Franklin D. Roosevelt

dr Franklin D. Roosevelt (1942)

im Roosevelt si Underschrift

Dr Franklin Delano Roosevelt [ˈfɹæŋklɪn ˈdɛlənoʊ ˈɹoʊzəvɛlt] (* 30. Januar 1882 in Hyde Park, Nöi York; † 12. April 1945 z Warm Springs, Georgia), vilmol nume mit sine Initiale FDR, isch vo 1933 bis zu sim Dood 1945 dr 32. Bresidänt vo de Veräinigte Staate gsi. Er isch dr Kandidat vo dr Demokratische Bardei gsi und noch sinere erste Amtszit dreimol wiidergweelt worde (1936, 1940 und 1944) – er isch dr äinzig amerikanisch Bresidänt, wo lenger as zwäi Amtsperiode im Bresidänt gsi isch. Si Bresidäntschaft isch dur innepolitischi Reforme under em Schlaagwort New Deal zur Bekämpfig vo dr Wältwirtschaftskrise brägt. Under anderem isch d Sozialversicherig iigfüert worde und das het s Sozialwääse vo de USA für imme veränderet. Ussepolitisch si sini Entschäidige, Groossbritannie mit em Lend-Lease-Act im Kampf gege s Dütsche Riich z understütze, und d Atombombe z entwiggle und denn dr Iidritt vo de Veräinigte Staate in dr Zwäit Wältchrieg im Dezämber 1941 die bedütendste Eräigniss in sinere Karriere gsi. Dr Roosevelt het s Ändi vom Chrieg nüme erläbt.

Dr Roosevelt isch sit 1946 uf dr Vordersite vom US-Dime abbildet.

Litratuur

• Robin Edmonds: Die großen Drei: Churchill, Roosevelt, Stalin. Siedler, Berlin 1999, ISBN 3-442-75566-2.
• Detlef Junker: Franklin D. Roosevelt, Macht und Vision: Präsident in Krisenzeiten. Muster-Schmidt Verlag, ISBN 3-7881-0105-9.
• Alan Posener: Franklin Delano Roosevelt. Rowohlt Verlag, Hamburg 1999, Taschenbuch, ISBN 3-499-50589-4.
• Ronald D. Gerste: Roosevelt und Hitler. Todfeindschaft und totaler Krieg. Schöningh Verlag, 2011, ISBN 978-3-506-77088-2.
• Myron Charles Taylor, Richard C. Seiler: Kriegskorrespondenz zwischen Präsident Roosevelt und Papst Pius XII. NZN Buchverlag, 149 S., Zürich 1947.
• Amity Shlaes: Der vergessene Mann: Eine neue Sicht auf Roosevelt, den New Deal und den Staat als Retter. Wiley-VCH Verlag, 1. Aufl. 2011. ISBN 978-3-527-50553-1
• John Charmley: Der Untergang des Britischen Empires: Roosevelt - Churchill und Amerikas Weg zur Weltmacht. ARES Verlag 2005, ISBN 978-3-902475-04-6

Weblingg

 Commons: Franklin Delano Roosevelt – Sammlig vo Multimediadateie

 Franklin D. Roosevelt im dütschsprochige Wikisource

• Offizielli Site vo dr Roosevelt Library and Museum (ängl.)
• Biografi uf dr Site vom Deutschen Historischen Museums