Robert Quincy Lee
| Dialäkt: Mìlhüüserisch |
Dr Robert Quincy Lee (* 12. Janner 1869 bii Coldwater, Tate County, Mississippi; † 18. Àwrìl 1930 z’ Washington, D.C.) ìsch a àmerikànischer Politiker gsìì. Ìn da Joohra 1929 un 1930 hàt’r Bundesschtààt Texas ìm Represantàntahüss vu da Verainigta Schtààta vertratta.
sii Laawa
[ändere | Quälltäxt bearbeite]Dr Robert Quincy Lee-n-ìsch ànna 1869 ìm Tate County-n-ìm Bundesschtààt Mississippi-n-uff d’ Walt kumma. Ar ìsch z’äärscht ìn d’ äffentliga Schüala vu siinera Haimet gànga. Ìm Joohr 1891 hàt’r mìt siim Vàtter uff Caddo-n-ìm Texas gwàndelt. Ar ìsch ìn d’ äffentliga Schüala vu Fort Worth gànga un hàt a Schüalàbschluss vu dr Sekundàrschüal vu Fort Worth bikumma. Drnooh hàt’r z’ Caddo a Wààrahüss glaita, un ìsch àui doo Vìehzìchter gsìì. Drzüa hàt’r fìr a kurza Zitt s’ Poschtàmt vu Caddo glaita. Àb 1913 hàt’r z Cisco glabt, wu-n-’r Büüraräija bwìrtschàftet hàt un glichzittlig vu 1915 bis 1930 Presidànt vum Cisco Banking Company gsìì-n-ìsch. Ànna 1919 hàt’r d’ Cisco & Northeastern Railroad Co. grìnda un ìsch vu 1919 bis 1927 Presidànt vu dara Gsällschàft gsìì. Ìn da Joohra 1926 un 1927 ìsch’r Presidànt vum Hàndelskàmmer vum Wäschttexas gsìì. Züadam ìsch’r Mìtglìed vum Schüalroot vu Cisco gsìì.
Ìn Politik ìsch dr Lee Mìtglìed vu dr Demokràtischa Pàrtäi gsìì. Bii da Kongrasswàhla vu 1928 hàt ma-n-ìhn ìm 17. Wàhlbezirk vum Texas àls US-Represantànt gwählt. Ìm Kongrass ìsch’r àb’m 4. März 1929 àls ìm Thomas L. Blanton sii Noohfolger gsassa. Doo ìsch’r Mìtglìed vum Üssschuss vu da Ranta gsìì. Sii Àmt hàt’r bis züa siim Tood àm 18. Àwrìl 1930 üssiawt. Drnooh ìsch sii Vorganger Blanton nochamol gwählt worra. Dr Robert Lee hàt ma uff’m Oakwood Cemetery z’ Cisco beardigt.
Ànna 1895 hàt dr Lee d’ Ada Magdeline Cook ghiiroota, wu-n-ìm Joohr 1875 uf d’ Walt kumma-n-ìsch. Mìt ìhr hàt’r zwai Kìnder ghàà. Nohdam àss sa-n-ànna 1902 gschtoorwa-n-ìsch, hàt dr Robert d’ Clara Edna Lee (geborena Lee, 1883–1933) ghiiroota. Dr Lee hàt mìndeschtens zwai Teechter un dräi Seehn ghàà, wo noch noh siim Tood glabt han.
Lìteràtüür
[ändere | Quälltäxt bearbeite]- Kongrass vu da Verainigta Schtààta: Robert Q. Lee, Late a Representative. US Government Printing Office, Washington, D.C. 1930 (englisch, hathitrust.org).
- Jeanne F. Lively: Lee, Robert Quincy. In: Handbook of Texas Online. Texas State Historical Association, 1. März 1995 (englisch, tshaonline.org [abgerufen am 21. September 2021]).
- Robert Quincy Lee. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 100–101 (englisch, google.fr [abgerufen am 21. September 2021]).
Weblinks
[ändere | Quälltäxt bearbeite]- Robert Quincy Lee im Biographical Directory of the United States Congress
- Robert Quincy Lee in dr Datebank vu Find a Grave
