Ruine Schenkenberg

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Ruine Schänkebärg isch e Burgruine uf em Gmeindsbann vo Tale im Schwiizer Kanton Aargau. Si ligt uf em Schänkebärg öppe 200 Meter überm Tal.

D Burg isch vermuetlich im 13. Johrhundert vo de Habsburger erbaut worde. S erschti Mol in ere Urkund taucht d Burg im 1243i uf und si isch vo de Schänke vo Schänkebärg bewohnt gsi, Vasalle vo de Habsburger. De Bsitz vo de Burg het mit de Johr immer wider emol gwächslet. In de Folg vo de Habsburger Niderlag bi de Schlacht bi Sämpach hei di us finanzielle Gründ d Burg verpfändet und im 1415 hei si ihre ganze Aargauer Bsitz verlore, d Herrschaft Schänkebärg isch aber unabhängig blibe und de König Sigismund het d Burg im 1417 unter sin persönliche Schutz gstellt. Im 1431 het d Bsitzerin, Margaretha von Fridlingen, s Schloss und alli Rächt wo dodermit verbunde si gsi, an de Freiherr Thüring von Aarburg verchauft. Wo de Thüring im 1451 finanzielle Probläm het übercho, het er d Herrschaft an de Hans und de Markwart vo Baldegg verchauft. Di hei sich mit Öschtriich verbündet. Des het immer wider Schtiit mit de Bärner gäh und so hei d Bärner im 1460 d Herrschaft udn d Burg Schänkebärg iignoh. Burg isch doderbi beschädiget worde, aber me het si wider in Stand gsetzt und us de Herrschaft Schänkebärg isch s Amt Schänkebärg worde und de Bärner Landvogt het d Burg zu sim dDienschtsitz gmacht. Wil d Burg an ere schtrategisch wichtige Schtell und nöch an de Gränze zu Vorderöschtriich gläge-n-isch, isch si stark usbauet worde. Gliichwohl het me am Unterhalt gschpart und so isch di Burg mit de Ziit so baufällig worde, dass de Landvogt im 1720 uf s Schloss Wildeschtei züglet isch und d Bärner d Burg Schänkebärg hei la verfalle. Im 1798 isch d Ruine in de Bsitz vom noie Kanton Aargau scho und im 1837 het si en dubiose «Herr vo Schänkebärg» kauft. Wil der aber verschwunde-n-isch, sind Bsitzverhältnis lang unklar gsi. Me het si für herrelos erklärt und im Mai 1918 versteigeret. Für 50.- SFr het si d Aargauischi Vereinigung für Heimatschutz kauft, wo sither immer wider Sicherigs- und Konserviirigsarbeite het la durreführe. Hüt stoht d Ruine unter Denkmalschutz und gilt als Baudenkmal vo nationaler Bedütig.

Weblink[ändere | Quälltäxt bearbeite]

 Allmänd (Commons): Ruine Schänkebärg – Sammlig vo witere Multimediadateie