im Oschte. Sie het mehreri Ortsteil, wo im 19. un im frühe 20. Jahrhundert zämme gwachse sin. Uf enem schmale Hügelsporn über e re Flussschlaufe vo de Rüüs, ugfähr zwei Kilometer vo de Mündig i d Aare, isch de Kirchweiler. Uf de Halbinsle öschtlich devo, ugfähr vierzig Meter tüfer, liegt de Dorfteil Unterwindisch. Weschtlich vom Hügelsporn isch e flachi Ebeni mit dem Oberdorf, zu welem d Ortsteil Oberburg un d Chlosteralag vo Königsfelde gehöre. D Gemeind isch 491 Hektare gross, davo sin 120 bewaldet und 211 Hektare überbaut. Die höchscht Stell vo Wendisch isch s Hohe Hölzli (468 Meter), die tüfschti isch bim Zämefluss vo de Aare un de Rüüs (328 Metern). Nachbargmeinde sin Brugg im Weschte un Norde, Gäbischtorf un Birmischtorf im Oschte, Mülige im Südoschte un Huse im Süde.
[ändere] Gschicht
D Gschicht vo WIndisch fangt scho i de Zit vo de Römer aa, wo vermutlich im Johr 14 n. Chr. am Zämefluss vo de Rüss un de Aare es Legionslager gründet hei, nämlich Vindonissa. Scho vorher het s aber derte es helvetischs Oppidum gha. Im Johr 101 hei d Römer s Militätlager gruumet, d Siidlig hets aber witerhin gäh. Vo 270 bis ins 5. Johrhundert isch au wider römischs Militär da gis. Für s 6. Johrhundert isch z Windisch sogar en Bischof urkundlich nochgwisse.
