Schloss Schönau (Bad Säckingen)
S Schloss Schönau isch es Huus i der Stadt Säckinge im Landchrais Waldshuet vo Baade-Württebärg.
S Schloss isch im 17. Joorhundert vom Hans Chaschper vo Schönau bout worde. Scho im 17. und derno im 19. Joorhundert het mes zimli umbout. Anne 1928 het d Stadt Bad Säckinge das Huus gchauft und drinn s «Hochrhymuseum» ygrichtet.
Im Museum cha me Sache us der Stadt sälber und vo der Regioon am Hochrhy go aluege. Es het es Zimmer, wo em Dichter Joseph Victor von Scheffel gwidmet isch. Dört sind au däm sini Büecher z gseh, und do derby d Uusgabe vom Trumpeeter vo Säckinge; die Gschicht het mit em Schlössli Schönau z tue. I däm het’s sid em Joor 1985 au es chlyses Trumpeetemuseum, wo d Gschicht vm Instrumänt, der Trumpeete, zeigt.
Rundum s Huus isch e Park mit alte Böim, Brünne, emene Kakteegarte und emene Teehüüsli.
Literatur
[ändere | Quälltäxt bearbeite]- Adelheid Enderle: Das Schloss Schönau in Bad Säckingen. Vom Adelssitz zum städtischen Kulturhaus. In: Vom Jura zum Schwarzwald 85, 2011, S. 73–76.
Weblink
[ändere | Quälltäxt bearbeite]
Commons: Schloss Schönau (Bad Säckingen) – Sammlig vo MultimediadateieKoordinate: 47° 33′ 3″ N, 7° 56′ 55″ O