Albgau (Südschwarzwald)

Us der alemannische Wikipedia, der freie Dialäkt-Enzyklopedy
Dialäkt: Markgreflerisch (Obfige)
d Charte vum Herzogtum Schwobe zeigt dr Alpgau im sidlige Schwarzwald

Dr Albgau (au Alpgau) isch e Gaugrofschaft im Herzogtum Schwobe gsi. Si isch im hitige Sidbade zwische dr Wuete, em Schwarzwald, em Hochrhy un dr Baar gläge. D Oschtgränzè vom Bärgland im Südschwarzwald isch durchs Wuètèdal definyrt, im Südè gränzt dè Hochrhy s Albgau gegè s Aargau mit dè südlichè Vorhuèt vom Waald (Albgau), dè Waaldeshuèt, ab. Nördlich markyrt d Wuètèschlucht d Gränz zwûschè Albgau un dè Baar so brägend, dass mò sich bis hütt nò gegèsitig als Ènnèwuètler bezeichnè duèt.

D Worthèrkumpft isch umschtrittè, mengi luèget s Flissli Alb, wo d Weschtgränzè zum Hotzèwaald hy bildet, als Nammensgäbber aa. Wòòrschinlicher isch, dass entwedder è Gau mit Albè odder im Bärgland demit gmeint isch.

Dr Albgau isch anne 781 s erscht Mol gnännt wore, verschwindet aber no 1120 wider; d Grofschaft het derno Landgrofschaft Stüelige gheiße.

Dr Albgau isch äng mit andere Gau in dr Nochberschaft verbunde gsi. Zem Byschpel isch dr Ulrich (780–804) au Grof im Thurgau gsi, dr Adalbert II. au Grof im Thurgau un im Hegau, dr Chadaloh II. 891 au Grof im Aargau, un dr Liutho 929 im Zürigau. Dr erscht Landgrof im Albgau isch dr Rudolf vu Lenzburg im 12. Johrhundert gsi.

Grofe[ändere | Quälltäxt bearbeite]

Grofe im Albgau sin gsi:

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Albgau_(Südschwarzwald)“ vu de dütsche Wikipedia. E Liste vu de Autore un Versione isch do z finde.