Unterbözberg

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe
Wappe vo Unterbözberg
Basisdatä
Kanton: Aargau
Bezirk: Brugg
Gmeind: Bözberg
PLZ: 5224
Koordinate: 47.483608 n. Br.
8.156115 ö. L.
Höchi: 507 m ü. M.
Flächi: 6.11 km²
Iiwohner: 735 (31. Dezember 2011)
Website: www.unterboezberg.ch


Underbözberg isch bis Endi 2012 en Iiwohnergmeind im Bezirk Brugg im Schwiizer Kanton Aargau gsi. Uf de 1. Jänner 2013 isch Underbözberg in de noi gründete Gmeind Bözberg ufgange.[1]

Geographii[ändere | Quälltäxt bearbeite]

De Gmeindsbann het e Flächi vo 611 Hektare gha, dodervo sind 232 Hektare Wald und 59 Hektare überbaut. Di höchschti Stell isch uf 608 Meter, di tüfschti uf 420 Meter.

Gschicht[ändere | Quälltäxt bearbeite]

D Chile vo Bözberg z Kirchbözberg

S erschti Mol taucht Bozeberch in ere Urkund us em Johr 1189 uf. Im Mittelalter isch Underbözberg im Bsitz vo de Habsburger gsi und het zum Gricht Bözberg ghört. Derte hei d Habsburger di höchi Grichtsbarkeit gha. Ab em 1348 hei d Bsitzer vom Gricht immer mol wider gwächslet, wils verpfändet worde-n-isch. Ab em 1377 het s Dorf dann zu de Herrschaft Schänkebärg ghört. Im Johr 1460 hei d Bärner d Herrschaft Schänkebärg, eroberet. D Reformation isch, wi überall z Bärn, im 1528i iigführt worde. Im 1566i isch de Grichtsbezirk Bözberg teilt worde. Ober-, Underbözberg und Linn sind zämme im Gricht Bözberg blibe, de unteri Bezirk het sini Grichtsfäll ab do z Stilli verhandlet.
Im März 1798 sin d Franzose in d Schwiiz iimarschiirt u-n-hei di Helvetisch Republik usgruefe. Underbözberg isch en Teil vo de Gmeind Bözberg gsi und ghört sither zum Kanton Aargau. Im 1872 isch d Gmeind Bözberg in Under- und Oberbözberg teilt worde. Sit em 1. Januar 2013 sinds wider zäme i de Gmeind Bözberg.

Weblink[ändere | Quälltäxt bearbeite]

 Allmänd (Commons): Unterbözberg – Sammlig vo witere Multimediadateie

Fuessnote[ändere | Quälltäxt bearbeite]

  1. Linn, Gallenkirch, Ober- und Unterbözberg fusionieren zur Gemeinde Bözberg Aargauer Zytig, Artikel vom 11. März 2012, abgruefe am 2. Jänner 2013