Schaffuusèr S-Baan

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Uff dè Faarblaanwechsel im Dezembèr 2015 isch d Schaffuuser S-Baan voll in Bedryb gangè. Mit dè Schaffuuser S-Baan isch s Aagebot vom schinnègebundènè Öffentlichè Vokeer (ÖV) i dè Region Schaffuusè, wo johrzeentelang nu rudimentär vorhandè gsi isch (Relationè Schaffuusè-Bf. Neuhuusè mit Witterfüürig i s Zürcher Wyyland resp. Jeschtettemer Zipfel sowiè i s Reièt). D S-Baan bschtòt us èm Streggènnetz vo dè Schwizerischè Bundesbaanè (SBB) un dè Dütschè Baan (DB), woby dè Abschnitt Bhf. Ärzingè-Bf. Schaffuusè elegdrifizyrt un zuèsätzlichi Halteschtell ygrichtet worrè sin.

Gschichtè[ändere | Quälltäxt bearbeite]

Lancyrt worrè isch d Idee durch Pro Baan Schwiz im Infoforum 2 anno 2004)[1] un Vorschtöss vo dè Kantonsrôtinnè Iren Eichèbärger un Martina Munz. Dè Kantonsrõt hèt s Boschtulat am 12. Juni 2006 mit 64 zuè 0 Stimmè eischtimmig akzeptyrt un a dè Regyrigsrõt übberwisè. Am 6. Juni 2011 hèt dè Kantonsrõt èn Raamèkredit vo 74,86 Millionè Schwizer Frankè bewilligèt un sich mit 51 zuè 0 Stimmè für dè Bau vo dè Schaffuuser S-Baan uusgschprochè. Am 25. Septembèr 2011 hèt s Stimmvolch vom Kanton Schaffuusè mit èm Jò-Aadeil vo 76 % dè Raamèkredit bewilligt. Alli 27 Pmaandè hèn sich für s S-Baan-Brojèkt ussgschprochè.[2]

Zyl[ändere | Quälltäxt bearbeite]

S Zyl vom Brojèkt S-Baan Schaffuusè isch es, d Hälfti vom Vokeerswachsdum vo dè nägschtè 20 Johr z übbernää un dõdemit au d Strõssè z entlaschtè. Um sèll Zyl z erreichè, hèt dè Kanton Schaffuusé folgendi Aagebot schaffè müèsè:

  • Durchmesserlinniè durch dè Kanton Schaffuusè (dirèktèri Vobindigè), z.B. Ärzingè-Schaffuusè-Thayngè, un ooni brochenè Bedryb (Wechsel Disel-/Elegtro-Faarzüüg)
  • Halbschtundètagt uff allnè Baanlinniè un Halteschtellè im Kanton
  • Vyrtelschtundètagt zwǜschè dè Entwickligszentrè zuè dè Hauptvokeerszitè
  • Neui Halteschtellè bi Entwicklungsschwerpungtgebièt. Neu: Neuhuusè Rhyfall SBB, Beringè Beringerfäld DB. Modernisyrt: Baanhof Schaffuusè SBB/DB, Schaffhuusè Härblingè DB, Baanhof Thayngè DB, Baanhof Jeschtettè SBB.
  • Komfortvobesserig für d Passagyr durch bessers Rollmatriaal un è neus Informationssischteem

Massnammé[ändere | Quälltäxt bearbeite]

Demit mò s Aagebot wiè blaant realisyrè hèt chönnè, hét s neui Infraschtruktur bruucht. Alli Brojäkt hèn bis Dezembér 2015 realisyrt wörrè chönnè:

  • Strecken
    • Elektrifizierung der Hochrheinbahn zwischen Erzingen und Schaffhausen (19 Kilometer, 35 Millionen Schweizer Franken)
  • Stationè
    • Uusbau vom Baanchnotè Schaffuusè mit zuèsätzlichem Perron (Gleis 6 ; 9,7 Millionè Schwizer Frankè)
    • Uusbau vom Baanhofs Thayngè mit Unterfüürig un Perronlängènè vo 320 Meter (7,3 Millionè Schwizer Franké)
    • Neui Halteschtell Beringerfäld (6,2 Millionè Schwizer Frankè) mit zwei Ussèperron un Wartehüsli
    • Wendegleis z Jeschtettè (3,4 Millionè Frankè)
    • Neui Station Neuhuusè Rhyfall bim SIG-Areal (10,6 Millionè Schwizer Frankè) resp. a dè rächtè Uferhaaldè vom Hochrhy uff Höchi Rhyfall
    • Uffwärtung vo dè Station Härblingè (5,8 Millionè Schwizer Frankè)

Voruusgangèni Infraschtrukturuusbautè[ändere | Quälltäxt bearbeite]

Zuèsätzlich hèt dè Kanton Schaffuusè i dè voraagangènè Johr schu voschiddèni Uusbaubrojèkt realisyrt, wo au uff d S-Baan Schaffuusè uusglait gsi sin.

  • Uffhebbung Baanübbergang Beringè Ängi (2004)[3]
  • Uffhebbung Baanübbergang Zollstrõss Neuhuusè (2007 bis 2009)[4]
  • Doppelschpuruusbau vo dè DB-Streggi Ärzingè–Schaffuusè (19 Kilometer, 53 Millionè Euro, isch vollschtändig vo dè Dütschè Baan finanzyrt worrè)
  • Baan- un Buskonzèpt Chläggi: Uffhebbung vo dè niveauglychè Baanübbergäng Nüüchilch un Wilchingè, Uffwärtung vo dè Baanhööf, Gschwindigkeit uff 160 km/h uè setzè (2010 bis 2012, 34 Millionè Schwizer Frankè)[5]
  • Doppelschpuruusbau Jeschtettè un Uffwärtung vo dè dörtigè Station (HGV-Aaschluss)

Köschtè[ändere | Quälltäxt bearbeite]

A dè Gsamtköschtè vo 74,86 Millionè Schwizer Frankè hèt sich dè Bund im Raamé vom Agglomerationsbrogramm mit 15,32 Millionè Schwizer Frankè bedeiligt, dè Kanton hét 45,85 Millionè Schwizer Frankè übbernõ un d Gmeindè hèn sich mit 13,69 Millionè Schwizer Frankè bedeiligè.[6]

Weblinggs[ändere | Quälltäxt bearbeite]

Einzelnõchwys[ändere | Quälltäxt bearbeite]

  1. InfoForum Pro-Bahn Schweiz 2/2004, ab Sitè 12. Archiviert vom Original am 2006-04-23. Abgrüeft am 2018-09-05.
  2. Schaffhauser Nõchrichtè vum 25. Septembèr 2011
  3. Brojèktinformation zum Chraisel Ängi vom Kanton Schaffuusè (Site cha nüme abgrüeft wärde; Suche im Webarchiv)[1] [2] Vorlage:Toter Link/www.sh.ch
  4. Brojèktinformation zum Baanübbergang ZollstrǑss z Neuhuusè vom Kanton Schaffuusè
  5. Brojèktinformation für s Baankonzèpt Chläggi
  6. Abschtimmigsvorlaag 25. Septembèr 2011
Information icon.svg Dä Artikel basiert uff ere fräie Übersetzig vum Artikel „S-Bahn_Schaffhausen“ vu de dütsche Wikipedia.

E Liste vu de Autore un Versione isch do z finde.