Nat Patton
| Dialäkt: Mìlhüüserdiitsch |
Dr Nat Patton (* 26. Hornung 1881 bii Tadmor, Houston County, Texàs; † 27. Jüüli 1957 z’ Crockett, Texàs) ìsch a àmerikànischer Politiker gsìì. Vu 1935 bis 1945 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa un Kàrriar[ändere | Quälltäxt bearbeite]
Uff d’ Walt kumma-n-ìsch dr Nat Patton ànna 1881 uff’ma Büürahoof bii Tadmor ìm Houston County ìm Oschta vum Bundesschtààt Texàs. Ar ìsch s’ drìtta vu da àchtzeh Kìnder vum Francis Marion un dr Elizabeth Patton. Mìt siinera Fàmìlia hàt’r ànna 1886 ìns Brown County gwàndelt, àwwer ìsch ànna 1889 ìm Houston County z’ruckkumma. Ar ìsch ìn d’ äffentliga Schüala vu siinera Haimet gànga, un schpeeter ìn d’ Sam Houston-Normààlschüal z’ Huntsville. Vu 1899 bis 1918 ìsch’r ìn mehrera Schüala-n-àls Lehrer taatig gsìì. Ànna 1915 un 1916 hàt’r àui ìm Houston County àls Làndwìrt gschàfft. Gliichzittlig hàt’r siina politischa Kàrriar ààgfànga, àls Mìglìed vu dr Demokrààtischa Pàrtäi. Vu 1912 bis 1913 ìsch’r Àbgoordnet’r ìm Represantàntahüüs vum Texàs gsìì. Ar hàt drnooh àn dr Üniwärsitäät vum Texàs z’ Austin Racht gschtudiart un ìsch ànna 1918 àls Rachtsànwàlt züagloo worra. Àls Ànwàlt hàt’r z’äärscht z’ Crockett gschàfft. Vu 1918 bis 1922 ìsch’r Bezirksrìchter ìm Houston County gsìì. Ìn da Joohra 1924 un 1935 ìsch’r Delegiart’r uff da jewiiliga regionààla demokrààtischa Pàrtäitaag ìm Texàs gsìì. Vu 1929 bis 1934 ìsch’r drzüa Mìtglìed ìm Senàt vum Texàs gsìì.
Àn da Kongrasswàhla vu 1934 ìsch dr Patton ìm sìebta Wàhlbezirk vum Texàs ìns àmerikànischa Represantàntahüüs gwählt worra. Ìm Hüüs z’ Washington, D.C.-n-ìsch’r àb’m 3. Janner 1935 àls Noohfolger vum Clark W. Thompson gsassa. Ar ìsch viarmol wìedergwählt worra un ìsch àlso bis àm 3. Janner 1945 ìm Kongrass blìewa. Wahrend siinera Zitt ìm Kongrass hàt maa d’ maischta vu da „New Deal“-Gsatzer vu dr Bundesregiarung unter’m Presidànt Franklin D. Roosevelt biigschtìmmt. Sitter 1941 ìsch àui d’ Àrwet vum Kongrass vu da Ärraignissa vum Zwaita Waltkriag präägt gsìì.
Ànna 1944 ìsch dr Patton vu siinera Pàrtäi nìmm fìr a Wìederwàhl nominiart worra. Noh-n-em And vu siinera Àmtszitt ìm US-Represantàntahüüs hàt’r wìeder àls Ànwàlt gschàfft. Ar ìsch àm 27. Jüüli 1957 z’ Crockett gschtoorwa, wu-n-’r àui beardigt worra-n-ìsch.
Dr Nat Patton hàt ànna 1907 d’ Mattie Taylor ghiiroota ghàà, mìt wäller’r viar Kìnder ghàà hàt. Ar ìsch Methodischt un Mìtglìed ìn dr Epischkopààlkìrìch gsìì, un ìsch drzüa Fräimüürer un Mìtglìed ìm Ghaimbund Knights of Pythias gsìì.
Lìteràtüür[ändere | Quälltäxt bearbeite]
- Scott Thormaehlen: Representative Nat Patton. In: East Texas History. Sam Houston-Schtààtsüniwärsitäät (amerikanisches Englisch, easttexashistory.org [abgerufen am 4. August 2022]).
- Nat Patton. In: Representing Texas. CreateSpace Independent Publishing Platform, 2007, ISBN 978-1-4196-7884-4, S. 118–119 (amerikanisches Englisch, google.fr [abgerufen am 4. August 2022]).
Weblìnks[ändere | Quälltäxt bearbeite]
- Nat Patton im Biographical Directory of the United States Congress
- dr Nat Patton bii dr Legislative Reference Library of Texas (anglisch)
- Nat Patton in dr Datebank vu Find a Grave
