Jesse M. Combs

Us der alemannische Wikipedia, der freie Dialäkt-Enzyklopedy
Dialäkt: Mìlhüüserisch

Dr Jesse Martin Combs (* 7. Jüüli 1889 z’ Center, Shelby County, Texàs; † 21. Àuigscht 1953 z’ Beaumont, Texàs) ìsch a àmerikànischer Jurischt un Politiker gsìì. Vu 1945 bis 1953 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

sii Laawa un Kàrriar[ändere | Quälltäxt bearbeite]

Dr Jesse Martin Combs ìsch ànna 1889 z’ Center ìm Oschta vum Texàs uff d’ Walt kumma. Ar ìsch dr Suhn gsìì vum Frank un vu dr Mary Combs geboorena Becks. Wu-n-’r noch a klaina Büa gsìì-n-ìsch, sìnn siina Äältra gschtoorwa; uffgwàcksa-n-ìsch’r àlso bii siina Groossäältra müatterliigersitts. Ar ìsch ìn d’ äffentliga Schüala vu siinera Haimet gànga un hàt drnooh bis 1912 àm Schtààtliga Lehrer-Hoochschüal vum Südwäscht-Texàs gschtudiart —hìtt ìsch dàs d’ Schtààtsüniwärsitäät vum Texàs. Doo druff hàt’r Racht gschtudiart un ìsch ànna 1918 àls Rachtsànwàlt züagloo worra. Àls Ànwàlt hàt’r z’äärscht z’ Konutze gschàfft. Ìn da Joohra 1919 un 1920 ìsch’r Bezirksrìchter ìm Hardin County gsìì. Drnooh ìsch’r bis 1943 Rìchter àn verschìedena Grìchter ìm Texàs gsìì — drunter àb 1933 ìm Ziwiila Beriafungsgrìcht vum niinta Bezirk vum Texàs. Vu 1926 bis 1940 ìsch’r Küràtooriumsvorsìtzender vu da Schüala vu South Park gsìì; vu 1940 un 1944 hàt’r s’ saalwa-n-Àmt fìrs Lamar-Hoochschüal üüsiawt. Ìn Politik ìsch’r Mìtglìed ìn dr Demokrààtischa Pàrtäi gsìì.

Àn da Kongrasswàhla vu 1944 ìsch dr Combs ìm zwaita Wàhlbezirk vum Texàs ìns àmerikànischa Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 3. Janner 1945 gsìì. Ar ìsch dr Noohfolger vum Martin Dies Jr. gsìì. Ar ìsch dräimol wìedergwählt worra un ìsch àlso bis àm 3. Janner 1953 ìm Kongrass blìewa. Ar hàt zamma mìt’m texànischa Represantànt un Schpraacher vum Represantàntahüüs Sam Rayburn gschàfft un hàt d’ Politik vum US-Presidànt Harry Truman unterschtìtzt. Drzüa ìsch’r Mìtglìed ìm Üüssschuss fìr Mìttel un Waager gsìì; doo hàt’r Färdergalder vu dr Bundesregiarung fìr d’ Schtàndgiater-, Wàsserversorgung- un Ìndüschtriisektoora-n-unterschtìtzt. Ar ìsch àwwer geega d’ màssiiwa Sankung vum Kàpitàlärtrààgschtiir gsìì. Wu-n-’r Àbgoordnet’r gsìì-n-ìsch, sìnn s’ And vum Zwaita Waltkriag un dr Ààfàng vum Kàlta Kriag gsìì. Ànna 1952 hàt sìch dr Combs gsundhaitshàlwer nìt fìr a Wìederwàhl uffgschtällt. Àm 21. Àuigscht 1953 ìsch’r z’ Beaumont, ìm Süüdoschta vum Texàs, àn Lungakrabs gschtoorwa. Beardigt worra-n-ìsch’r uff’m Magnolia-Frìedhoof z’ Beaumont.

Dr Jesse Combs ìsch Taifer gsìì. Verhiirootet ìsch’r sitter 1911 mìt dr Katherine geboorena Alford gsìì. Zamma hann sa zwai Seehner ghàà, wo noh siim Tood noch àm Laawa gsìì sìnn.

Lìteràtüür[ändere | Quälltäxt bearbeite]

  • Robert Wooster: Combs, Jesse Martin. In: The Handbook of Texas Online. Texas State Historical Association (amerikanisches Englisch, tshaonline.org [abgerufen am 23. Mai 2022]).
  • Jan Onofrio (Hrsg.): Combs, Jesse Martin. Somerset, 2001, ISBN 978-0-403-09992-4, S. 135 (amerikanisches Englisch).
  • Jesse Martin Combs. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 44–45 (amerikanisches Englisch, google.fr [abgerufen am 23. Mai 2022]).

Weblìnks[ändere | Quälltäxt bearbeite]