Jim Chapman

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Owerelsassisch
Dr Jim Chapman ànna 1995.

Dr James Louis Chapman (* 8. März 1945 z’ Washington, D.C.) ìsch a àmerikànischer Jurischt un Politiker vu dr Demokràtischa Pàrtäi. Vu 1985 bis 1997 hàt’r dr Bundesstààt Texas vertratta ìm Repräsantàntahüss vu da Verainigta Stààta. Ar ìsch bass’r bekànnt unt’r sim Ewernàmma Jim Chapman.

si Lawa[ändere | Quälltäxt bearbeite]

Dr Chapman ìsch ànna 1945 ìn dr àmerikànischa Bundeshàuiptschtàdt Washington, D.C. uf d’ Walt kumma. Bis 1963 ìsch’r ìn d’ Sekundàrschüal vu Sulphur Springs ìm Texas gànga. Ar hàt z'äärscht d’ Betriibsverwàltung gschtudiart àn dr Ünivärsitet vu Texas z’ Austin, bis 1968. Dernoh hàt’r s’ Racht gschtudiart àn dr Southern Methodist University z’ Dallas. Ànna 1970 hàt ma-n-ìhn àls Rachtsànwàlt züagloh. Ar hàt àlso ààgfànga, àls Ànwàlt z’ schàffa. Vu 1976 bis 1985 ìsch’r Stààtsànwàlt gsìì ìm àchta Gerìchtsbeziark vu Texas. Ar hàt schpeeter si aigana Ànwàltbüro grìnda. Ar ìsch àui dr Vorsìtzenda gsìì vun’ra lokàla Bànk. Glichzittlig hàt’r sina politischa Kàrriar ààgfànga, àls Mìtglìed vu dr Demokràtischa Pàrtäi.

Nohdam àss dr Àbgordneta Sam B. Hall vu Texas z’rucktratta ìsch, ìsch dr Chapman àls si Nohfolger gwählt worra. Ar hàt dr repüblikànischa Kàndidàt Edd Hargett gschlààga, numma mìt äbb 1900 Schtìmma mehr.[1][2] Ar ìsch àlso àb em 3. Àuigscht 1985 Àbgordneter gsìì, vum ärschta Wàhlbeziark vu Texas. Ma hàt ìhn fìmfa Mol wìdergwählt, àlso ìsch’r bis àm 3. Janner 1997 ìm Kongress gblìewa. Ar ìsch Mìtglìed gsìì vum Bewìlligungsüssschuss, vum Üssschuss fìr d’ Wìssaschàft un d’ Ràuimfàhrt, vum Üssschuss fìr d’ äffentliga Bàuiàrweta un dr Verkehr, so wia vum Üssschuss fìr d’ klaia Betriiwer. Ar ìsch àui ìm demokràtischa Üssschuss fìr d’ Fiarung un d’ Stràtegi gsìì. Ar ìsch Vorsìtzender gsìì vu dr demokràtischa Delegàtion vu Texas ìm Kongress, un àui Mitglied vu dr Orgànisàzion vu da demokràtischa Whips. Ànna 1996 hàt’r sìch nìt fìr a Wìderwàhl ufgschtällt. Schtàttdässa hàt’r sìch fìr a Nominiarung vu sinera Pàrtäi fìr dr Senàt ufgschtällt, ärfolgloos.

Noh-n-em And vu sinera Àmtszitt ìm Kongress hàt dr Chapman àls Ànwàlt gschàfft z’ Washington, D.C. un z’ Austin.

Dr Jim Chapman Lake, ìm Oschta vum Texas, ìsch noh-n-ìhm bnännt.[3]

Weblinks[ändere | Quälltäxt bearbeite]

Ainzelnohwiisa[ändere | Quälltäxt bearbeite]

  1. Michael Barone, Grant Ujifusa: The Almanac of American Politics 1988. In: National Journal. 1987, S. 1138 (englisch).
  2. TX District 1 - Special Election Runoff. In: Our Campaigns. Abgruefen am 24. April 2021 (änglisch).
  3. Laurie E. Jasinski: Cooper Lake. In: Handbook of Texas Online. Texas State Historical Association (englisch, tshaonline.org [abgerufen am 24. April 2021]).