Alexander W. Gregg
| Dialäkt: Mìlhüüserdiitsch |
Dr Alexander White Gregg (* 31. Janner 1855 z’ Centerville, Texàs; † 30. Àwrìl 1919 z’ Palestine, Texàs) ìsch a US-àmerikànischer Politiker gsìì. Vu 1903 bis 1919 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa un Kàrriar
[ändere | Quälltäxt bearbeite]Dr Alexander White Gregg ìsch ànna 1855 z’ Centerville ìm Oschta vum Bundesschtààt Texàs uff d’ Walt kumma. Ar ìsch dr Suhn gsìì vum James W. un dr Susan C. Gregg. Wahrem Bìrgerkriag ìsch sii Vàtter geteedet worra. Doo druff hàt d’ Müatter nochamol ghiiroota, un dr klaina Alexander hàt bii siinera Tànta ìm Mississippi glabt. Ar ìsch ìm Texàs ìn d’ äffentliga Schüala gànga, un drnooh bis 1874 ìns King College z’ Bistol ìm Tennessee, wu-n-’r a Schüalàbschluss bschtànda hàt. Ar hàt drnooh àn dr Üniwärsitäät vum Virginia z’ Charlottesville Racht gschtudiart un ìsch ànna 1878 àls Rachtsànwàlt züagloo worra. Àls Ànwàlt hàt’r z’äärscht z’ Palestine ìm Oschta vum Texàs gschàfft. Gliichzittlig hàt’r siina politischa Kàrriar ààgfànga, àls Mìtglìed vu dr Demokrààtischa Pàrtäi. Vu 1886 bis 1888 ìsch’r Mìtglìed ìm Senàt vum Texàs gsìì.
Àn da Kongrasswàhla vu 1902 ìsch dr Gregg ìm sìebta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 4. März 1903 àls Noohfolger vum Robert Lee Henry gsassa, wo-n-Àbgoordnet’r vum älfschta Dischtrikt worra-n-ìsch. Dr Gregg ìsch sìewa Mol wìedergwählt worra un ìsch àlso bis àm 3. März 1919 ìm Kongrass blìewa. Ìn dara Zitt ìsch dr Äärschta Waltkriag gsìì. Üüsserdam hann d’ Kongrassmìtglìeder ànna 1913 dr 16. un 17. Verfàssungszüasàtz ràtifiziart.
Àn da Kongrasswàhla vu 1918 hàt sìch dr Gregg nìt uffgschtällt. Numma-n-a pààr Wucha noh-n-em And vu siinera Àmtszitt ìm Kongrass ìsch’r àm 30. Àwrìl 1919 z’ Palestine gschtoorwa. Beardigt worra-n-ìsch’r uff’m East Hill-Schtàdtfrìedhoof z’ Palestine.
Dr Gregg hàt zwaimol ghiiroota ghàà. Mìt siinera äärschta Ehafràui May geboorena Bridges († 1885) hàt’r a Kìnd ghàà. Mìt siinera zwaita Fràui Mary geboorena Brooks hàt’r dräi wittera Kìnder ghàà.
Lìteràtüür
[ändere | Quälltäxt bearbeite]- Anne W. Hooker: Gregg, Alexander White. In: The Handbook of Texas. Texas State Historical Association, 1952 (amerikanisches Englisch, tshaonline.org [abgerufen am 30. Juli 2022]).
- Alexander White Gregg. In: Ben R. Guttery (Hrsg.): Representing Texas. Ben Guttery, 2007, ISBN 978-1-4196-7884-4, S. 72–73 (amerikanisches Englisch, google.fr [abgerufen am 30. Juli 2022]).
Weblìnks
[ändere | Quälltäxt bearbeite]
Commons: Alexander W. Gregg – Sammlig vo Multimediadateie- Alexander W. Gregg im Biographical Directory of the United States Congress
- dr Alexander W. Gregg bii dr Legislative Reference Library of Texas (anglisch)
- Alexander W. Gregg in dr Datebank vu Find a Grave
