John Levi Sheppard
| Dialäkt: Mìlhüüserisch |
Dr John Levi Sheppard (* 13. Àwrìl 1852 z’ Bluffton, Chambers County, Alabama; † 11. Oktoower 1902 z’ Texarkana, Texas) ìsch a àmerikànischer Jurischt un Politiker vu dr Demokràtischa Pàrtäi gsìì. Vu 1899 bis 1902 hàt’r dr Bundesschtààt Texas ìm Represantàntahüss vu da Verainigta Schtààta vertratta.
sii Laawa un Kàrriar
[ändere | Quälltäxt bearbeite]Dr John Levi Sheppard ìsch ànna 1852 z’ Bluffton ìm Oschta vun Alabama-n-uff d’ Walt kumma. Nohdam àss sii Vàtter gschtoorwa-n-ìsch, ìsch’r ìn siinera Kìndhait mìt siinera Müatter ìns Morris County ìm Nordoschta vum Texas gwàndelt, wu-n-’r ìn d’ äffentliga Schüala gànga-n-ìsch. Doo hàt àui sii Groossvàtter müatterliigersitts glabt. Drnooh hàt dr Sheppard Racht gschtudiart un ìsch ànna 1879 àls Rachtsànwàlt züaglooh worra. Wahrend siina Schtudia hàt’r a Wààrahüss bwìrtschàftet. Àls Ànwàlt hàt’r z’äärscht z’ Daingerfield gschàfft, wu-n-’r ànna 1880 a Ànwàltsbüroo grìnda hàt.
Dr Sheppard ìsch vu 1882 bis 1888 Bezirksschtààtsànwàlt ìm fìmfta Grìchtsbezirk vum Texas gsìì, un vu 1888 bis 1896 ìsch’r Bezirksrìchter gsìì. Gliichzittlig hàt’r àls Mìtglìed vu dr Demokràtischa Pàrtäi siina politischa Kàrriar ààgfànga. Ànna 1892 ìsch’r zittwìlliger Vorsìtzender vu dr Demokràtischa Nàzionààlversàmmlung gsìì, un ar ìsch vum Jim Hogg àls Biigoordneter àn dr Bimetàllischta Versàmmlung vu 1893 ärnännt worra. Ìm Joohr 1896 ìsch’r nochamol Biigordneter àn dr Demokràtischa Nàzionààlversàmmlung gsìì.
Bii da Kongrasswàhla vu 1898 hàt ma dr Sheppard ìm viarta Wàhlbezirk vum Texas ìns àmerikànischa Repräsantàntahüss gwählt, wu-n-’r àb’m 4. März 1899 dr Noohfolger vum John W. Cranford gsìì-n-ìsch, wo-n-àm vordriga Tààg gschtoorwa gsìì-n-ìsch. Dr Sheppard ìsch ainmol wìdergwählt worra un ìsch àlso bis züa siim Tood àm 11. Oktoower 1902 ìm Kongrass blìewa —noh dr Umschtällung vor dr Wàhl vu 1902 ìsch dr viarta texanischa Wàhlbezirk dr äärschta Bezirk worra gsìì. Noh-n-em Tood vum Sheppard ìsch sii Suhn Morris àls sii Noohfolger gwählt worra, un ìsch schpeeter US-Senàtoor worra.
Gschtoorwa-n-ìsch dr John Levi Sheppard ìm Àlter vu 50 Joohra àn’ra Niarakrànkhait z’ Texarkana, àn dr Granz mìt’m Arkansas. Beardigt worra-n-ìsch’r uff’m Rose Hill-Frìedhoof vu Texarkana. Dr Sheppard hàt ànna 1873 d’ Margaret Alice Eddins ghiiroota ghàà un hàt mìt ìhr sewana Kìnder ghàà. Ar ìsch dr Urgroossvàtter vum Senàtoor Connie Mack III un vu da Rìchter Richard S. Arnold un Morris S. Arnold gsìì, so wia dr Ur-Urgroossvàtter vum Kongrassàbgoordneter Connie Mack IV.
Lìteràtüür
[ändere | Quälltäxt bearbeite]- Cecil Harper, Jr.: Sheppard, John Levi. In: Handbook of Texas Online. Texas State Historical Association, 1952 (englisch, tshaonline.org [abgerufen am 8. Oktober 2021]).
- John Levi Sheppard. In: Ben R. Guttery (Hrsg.): Representing Texas. CreateSpace Independent Publishing Platform, ISBN 978-1-4196-7884-4, S. 137–138 (englisch, google.fr [abgerufen am 8. Oktober 2021]).
Weblinks
[ändere | Quälltäxt bearbeite]- John Levi Sheppard im Biographical Directory of the United States Congress
- John Levi Sheppard in dr Datebank vu Find a Grave
