D Baasler Safre-Zumft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E. E. Zunft zu Safran
Zwäck: Zumft
Vorsitz: Michael Geiger (Meister)
Gründigsdatum: vor 1372
Mitgliiderzaal: ~360
Sitz: Gärbergass 11, Baasel
Website: http://www.safranzunft.ch/
Dialäkt: Baseldütsch
Gärbergass 11, Sitz vo dr E. E. Zumft zu Safre

E. E. Zumft zu Safre isch en öffentlig-rächtligi Korporazioon vo dr Stadt Baasel und isch äini vo de vier Baasler Herrenzümft. Si isch scho immer e Sammelkorporazioon gsi, wo verschidnigi Bruefsständ verdräte het und au hüte no für alli Brufsständ offen isch.

Gschicht[ändere | Quälltäxt bearbeite]

D Safre-Zumft wird zum erste Mol 1372 erwäänt, aber si goot woorschinlig uf s 13. Joorhundert zrugg. Si isch as d Zumft vo de Gwürzhändler und Chröömer gründet worde, aber bald si au Drogiste und Apideeker ufgnoo worde, denn au d Händler mit Bauelle, Liinduech und Siide. Au d Huet- und Perüggemacher, d Cuafföör, d Juwelehändler und Silberchröömer, d Wissgärber, d Händschemacher, d Chnopfmacher, d Rotgiesser, Noodler und Spängler. Schliesslig häi au vili mit Brüef wo mit Pergamänt und Babbiir z due gha häi, zur Safre-Zumft ghöört.

S Zumfthuus[ändere | Quälltäxt bearbeite]

S erste Gsellschaftshuus isch am Imbergässli gsi, wil dört bsundrigs vil Händler und Chröömer gwoont häi. 1423 het d Zumft vom Root dr Ballhoof am Rindermäärt (Gärbergass 11) nid wit vom stedtische Kaufhuus kauft und dört e Gsellschaftshuus baut.[1] 1562 und 1578 isch s umbaut worde und het e nöiji Fassaade überchoo, wo men em Baumäister Daniel Heintz zueschribt. S Huus vo dr Safrezumft gältet as äins vo de Hauptwärk vo dr Rönessans in dr Schwiz.[2]

Litratuur[ändere | Quälltäxt bearbeite]

  • Paul Koelner: Die Safranzunft zu Basel und ihre Handwerke und Gewerbe, Basel 1935

Weblingg[ändere | Quälltäxt bearbeite]

 Commons: Gerbergasse 11, Basel – Sammlig vo Multimediadateie

Fuessnoote[ändere | Quälltäxt bearbeite]

  1. Geschichte der Zunft uf safranzunft.ch
  2. Geltenzunft Archivlink (Memento vom 6. Oktober 2013 im Internet Archive) uf basel-virtuel.ch


47.5572897.588263Koordinate 47° 33′ 26″ N, 7° 35′ 18″ O; CH1903: 611263 / 267408