Hornussen AG

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S AG im Lemma isch s offiziell Chürzel vom Kanton Aargau und wird bruucht, zum Verwächslige mit Yträäg vom Name Hornussen (Begriffsklärung) vermyde, wo öppis anders meined.
Hornusse
Wappe vo Hornusse
Basisdate
Staat: Schwiiz
Kanton: Aargau (AG)
Bezirk: Laufeburgw
BFS-Nr.: 4167i1f3f4
Poschtleitzahl: 5075
Koordinate: 647111 / 26136947.5013858.063898382Koordinate: 47° 30′ 5″ N, 8° 3′ 50″ O; CH1903: 647111 / 261369
Höchi: 382 m ü. M.
Flächi: 7.27 km²
Iiwohner: 874 (31. Dezämber 2012)[1]
Website: www.hornussen.ch
Hornusse im Winter

Hornusse im Winter

Karte
Deutschland Kanton Basel-Landschaft Kanton Solothurn Bezirk Aarau Bezirk Baden Bezirk Brugg Bezirk Lenzburg Bezirk Rheinfelden Bezirk Zurzach Eiken Frick AG Gansingen Gipf-Oberfrick Herznach Hornussen AG Kaisten Laufenburg AG Mettauertal Münchwilen AG Oberhof AG Oeschgen Schwaderloch Sisseln Ueken Wittnau AG Wölflinswil ZeihenKarte von Hornusse
Iber des Bild
w
Dialäkt: Aargauerdüütsch

Hornusse esch en politischi Gemeind im Bezerk Laufenburg vom Schwyzer Kanton Aargau. Sie lit im obere Fricktal.

Bevölkerig[ändere | Quälltäxt bearbeite]

Am 31. Dezämber 2005 händ 852 Menschen in Hornussen gläbt, de Osländerateil het 12,8 % betreit. Bi de Volkszählig 2000 send 54,5 % römisch-katholisch, 26,8 % reformiert und 5.6 % moslemisch orientiert gsi; 2,3 % gehörte andernä Glaubensrichtige ah. 91,3 % händ Dütsch als ihri Hauptsprache gnennt, 2,5 % Italienisch, 1,8 % Albanisch, 1,3 % Serbokroatisch, 0,9 % Französisch.

Gschicht[ändere | Quälltäxt bearbeite]

Grenzstein von 1733 zwischen Hornusse und Böze

Di erscht urkundlich Erwähnig vo Hornusse isch us em Johr 1281, wo de Ort Hornescon gnennt worde-n-isch. S Dorf isch en Dinghof vom Frauchloschter z Säckinge gsi, d Landesherrschaft isch bi de Habsburger gläge. Wil d Bärner im 1460 de Bsitz vo de Schänkebärger übernoh hei, isch Hornusse ab da an de Gränze zum Bärner Aargau gläge. Mit em ganze Fricktal hei d Habsburger Hornusse in de Folg vom Waldshueterchireg im 1468i an d Burgunder verpfändet. Nach de Niderlag vo de Burgunder gäge d Eidgnossen in de Burgunderchrieg isch Hornusse ab em 1477 wider habsburgisch gsi. Ab em 1491, wo de Chaiser Maximilian I. sini Reichsreform duregführt het, het Hornusse zu Vorderöschtriich ghört, de gröschti Grundbsitzer isch aber nach wi vor s Frauechloschter z Säckinge gsi. Im 17. Johrhundert het Hornusse viel unter verschidnige Chrieg müesse lide: Es het vo 1612 bis 1614 en Buureufstand geh, vom 1633 bis ins 1638 het de Driissgjährig Chrieg au im Fricktal gwüetet und de Pfälzisch Erbfolgechrieg (1688-1697) het d Region ebefalls troffe. In de zeite Hälfti vom 18. Johrhundert isch d Strooss über de Bözbrg usbaut worde und wo im 1779 s letzschti Teilstück eröffnet worde-n-isch, het me di ganzi Strecki mit em Pferdefuhrwerch chönne befahre. Numme 18 Johr später isch s Fricktal es französischs Protektorat worde (Frieden von Campo Formio) und im zweite Koalitionschrieg isch d Front zwüsche de Franzose und de Öschtriicher z Hornusse gsi. Am 20. Februar 1802 isch Hornusse z ere Gmeind im noi bildete Kanton Fricktal worde, wo im Auguscht 1802 en Teil vo de Helvetische Republik worde-n-isch. Sit em 19. März 1803 isch Hornusse eini vo de Gmeinde vom Kanton Aargau.

Wirtschaft[ändere | Quälltäxt bearbeite]

D Hauptstrooss dur Hornusse

Z Hornusse gets rund 200 Arbeitsplätz, defo 26 % ide Landwirtschaft, 43 % ide Industrie und 31 % im Dienstleistigssektor. Die meiste Erwerbstätige sind Wägpendler und schaffe i de grössere Gemeinde vom Fricktal oder ide Region Brugg.

Fuessnote[ändere | Quälltäxt bearbeite]

  1. Bevölkerungsbestand per Ende Dezember 2012, Statistisches Amt des Kantons Aargau

Weblink[ändere | Quälltäxt bearbeite]

 Allmänd (Commons): Hornusse – Sammlig vo witere Multimediadateie