Schloss Hochelupfe

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel bschrybt s Schloss Hochelupfe bi Stüelige. Fir d Burg Hochelupfe bi Talheim lueg dert.
p3
Burg Hochelupfe
Schloss Hochelupfe im Winter

Schloss Hochelupfe im Winter

Entstehigsziit: 11. Jh.
Burgetyp: Felseburg
Erhaltigszuestand: Erhalte
Ständischi Stellig: Adligi
Ort: Stüelige
Geografischi Lag 47° 44′ 30″ N, 8° 26′ 7″ O47.7416666666678.4352777777778Koordinate 47° 44′ 30″ N, 8° 26′ 7″ O
Burg Hochelupfe (Baden-Württemberg)
Burg Hochelupfe

S Schloss Hochelupfe isch e Schloss z Stüelige im Landchreis Waldshuet z Bade-Wirttebärg. In dr hitige Form git s es Schloss syter anne 1624 un s wird hit as Familieresidänz vum Firschtehuus Firschtebärg brucht (nume an dr Wynäächte). Syt 2006 versuecht s s Huus Firschtebärg e Mittelalter-Feschtival uf Schloss Hochelupfe z etabliere.

Gschicht[ändere | Quälltäxt bearbeite]

Di urspringli Burgaalag Hochelupfe isch dur d Grofe von Lupfen böue loo un anne 1093 s erscht Mol urkundli gnännt wore. Anne 1499 isch d Burg gschlisse un derno wider ufböue wore. In dr Johre 1620–1624 isch d Burg zuen eme Schloss uusböue wore.

Ehmoligi Bsitzer vum Schloss sin au d Herre von Staufen gsi, d Herre von Küssaberg un d Herre von Pappenheim (1582-1639). Syt 1639 isch s Schloss im Bsitz vu dr Firschtebärger.

Noch ere lokale Sag soll vum Schloss Hochelupfe dr Dytsch Buurechrieg uusgange syy.

Aalag[ändere | Quälltäxt bearbeite]

Panorama vo Stüèlingè vom Flüèli uus. Obbè s Stüèlinger Dreigeschtirn Schloss, Kloschter, Krankèhuus, drunter dè Stadtwäg.

S Schloss lyt uf eme Felsplateau übber m mittlerè Wuètèdal am öschtlichè Rand vum badischè Albgau. Uf däre Ebeni hän wahrschyns scho d Römer e Signalturm stòò ghaa.

S Gebäude isch als großzügig dimensionyrts Hèrrèhuus aaglait. Am nördlichè Ènd vum Hauptdrakt schlièße sich im rächte Winkel e Wehrdurm un e Gsindedrakt aa. Uff dè Dalsitè wärd d Aalaag dur è Weermuurè gschützt, wu südlich bzw. weschtlich durch èn Burggrabbè als Schutzwall abglöst wörd. Im nördöschtlichè Vorhof git s e Ökonomygebäude, woby übber d Hälfti devù durch è Füèrsbrunscht zerschtört worrè isch. Erhaaltè blibbè isch dè Dorbogè, wu hüt diè ainzigi Zuèfaart zum Schloss isch. Stark vofallè isch diè aalt Strõß zum Schloss, wu vu dè befeschtigtè Altschtadt, èm Stüèlinger Städtle, wäg gääch aaschtygt un bis zu dè dalsitigè Weermuè un èm Vorhòf füürt.

Bilderschtreggi[ändere | Quälltäxt bearbeite]

Literadur[ändere | Quälltäxt bearbeite]

  • Arthur Hauptmann: Burgen einst und jetzt. Burgen und Burgruinen in Südbaden und angrenzenden Gebieten. 3. Auflage. Verlag des Südkurier, Konstanz 1987, ISBN 3-87799-040-1.

Weblingg[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vu dere Version vum Artikel „Schloss_Hohenlupfen“ vu de dütsche Wikipedia. E Liste vu de Autore un Versione isch do z finde.