David Spangler Kaufman
| Dialäkt: Mìlhüüserdiitsch |
.jpg)
Dr David Spangler Kaufman (* 18. Dezamber 1813 z’ Boiling Springs, Pennsylvania; † 31. Janner 1851 z’ Washington, D.C.) ìsch a àmerikànischer Rachtsànwàlt, Politiker un Diplomàt gsìì. Ar ìsch vu 1838 bis 1845 Mìtglìed vum Parlament vu dr Republik Texas gsìì, un dernoh Mìtglìed vum Repräsantàntahüs vun da Verainigta Stààta fìr s’ Texas vu 1846 bis 1851.
si Lawa un sina Kàrriar
[ändere | Quälltäxt bearbeite]Dr David Spangler Kaufman ìsch ànna 1813 ìn’ra ditscha Fàmìlia uf d’ Walt kumma. Sina Ältra sìn d’ Mary Spangler un dr Abraham Landis Kaufman gsìì. Si Ürgrossvàter ìsch mennonitischer Pfàrrer gsìì. Dr David Kaufman hàt bis 1833 d’ klàssischa Literàtür àm College of New Jersey gschtudiart. Nochhar hàt’r z’ Natchez (Mississippi) Racht gschtudiart unter em Professor John A. Quitman. Do ìsch’r àls Rachtsànwàlt züagloo worra. Àls Ànwàlt hàt’r z’äärscht z’ Natchitoches ìm Louisiana gschàfft, un dernoh àb 1837 z’ Nacogdoches ìn dr Republik Texas. Do hàt ar ìm Texanischa Indiànerkriag àn Kàmpfa gega d Cherokee-Indiàner tailgnumma. Bi dr Schlàcht vu Netches ànna 1839 ìsch’r verlätzt worra.
Vu 1938 bis 1943 ìsch dr Spangler Mìtglìed vum Repräsantàntahüs vu dr Republik Texas gsìì fìrs Nacogdoches County. Dernoh hàt’r vum Dezamber 1843 bis ìm Juni 1845 d’ Kàntona Shelby, Sabine un Harrison ìm Senàt vum Texas vertratta. Ìm Hornung 1845 ìsch’r ernannt worra àls Gschäftsträger vum Texas ìn da Verainigta Schtààta. Nohdam àss s’ Texas ànna 1845 a US-Bundesschtààt worra ìsch, ìsch dr Spangler US-Represantànt gsìì fìr dr 1. Wàhlbezirk vum Texas gsìì. Dàs Àmt hàt’r üssiawt vum 30. März 1846 bis züa sim Tod àm 31. Janner 1851. Ìm 31. Kongress ìsch ar Vorsìtzender gsìì vum Vorschtànd fìr d’ Vorschrìfta. Ar ìsch Mìtglìed gsìì vu dr Demokràtischa Partei.
Üsserdam ìsch dr David Spangler Fräimürer gsìì un Mìtglìed vun The Philosophical Society of Texas.
Dr Spangler ìsch àm 31. Janner 1851 z Washington, D.C. àn’ma Harzàfàll gstorwa.[1] Ma hàt ìhn z’äärscht uf em Congressional Cemetery z’ Washington, D.C. beardigt, àwer sina Laichnàhm ìsch ànna 1932 uf d’ Texas State Cemetery in Austin versetzt worra.
S’ Kaufman County ìm Texas un sina Hàuiptstàdt Kaufman sinn noh-n-ìhm bnännt.
Externa Links
[ändere | Quälltäxt bearbeite]- Natalie Ornish: David Spangler Kaufman. In: Handbook of Texas Online. Abgruefen am 25. November 2020 (änglisch).
- David Spangler Kaufman im Biographical Directory of the United States Congress
- David Spangler Kaufman in dr Datebank vu Find a Grave
Ainzelnohwiisa
[ändere | Quälltäxt bearbeite]- ↑ Ben R. Guttery: Representing Texas: A Comprehensive History of U.S. and Confederate Senators and Representatives from Texas. BookSurge Publishing, 2008, ISBN 978-1-4196-7884-4, S. 93 (englisch).
