Tuberkulose

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Tuberkulose (churz TBC, früehner au Schwindsucht oder Morbus Koch, lat. „tuberculum“ = chliine Gschwulst) isch e wältwit verbreiteti bakterielli Infektionschrankhet, wo dur verschidnigi Arte vo Mykobakterie verursacht wird und bim Mensch am hüfigste d Lunge befallt. Wältwit isch si die dödligsti Infektionskrankhet. 2008 si, noch dr Schetzig vo dr Wältgsundheitsorganisation (WHO) vo 2009, über 1,8 Millione Mensche an dr Tuberkulose gstorbe.[1]

Infektion[ändere | Quälltäxt bearbeite]

Z Dütschland wird si hüte am hüfigste dur s Mycobacterium tuberculosis, sältener – in abstiigender Folg – dur Mycobacterium bovis, Mycobacterium africanum oder Mycobacterium microti verursacht.

In de rotgfärbte Länder chömme 80 % vo alle Tuberkulose-Erchrankige wältwit vor. Quelle: WHO (2007)

Nume öbbe fümf bis zäh Brozänt vo de Lüt, wo mit Mycobacterium tuberculosis infiziert si, bechömme im Lauf vo ihrem Läbe Tuberkulose, bedroffe si bsunders Mensche mit gschwechtem Immunsystem oder ere genetisch bedingte Aafelligkeit. D Überdrägig bassiert im Allgemeine dur Dröpfliinfektion vo chranke Mensche in dr Umgäbig. Wemm mä Keim im Speuz (Sputum) cha nochwiise, redet mä von ere „offene“ Tuberkulose. Si Keim in andere Körpersekret nochwiisbar, redet mä von ere „potentiell offene“ Tuberkulose. Dur Hueste entstoht en infektiöses Aerosol, wobii d Erreger stundelang in dr Zimmerluft chönne bliibe. Wil Rinder au an dr Tuberkulose chönne chrank wärde, isch früehner Milch, wo nid pasteurisiert worden isch, e verbreiteti Infektionsquelle gsi.

Behandlig[ändere | Quälltäxt bearbeite]

Für d Therapii git s verschiidnigi Antibiotika, wo speziell gege d Tuberkuloseerreger wirksam si. Mä fasst sä under em Begriff Antituberkulotika zsämme. Die müesse mindestens e halbs Johr gnoh wärde, für zum Rückfäll und d Entwicklig vo Resistänz z vermiide, also vil lenger as dr Chrank Beschwärde het. D Impfig wo s git, isch nid gnueg wirksam und wird z Dütschland sit 1998 nüme empfohle wird und mä chä sä au nüm übercho. E primärprophylaktischi Behandlig mit eme antituberkulös wirksame Medikamänt git mä z Dütschland nume Chinder oder Kontaktpersone, wo immunologisch sehr schwer beiidrächdigt si. Bi immunkompetänte Erwachsene aber wird e Sekundärprophylaxe oder Prävention erst duregführt, wenn en Infektion erkennt worden isch. Wäge dr Überdrägbarkeit vo Dier uf Mensche zellt d Tuberkulose zu de Zoonose. In de westeuropäische Länder isch d Tuberkulose mäldepflichtig.

Litratur[ändere | Quälltäxt bearbeite]

Fuessnote[ändere | Quälltäxt bearbeite]

  1. WHO: Global tuberculosis control: a short update to the 2009 report.. Global Tuberculosis Programme, World Health Organization, Genf 2009 (http://www.who.int/tb/publications/global_report/2009/update/en/index.html).

Weblingg[ändere | Quälltäxt bearbeite]

Gsundheitshiwiis Bitte tue de Hiwiis zu Gsundheitsthemene biachte!