Albert Thomas (Politiker, 1898)

Us der alemannische Wikipedia, der freie Dialäkt-Enzyklopedy
Dialäkt: Mìlhüüserisch
Dr Albert Richard Thomas.

Dr Albert Richard Thomas (* 12. Àwrìl 1898 z’ Nacogdoches, Texas; † 15. Hornung 1966 z’ Washington, D.C.) ìsch a àmerikànischer Jurischt un Politiker vu dr Demokràtischa Pàrtäi gsìì. Vu 1937 bis 1966 hàt’r dr Bundesschtààt Texas ìm Represantàntahüss vu da Verainigta Schtààta vertratta. Ar ìsch a enger Kolleeg vum Presidànt Lyndon B. Johnson gsìì un hàt sìch fìr dr Uffbàui vum Lyndon B. Johnson-Ràuimfàhrtzäntrum z’ Houston iigsätzt.

sii Laawa un Kàrriar[ändere | Quälltäxt bearbeite]

Dr Albert Richard Thomas ìsch àm 12. Àwrìl 1898 z’ Nacogdoches ìm Oschta vum Texas, uff d’ Walt kumma, àls Suhn vu dr Lonnie geborena Langston un vum James Thomas. Ar ìsch ìn d’ äffentliga Schüala vu siinera Haimetschtàdt gànga un hàt ìm Gschaft vu siim Vàtter gschàfft. Drzüa ìsch’r wahrem Äärschta Waltkriag Unterlöitnànt vu dr àmerikànischa Àrmee gsìì. Dernooh hàt’r ànna 1920 a Schüalàbschlìss vum Rice-Ìnschtitüt un hàt àn dr Rachtschüal vu dr Üniwärsiteet vum Texas witter gschtudiart. Ànna 1927 àls Rachtsànwàlt züaglooh worra. Ar ìsch Rachtsànwàlt z’ Nacogdoches, so wia Bezirksschtààtsànwàlt vum Nacogdoches County gsìì, vor äbb’r ànna 1930 uff Houston gwàndelt hàt. Doo ìsch’r bis 1936 schtällvertattender Ànwàlt vu da Verainigta Schtààta fìr dr süüdliga Bezirk vum Texas gsìì. Ìm Joohr 1922 hàt’r d’ Lera Millard ghiirootet ghàà.

Bii dr Kongrasswàhl vu 1936 hàt dr langjahriga Represantànt Joe H. Eagle nìt mìtgmàcht. Schtàttdässa ìsch’r Kàndidàt àn dr Senàtwàhl gsìì. Dr Thomas ìsch àlso vu dr Demokràtischa Pàrtäi àls Kàndidàt fìrs Represantàntahüss ìm 8. Wàhlbezirk vum Texas ärnännt worra. Bii dara-n-Urwàhl hàt’r dr Bìrgermaischter vu Houston Oscar F. Holcombe wohl güat gschlààga. Ìn dara Zitt hàt Houston, d’ greeschta Schtàdt vum Texas, zem 8. Wàhlbezirk gheert.

Ìm Kongrass ìsch dr Thomas a Schìtzlìng vum texanischa Senàtoor Lyon B. Johnson gsìì, wo schpeeter Presidànt vu da Verainigta Schtààta worra-n-ìsch. Trotzdam hàt dr Thomas konsärvàtiva Mainunga biigschtìmmt; ar ìsch a klàssischer Demokràt vu da Südschtààta gsìì. Ìm Joohr 1949 ìsch’r Vorsìtzender vum Unterüssschuss um d’ Feerdermìttel fìr d’ unabhangiga Amt worra. Züadam ìsch’r Mìtglìed vum Unterüssschuss um d’ Feerdermìttel vu dr Vertaidigung un ìsch doo Vorsìtzender worra. Àn dara Schtälla hàt’r mehrera Projakter ìm Texas unterschtìtzt, drunter ìm Johnson sii Militäärflugplàtz vu Corpus Christi. Ar ìsch àui Mìtglìed vum Gmainsàma-n-Üssschuss um d’ Àtoomkràft gsìì un hàt àlles gmàcht, fìr àss ma s’ Bemànnta Ràuimschìffzäntrum vu dr NASA (schpeeter s’ Lyndon B. Johnson-Ràuimfàhrtzäntrum) z’ Houston bàuit. Drzüa ìsch’r Mìtglìed vum gmainsàma-n-Üssschuss um d’ texanischa Delegàzioon vum Represantàntahüss gsìì.

Dr Thomas ìsch àui ìm Suite 8F Group gsìì, era Grupp vun iiflussriicha Gschaftsmann. Sii ehamààliger Zìmmerkàmrààd George R. Brown ìsch eewafàlls ìn dara Grupp gsìì.[1] Ìm Brown siina Gsällschàft Brown and Root hàt ìn dr Rice-Üniwärsiteet dr Làndschtìck gaa, wo ma s’ Johnson Space Center bàuia hàt.

Wia d’ Mehrhait vu dr texanischa Delegàzioon ìm Represantàntahüss hàt dr Thomas s’ Süüdliga Mànifescht vu 1956 nìt unterzaichnet, wo d’ Uffheebung vu dr Ràssatrännung ìn da äffentliga Schüala gwaigert hàt. Drzüa hàt dr Thomas gega d’ Bìrgerrachtgsätzer vu 1957 un vu 1960 gschtìmmt,[2][3] àwwer hàt dr 24. Verfàssungszüasàtz biigschtìmmt.[4] Bii dr Wàhlrachtgsätz vu 1965 hàt’r kää Mainung gaa.[5]

Dr Albert Thomas (hìnter, Zwaiter vu lìnks) biim Aid vum Presidànt Lyndon B. Johnson ìm Fliager Air Force One noh-n-em Ààschlààg uff dr John F. Kennedy-n-ìm Nowamber 1963.

Ànna 1963 hàt z’äärscht dr Thomas gsundhaitshàlwer àn dr Kongrasswàhl fìr a fìmfzehnta Àmtszitt nìt wälla mìtmàcha. Àlso han ainiga Demokràta-n-a Owaassa orgànisiart, fìr ìhn ìwwerziiga, nochamol Kàndidàt z’ sìì. Àn dam Assa han dr Presidànt Kennedy un dr Vìzapresidànt Johnson mìtgmàcht, wo-n-ìm Thomas siina Fiahrerschàft gloowt han. Ìm Nowamber 1963 ìsch dr Thomas mìt dr US-Presidànt un siinera Trupp uff Dallas gànga, wu-n-àm nachschta Tààg dr Kennedy ärmoordert worra-n-ìsch. Ar ìsch àlso biim Aid vum Presidànt Lyndon B. Johnson ìm Fliager Air Force One drbii gsìì.[6] Ar ìsch uff’m Cecil W. Stoughton sim brìahmta Foto vum Johnson sim Aid hìnter’m Presidànt z’ sah.[7] Ìm Joohr 1964 ìsch dr Thomas àls Vorsìtzender vu dr Demokràtischa Fràkzioonsversàmmlung vum Represantàntahüss ärnännt worra.

Dr Thomas ìsch dr älfschta dianschtältschta US-Represantànt gsìì, wu-n-’r àm 15. Hornung 1966 ìm Àlter vu 67 Joohra gschtoorwa-n-ìsch.[8] Ìhn hàt ma-n-uff’m Nàzionàlfrìedhoof vu Houston beardigt. Noh siim Tood hàt dr Presidant Johnson ìn’ra Mìttailung dr Thomas geehrt.[9] Bii-n-’ra Nàchwàhl ìsch ìm Thomas siina Ehafràui Lera Millard Thomas gwählt worra, fìr sii Àmtszitt witter màcha. Do drbii ìsch d’ Thomas d’ äärschta Fràui worra, wo s’ Texas ìm Represantàntahüss vertratta hàt. Ìm Harbscht 1967 ìsch s’ Albert Thomas-Versàmmlungs- un Üssschtällungszäntrum ìm Schtàdtzäntrum vu Houston bàuia un noh-n-ìhm bnännt worra. Sitter da 1990. Joohra ìsch ’s dr Bayou Place worra.

Ainiga vun ìm Thomas siina Reeda-n-ìm Kongrass hàt ma-n-ìn’ma Büach veräffentligt.[10]

Dr Thomas ìsch Mìtglìed vun’ra methodischta Kìrich gsìì.

Lìteràtüür[ändere | Quälltäxt bearbeite]

Weblinks[ändere | Quälltäxt bearbeite]

 Commons: Albert Richard Thomas – Sammlig vo Multimediadateie

Ainzelnohwiisa[ändere | Quälltäxt bearbeite]

  1. Eric Berger: A worthy endeavor: How Albert Thomas won Houston NASA's flagship center. In: Houston Chronicle. 14. September 2013, archiviert vom Original am 16. September 2013; abgruefen am 7. August 2015 (änglisch).
  2. HR 6127. Civil Rights Act Of 1957. In: GovTrack. Abgruefen am 23. September 2021 (änglisch).
  3. HR 8601. Passage. In: GovTrack. Abgruefen am 23. September 2021 (änglisch).
  4. S.J. Res. 29. Constitutional Amendment To Ban The Use Of Poll Tax As A Requirement For Voting In Federal Elections. In: GovTrack. Abgruefen am 23. September 2021 (änglisch).
  5. To Pass H.R. 6400, The 1965 Voting Rights Act. Abgruefen am 23. September 2021 (änglisch).
  6. Jack Valentin: “The President Is Dead, You Know”. In: Texas Monthly. Juni 2007, abgruefen am 23. September 2021 (änglisch).
  7. Michael L. Gillette: Memories of a Tragedy. In: Humanities Texas. November 2013, archiviert vom Original am 24. Januar 2021; abgruefen am 23. September 2021 (änglisch).
  8. Rep. Albert Thomas Dies at 67; Texan a Quiet Power in Capitol; Headed Subcommittee That Oversaw Independent Agencies' Funds. In: The New York Times. 16. Februar 1966, S. 43 (englisch, nytimes.com [abgerufen am 23. September 2021]).
  9. Statement by the President on the Death of Representative Albert Thomas of Texas. In: The American Presidency Project. Üniwärsiteet vu Kàlifornià z’ Santa Barbara, abgruefen am 23. September 2021 (änglisch).
  10. Albert Thomas, Late a Representative From Texas: Memorial Addresses Delivered in Congress. 1. Januar 1966 (englisch).