Charles K. Bell

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Mìlhüüserisch
Dr Charles K. Bell.

Dr Charles Keith Bell (* 18. Àwrìl 1853 z’ Chattanooga, Tennessee; † 21. Àwrìl 1913 z’ Fort Worth, Texas) ìsch a àmerikànischer Jurischt un Politiker gsìì. Vu 1893 bis 1897 hàt’r dr Bundesschtààt Texas ìm Represantàntahüss vu da Verainigta Schtààta vertratta.

sii Laawa[ändere | Quälltäxt bearbeite]

Dr Charles Bell ìsch ànna 1853 z’ Chattanooga-n-ìm Bundesschtààt Tennessee-n-uff d’ Walt kumma. Ar ìsch dr Nöövö vum Politiker Reese Bowen Brabson gsìì.[1] Ar ìsch ìn d’ äffentliga Schüala vu siinera Haimet gànga, un schpeeter ìns Sewanee College. Ìm Joohr 1871 hàt’r uff Belton ìm Texas gwàndelt. Zwai Joohra schpeeter ìsch’r àwwer ìm Tennessee z’ruckkumma, fìr àn dr Üniwärsiteet vum Tennessee Racht schtudiara.[2] Ànna 1874 hàt ma-n-ìhn àls Rachtsànwàlt züaglooh. Àls Ànwàlt hàt’r z’äärscht z’ Hamilton gschàfft. Ànna 1876 ìsch’r Bezirksschtààtsànwàlt ìm Hamilton County worra. Dàs Àmt hàt’r nochamol vu 1880 bis 1882 üssiawt. Gliichzittlig hàt’r siina politischa Kàrriar ààgfànga, àls Mìtglìed vu dr Demokràtischa Pàrtäi. Ìm Jüüli 1894 ìsch’r Delegiarter gsìì-n-ìn dr Demokràtischa Nàzionàlversàmmlung z’ Chicago gsìì, wu dr Grover Cleveland zum äärschta Mol àls Kàndidàt fìr d’ Presidàntschàft ärnännt worra-n-ìsch. Vu 1884 bis 1888 ìsch dr Bell Mìtglìed vum texanischa Senàt fìr dr 23. Wàhlbezirk gsìì. Drzüa ìsch’r vu 1888 bis 1890 Rìchter ìm 29. Bezirk vum Texas gsìì.

Bii da Kongrasswàhla vu 1892 ìsch dr Bell ìm 8. Wàhlbezirk vu Texas àls àmerikànischer Represantànt gwählt worra. Do drbii hàt’r dr Popülischt Evan Jones so wia dr Repüblikàner C. C. Drake gschlààga. Ìm Kongrass ìsch’r àb’m 4. März 1893 gsassa, àls Noohfolger vum Littleton W. Moore. Ar ìsch ainmol wìdergwählt worra un ìsch àlso bis àm 3. März 1897 ìm Represantàntahüss blìewa. Àn dr Wàhl vu 1896 hàt’r nìt mìtgmàcht. Noh-n-em And vu siinera Àmtszitt ìsch dr Bell Ànwàlt z’ Fort Worth gsìì. Vu 1901 bis 1904 ìsch’r ìm Thomas Slater Smith sii Noohfolger àls Generàlschtààtsànwàlt vum Texas gsìì; drnooh hàt’r witter àls Rachtsànwàlt gschàfft. Ìm 1906 ìsch’r Kàndidàt fìrs Àmt vum Gouverneur gsìì, àwwer ìsch vum Thomas Mitchell Campbell gschlààga worra. Drnooh hàt’r s’ politischa Laawa fàralooh. Ànna 1913 ìsch’r z’ Forth Worth gschtoorwa. Beardigt hàt ma-n-ìhn ìn’ma fräimüürerischa Grààbschtai uff’m East Oakwood-Frìedhoof vu Fort Worth.

Ìm Joohr 1906 hàt dr Charles Bell d’ Florence Smith Bell vu Fort Worth ghiirota.[3] S’ Pààr hàt a Suhn ghàà.

Dr Bell ìsch Mìtglìed gsìì vu dr Epischkopàlkìrich vu da Verainigta Schtààta, so wia vu dr fräimüürerischa Orgànisàzioon Ancient, Free and Accepted Masons.

Lìteràtüür[ändere | Quälltäxt bearbeite]

  • Anne W. Hooker: Charles Keith Bell. In: Handbook of Texas Online. Texas State Historical Association, 5. Oktober 2020 (englisch, tshaonline.org [abgerufen am 20. September 2021]).
  • Charles Keith Bell. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 22 (englisch, google.fr [abgerufen am 20. September 2021]).
  • Patsy McDonald Spaw: The Texas Senate: Civil War to the eve of reform, 1861-1889. Texas A&M University Press, 1990, ISBN 978-0-89096-857-4, Nineteenth Legislature, 1885, S. 337 (englisch, google.fr [abgerufen am 20. September 2021]).
  • C. K. Bell. In: Personnel of the Texas State Government with Sketches of Distinguished Texans, Twentieth Legislature. L. E. Daniell, 1887, S. 63–64 (englisch, texas.gov [PDF; abgerufen am 20. September 2021]).
  • Hon. Charles K. Bell. In: M’Arthur & Wickes (Hrsg.): The Twenty-Seventh Legislature and State Administration of Texas. Ben C. Jones & Co. Printers, 1901, S. 24 (englisch).

Weblinks[ändere | Quälltäxt bearbeite]

Ainzelnohwiisa[ändere | Quälltäxt bearbeite]

  1. Brabson, Reese Bowen. In: American Political Leaders 1789-2009. SAGE Publicatins, 2009, ISBN 978-1-4522-6726-5, S. 90 (google.fr [abgerufen am 20. September 2021]).
  2. Charles Keith Bell. In: Üniwärsiteet vum Tennessee (Hrsg.): The University of Tennessee Record. Nr. 4, 1898, S. 176 (englisch, google.fr [abgerufen am 20. September 2021]).
  3. Daughters of the American Revolution: Mrs. Florence Smith Bell. In: Lineage Book. Band 151. The Society, 1936, S. 150435 (englisch, google.fr [abgerufen am 20. September 2021]).