Tom Pickett
| Dialäkt: Mìlhüüserdiitsch |
Dr Thomas Augustus „Tom“ Pickett (* 14. Àuigscht 1906 z’ Travis, Falls County, Texàs; † 7. Jüüni 1980 z’ Leesburg, Florida) ìsch a àmerikànischer Politiker gsìì. Vu 1945 bis 1952 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa un Kàrriar
[ändere | Quälltäxt bearbeite]Dr Tom Pickett ìsch ànna 1906 z’ Travis ìm Zäntrààl-Texàs uff d’ Walt kumma. Ànna 1913 hàt’r mìt siinera Fàmìlia-n-uff Palestine gwàndelt. Ar ìsch därt ìn d’ äffentliga Schtüala gànga un hàt vu 1924 bis 1928 àn dr Üniwärsitäät vum Texàs z’ Austin gschtudiart. Ar hàt Racht gschtudiart un ìsch ànna 1929 àls Rachtsànwàlt züagloo worra. Àls Ànwàlt hàt’r z’äärscht z’ Palestine gschàfft. Vu 1931 bis 1935 ìsch dr Pickett Schtààtsànwàlt ìm Anderson County gsìì. Vu 1935 hàt’r dàs Àmt ìm drìtta Grìchtsbezirk vum Texàs üssiawt. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi.
Àn da Kongrasswàhla vu 1944 ìsch dr Pickett ìm sìebta Wàhlbezirk vum Texàs ìns àmerikànischa Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 3. Janner 1945 àls Noohfolger vum Nat Patton gsassa. Ar ìsch dräimol wìedergwählt worra un ìsch bis züa siim Rucktrìtt àm 30. Jüüni 1952 ìm Kongrass blìewa. Wahrend siinera Zitt ìm Kongrass ìsch s’ And vum Zwaita Waltkriag un dr Ààfàng vum Kàlta Kriag gsìì, wia àui dr Ààfàng vu dr Bìrgerrachtsbeweegung ìn da Verainigta Schtààta.
Vu 1952 bis 1961 ìsch dr Pickett Vìzapresidànt vum Nàzionààla Koohlabund gsìì. Vu 1961 bis 1967 ìsch’r Vìzapresidànt vum Àmerikànischa Iisabàhnbund gsìì. Siina lätschta Laawesjoohra hàt dr Pickett àb 1968 z’ Leesburg ìm Bundesschtààt Florida verbrocht, wu-n-’r àm 7. Jüüni 1980 gschtoorwa-n-ìsch. Siina Laicha-n-ìsch zu Ascha gebrocht worra; d’ Urna befìndet sìch uff’m epischkopààla Kìrchoof vu St. James z’ Leesburg. Ànna 1938 hàt’r Louise Watson ghiiroota ghàà, mìt wäller’r zwai Teechter ghàà hàt. Ar ìsch Taifer gsìì, bis’r sìch àm And vu da Joohra 1950 àn dr Epischkopààlkìrìch ààgschlossa hàt.
Lìteràtüür
[ändere | Quälltäxt bearbeite]- Thomas Augustus “Tom” Pickett. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 120 (amerikanisches Englisch, google.fr [abgerufen am 4. August 2022]).
Weblìnks
[ändere | Quälltäxt bearbeite]- Tom Pickett im Biographical Directory of the United States Congress
- Tom Pickett in dr Datebank vu Find a Grave
