Gordon J. Russell

Dialäkt: Mìlhüüserdiitsch

Dr Gordon James Russell (* 22. Dezamber 1859 z’ Huntsville, Alabama; † 14. Septamber 1919 z’ Kerville, Texas) ìsch a àmerikànischer Jurischt un Politiker gsìì. Vu 1902 bis 1910 hàt’r dr Bundesstààt Texas vertratta ìm Represantàntahüss vu da Verainigta Schtààta.

si Lawa un sina Kàrriar

Dr Gordon Russell ìsch ìn sinera Haimet ìn d’ äffentliga Schüala gànga, so wia ìns Sam Bailey Institute z’ Griffin (Georgia) un d’ Crawford High School (àui ìm Georgia). Dernoh hàt’r bis 1877 àn dr Ünivärsitet vu Georgia z’ Athens gschtudiart. Ìn dr Zwìschazitt ìsch’r z’ Dalton Lehrer gsìì. Ar hàt schpeeter Racht gstudiart un ìsch ànna 1878 àls Rachtsànwàlt züagloh worra. Àls Ànwàlt hàt’r z’äärscht z’ Dalton gschàfft. Ànna 1879 hàt’r ìn Texas gwàndelt; àb 1884 hàt’r ìm texanischa Van Zandt County glabt. Ìm Johr 1890 ìsch’r Beziarksrìchter worra, numma fìr a kurza Zitt. Vu 1892 bis 1896 ìsch’r Schtààtsànwàlt gsìì ìm 7. Grìchtsbeziark vum Texas. Därt ìsch’r àui Rìchter gsìì, bis ànna 1902.

Ìn Politik ìsch dr Russell Mìtglìed vu dr Demokràtischa Pàrtäi gsìì. Nohdam àss dr Àbgordneta Reese C. De Graffenreid gschtorwa ìsch, hàt a Nàchwàhl schtàttgfunda ìm drìtta Wàhlbeziark vu Texas. Doo ìsch dr Russell gwählt worra un ìsch ìm Kongress àb em 4. Novamber 1902 gsassa. Ar ìsch viar Mol wìdergwählt worra un ìsch ìm Kongress bis àm 14. Juni 1910 blìewa. Noh-n-em And vu sinera Àmtszitt ìsch’r àls Rìchter ìm Bundesgrìchtsbeziark vum Oscht-Texas ernannt worra un hàt dàs Àmt bis züa sim Tod üssiawt. Gstorwa ìsch’r àn’ra Üsszehrung àm 14. Septamber 1919.

Literàtür

• Gerald F. Kozlowski: Russell, James Gordon. In: Handbook of Texas Online. Texas State Historical Association (englisch, tshaonline.org [abgerufen am 14. Februar 2021]). 

Weblinks

• Gordon J. Russell im Biographical Directory of the United States Congress
• Dr Gordon J. Russell im Biographical Directory of Federal Judges (änglisch)
• Dr Gordon J. Russell bi OpenJurist (änglisch)

• Gordon J. Russell in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „Gordon_J._Russell“ vu de ditsche Wikipedia. E Liste vu de Autore un Versione isch do z finde.