Burgruine Wysswasserstelz
| Burgruine Wysswasserstelz | ||
|---|---|---|
 Weschtsyte (2008) | ||
| Entstehigsziit: | 1100 bis 1200 | |
| Burgetyp: | Higelburg | |
| Erhaltigszuestand: | Muurräscht | |
| Ständischi Stellig: | Adligi | |
| Ort: | Hochetenge | |
| Geografischi Lag: | 47° 34′ 39,4″ N, 8° 24′ 5″ O | |
| Höchi: | 340 m ü. NN | |
| ||
D Burgruine Wysswasserstelz isch e Burgruine uf eme Biel am rächte nerdlige Stade vum Hochryy bi Hochetenge im Landchreis Waldshuet z Bade-Wirttebärg.
Gschicht
[ändere | Quälltäxt bearbeite]Dr Standort vu dr Burg isch scho in dr Urnefelderzyt (Spoti Bronzezyt) fir e Sidlig gnutzt wore.
Die Higelburg Wysswasserstelz isch im 12. Johrhundert vu dr Herre von Wasserstelz böue loo wore, anne 1170 wird in ere Urkund e Wernherus de Wasserstelze gnännt. D Herre von Wasserstelz sin wahrschyns Minischteriali vum Chloschter Ryychenau gsi. Im Johr 1330 het dr Lütold von Krenkingen vu dr Gueteburg d Burg vu dr Margerethe von Wasserstelz gchauft. Im Dryssgjehrige Chrieg isch d Burg anne 1639 gsprängt wore. Dur Erbschaft isch si an d Grofe von Falkenhayn chuu, 1754 gege ne Pfandsumme an s Hochstift Konschtanz. D Burg Wysswasserstelz isch derno verfalle, 1779 isch e Ussemuure zämmeghejt, 1781 het s Dach deilwyys gfählt.
D Herre von Wasserstelz hän au d Burg Rotwasserstelz böue loo un d Wasserburg Schwarzwasserstelz, wu anne 1875 abdrait woren isch.
Aalag
[ändere | Quälltäxt bearbeite]Di ehmolig Burgaalag zeigt no Räscht vun eme Runddurm, eme Halbrunddurm, ere Ringmuure mit 1,8 m Durmässer, eme Chuchiböu un eme Bärgfrid.
Galerii
[ändere | Quälltäxt bearbeite]-
Sidsyte (2008) -
Halbrunddurm an dr Oschtsyte (2008)
Literatur
[ändere | Quälltäxt bearbeite]- Arthur Hauptmann: Burgen einst und jetzt. Burgen und Burgruinen in Südbaden und angrenzenden Gebieten. Verlag des Südkurier. Konstanz 1984. ISBN 3-87799-040-1
- Friedrich-Wilhelm Krahe: Burgen des deutschen Mittelalters. Weltbild Verlag GmbH. Würzburg 1998. ISBN 3-86047-219-4
- J. Schmidt-Brücken: Land Baden-Württemberg. Burgen, Schlösser und Ruinen. Aus der Schriftenreihe: Belser Ausflugsführer. Christian Belser Verlag. Stuttgart 1980. ISBN 3-7630-1290-7
Weblink
[ändere | Quälltäxt bearbeite]
Commons: Burgruine Wysswasserstelz – Sammlig vo Multimediadateie- Yydrag zue dr Burg in dr wisseschaftlige Burgedatebank vum Europäische Burgeinschtitut (EBIDAT)
- Burg Weisswasserstelz bei burgenwelt.de
- Burge im Landchreis Waldshuet uf burgeninventar.de
