Beringè Baddischè Baanhof

Beringè Bad Bf
Baddischè Baanhof z Beringè SH
Baddischè Baanhof z Beringè SH
Daate
Perron	2
Abchürzig	RBE
Eröffnig	12. Dezember 1862 (èrschtè Zug) 13. Juni 1863 (offizièlli Yweyig)
Laag
Gmeind	Beringè
Kanton	Schaffuuse
Staat	Schweiz
Koordinate	685265 / 28332847.6950158.574443
Höchi	441 m
Iisebahnstreckene
Konschdanz–Schaffuusè–Basel Bad Bf
Lischte vo de Bahnhööf in dr Schwiz

i7i12i13i15i15i16i17

Beringè Baddischè Baanhof (baanamtlich Beringè Bad Bf, au Baanhof Beringè odder Beringer Baanhof) isch näbbem Schaffuuser S-Baan-Haltepungt Beringerfäld diè älteri un wichtischte vo zwei Baanschtationè vom schwizer Gmaand Beringè im Kanton Schaffuusè un dört im Obberchläggi. Im Zuüg vo dè Inbedrybnaam vo dè Schaffuuser S-Baan uff èm Hochrhybaan-Abschnitt Ärzingè–Schaffuusè isch dè Beringer Baanhof bis 2013 umfassend modernisyrt worrè.

Zämmè mit dè andrè Baanhööf, wo im Eigèdum vom Dütschè Staat sin, ghört er zuè dè letschtè Baanhööf, wo nõch dè Baanreform z Dütschland nò in uumittelbarem Bundesbsitz sin.

Laag

E Portrait vum Bf Beringè Baddischè Baanhof

Dè Baddische Baanhof lyt öppè 375 m südlich vum Beringer Dorfzèntrum. Urschprünglich isch d Baanschtation wiè au d Hochrhybaan am südlichè Dorfrand glègè. Spôter hèt sich süd- un südöschtlich vu Beringè è Induschtryareal entwicklèt un dè Baddische Baanhof sitdèm lyt im Dorf dinnè. S Gaschthuus Sunnè, wo bis 1964 d Halteschtell Beringè StSS vo dè StSS glègè isch, lyt öppè 190 m nordöschtlich vum Baddischè Baanhof.

Gschichtè

Anno 1856 hèn d Beringer (wiè d Lööninger un Guntmadinger) kei Ysèbaa uff irèm Bann wellè. Eini bis zwei Stundè Entfèrnung (z Fuèss) vo jeddèrè Station sig jeddèm zuèzmuètè, hèt mò dörtzmòl töönt. D Baan sig mangels Nõchfrõg z Beringè zuèdémm sicher unrentabel un usserdèmm chönnt wärtvolles Ackerland volorè gò. Letschteres dürft entscheidend gsi sy, well s Chläggi traditionèlls Buèrèbièt isch, well s dört èn fruchtbarè Dalgrund für d Frucht un für vill Obschtsortè git. „Fassen wir die lokalen Verhältnisse näher ins Auge, so gelangen wir zu der Überzeugung, dass ein Schienenweg durch unser Territorium von (wir möchten sagen unberechenbarem) Nachteil ist.“ hèt denn in èrè Petition au gheissè.

Schu 1858, nu zwei Johr spôter, hét dè Kanton Schaffuusè d Linnièfüürig übber s Unter- un Obberchläggi bschlossè, wa mit 101 Salutschüss vo dè Beringer Ängi uus i s Chläggi usè vokündet worrè isch, asè hèt uff s Mòl au z Beringè Jubel ghèrrscht. 1861 hèt mò s Trassee denn sogar nördlich vo dè Landstrõss (hüt d H 14) haa wellè, demit d Baan nôcher bim Dorf isch, sèllèwäg hèt è Kommission schu für d Landbsitzer mit dè Grossherzoglich Baddischè Ysèbaan übber diè notwendigè Enteignungè vohandlèt. Schlièsslich isch abber s urschprüngliche Trassee baut worrè, wo i dè Dalmitti südlich vo Beringè durrè gòt. Am 12. Dezembèr 1862 isch diè èrscht Lokomotyv vo Neuhuusè gu Waldshuèt gfaarè. Diè offizièll Yweyig vo dè Streggi isch am 13. Juni 1863 abghaaltè worrè. Gèrn hett mò dörtzmòls è Näbbèlinniè vo Beringé Richtig Stüèlingè gsää, mit èm Hintergrund, d è Strèggi übber Bõõdorf un Neuschtadt bis Fryburg abbè z füürè. Für sèllèn Zwèck hèt s spôter d StSS gää, wo für diè Baddischi Baan zuè nèr starkè Konkurrènz worrè isch.

1901 isch s Schaffuuser Tram in Bedryb gangè, wo mit èrè Linniè bis is benõchbòrti Neuhuusè am Rhyfall gfüürt hèt. 1905 isch sèbbi Linniè zuè dè Übberlandstrõssèbaan uff Schlaatè, dè StSS, erwitterèt worrè, wo au zmitts durch s Dorf Beringè gfüürt hèt. Um d Strõssèbaahalteschtell Beringè vom Baddischè Baanhof usènand haltè z chönnè, hèt mò sèllèrè Halteschtell dè Nammè Beringè StSS gää. 1964 isch d Streggi uff Schlaatè stillglait worrè, dè Personèdransport isch vo 1964 bis hüt von èrè Autobuslinniè, dè ASS resp. RVSH, übbernõ worrè.

Am 5. Oktobèr 2013 isch dè Uusbau vo dè Baanschtrèggi zwüschè Ärzingé un Schaffuusè abgschlossè un im Bedryb übbergää worrè. D Strèggi isch zwüschè Ärzingè un Beringè uff 12,5 km Längi zweigleisig uusbaut un zwüschè Ärzingè un Schaffuusè elegtrifizyrt worrè. Zitglych isch z Beringè dè neue S-Baan-Haltepungt Beringerfäld knapp 1,5 km obberhalb vom Bf. Beringè, zwüschè m Baddischè Baanhof un dè Beringer Ängi, ygrichtet worrè. Sit dèm isch Beringè Bad. Bf. nõch 49 Johr nümmi dè einzigschte Baanhof z Beringè. Usserdèm vokeert sit dèm zwüschè Schaffuusè un Ärzingè d Schaffuuser S-Baan im Halbschtundètagt, zwüschè Schaffiusé un Beringè Bad Bf i dé wärchdäglichè Hauptvokeerszit sogar im Vyrtelschtundètagt.

Durch dè Bydritt vo dè Schwiz zum Schengè Ruum im Johr 2008 isch d Bedütig vo dè Gränz zwüschè dè Schwiz un Dütschland zwar gschwundè, i dè RE-Züüg, wo ooni Halt durch Beringè Bad. Bf. vokeerèd, wörrèd au witterhy unregelmäßig Kontrollè i dè Züüg zwüschè Ärzingè un Schaffuusè vorgnõ.

Vokeer

Beringè lyt im Taryfgebièt vom Taryfvobund Schaffuusè (FlexTax).

Baanvokeer

Sit Dezember 2013 vokeert d Schaffuuser S-Baan zwüschè Schaffuusè un Ärzingè im Halbschtundètagt, zwüschè Schaffuusè un Beringè Bad Bf i dè Hauptvokeerszitè am Wärchtig sogar im Vyrtelschtundètagt.

• RB Schaffuusè – Beringè Bad Bf – Ärzingè (Baddè) (DB un SBB GmbH/Thurbo)

Autobusvokeer

Am Beringer Baanhof haaltèd d Stadtbuslinniè 28 in Richtig Beringè Baddi un Guntmèdingè Dorf. Usserdèm git es no zwei Übberlandbuslinniè. Eini dèvo gòt vo Schaffuusè uff Schlaatè/Beggingè (Regionallinniè 21), früéner vo 1964-2001 als Autovobindig Schaffuusè–Schlaatè (ASS) benamst, ab 2001 heißt sèlli Linniè Regionali Vokeersbedryb Schaffuusè (RVSH). D RVSH isch dè nüt anders wiè dè Schinnèersatzvokeer für d StSS. Diè zweiti Buslinniè isch vo Schaffuusè uff Ärzingè gangè, dè Bedryber isch bis 2013 s dütsche Regionalbusunternämmè SüdbadeBus GmbH, d SBG, gsi. D SBG-Linniè isch au für d Aabindig vo Beringè a Schaffuusè bruuchbar gsi. Sit dè Yfüürung vo dè Schaffuuser S-Baan isch sèlli Buslinniè ygschtellt worrè, well si au nu d Regionalbaan ersetzt hèt, wo vo dè DB uff dè Relation Ärzingè-Schaffuusè ygschtellt worrè isch. D RVSH-Buslinniè bediènt nit dè Baddische Baanhof vo Beringè, sondern diè nägscht Halteschtell Beringè, Sunnè (hochdt. Beringen, Sonne), wo i dè Dorfmitti un a dè H 14 lyt.

Literadur

• Schienennetz Schweiz, usègää 1980 vum Generalsekretariat SBB, Bärn
• Hans G. Wägli: Schienennetz Schweiz und Bahnprofil Schweiz CH+, im Schuber AS Volaag, Züri 2010, ISBN 978-3-909111-74-9.
• Rainer Gerber: 125 Jahre Basel–Waldshut: Jubiläum der Eisenbahn am Hochrhein. Ysèbaa-Kuryr Volaag, Fryburg 1981, ISBN 3-88255-789-3
• Hans Wolfgang Scharf: Die Eisenbahn am Hochrhein. Band 1: Von Basel zum Bodensee 1840–1939. (= Südwestdeutsche Eisenbahngeschichte, Band 4). Ysèbaa-Kuryr Volaag, Fryburg 1993, ISBN 3-88255-755-9
• Hans Wolfgang Scharf: Die Eisenbahn am Hochrhein. Band 2: Von Basel zum Bodensee 1939–1992. (= Südwestdeutsche Eisenbahngeschichte, Band 5). Ysèbaa-Kuryr Volaag, Fryburg 1993, ISBN 3-88255-756-7
• Hans-Wolfgang Scharf: Die Eisenbahn am Hochrhein. Band 3: Die Strategischen Bahnen in Südbaden. EK-Volaag, Fryburg 1993, ISBN 3-88255-757-5
• Dietmund Schwarz: Eine Dorfgemeinde und ihre Bahngeschichte – 150 Jahre Eisenbahn in Lauchringen und am Hochrhein von Waldshut nach Konstanz 1863 – 2013, Lauchringè 2013, ISBN 978-3-00-040605-8

Weblingg

 Commons: Beringè – Sammlig vo Multimediadateie

Einzelnõchwys

Dä Artikel basiert uff ere fräie Übersetzig vu dere Version vum Artikel „Beringen_Badischer_Bahnhof“ vu de dütsche Wikipedia. E Liste vu de Autore un Versione isch do z finde.